( صــوتيــه ) خــــــذني .. مـعــــــك .. خــــــذني .. مــعــــــك .. !!

[محمد العسكر]

http://www.geocities.com/al_ashhabany_36/5thne_m3kk.rm


خذني معك .. من وين ما رحت .. وياك= خذني بقلبك .. دام قلبي .. رهينك


صعبه ترى لو شفت .. وشلون ابسلاك=لو طفت هالعالم .. تراني سجينك


عذبتني .. واشقيت روح ٍ تمناك=لو ( الهوى ) ينطق .. وربي يدينك


مات الغلا .. ينزف على درب ذكراك =رغم الجفا .. لا زال .. يرجي حنينك


بعدك حياتي .. كلها ضيق .. وارباك =الواقع .. اللي .. ما تمناه .. عينك


كل المشاعر .. في غيابك .. تحراك=تصرخ عليك من الوله .. حيل .. وينك


مقدر على بـُـعدك .. حشى كيف فرقاك= هذي الحقيقة .. خلها .. في يقينك


ادري تساومني بروعة .. مزاياك = وتدري اضيع .. إليا بدالي .. جبينك


همك عذاب .. اللي نسى الناس .. لرضاك=وهمي اشوفك .. مهتني .. في سنينك


لو تطلب اسنين العمر .. من فداياك= سلمت لك عمري .. براحت .. يمينك


منك احتملت من الشقى فوق .. ما جاك= ذقت العناء والهم .. كني ..حزينك


يكفي .. دخيلك ( حس ) باللي ترجاك= لا عاش منهو .. يا حبيبي .. يهينك


تعبت مالي .. بالهوى غير .. دنياك= مديت لك يمناي .. عطني .. يدينك


اعاهدك .. ببقى على الحب .. منساك =عهد ٍ قطعته .. بين قلبي .. وبينك


القصيدة من برنامج ليل المشاعر
وهي من قصائدي .....عبر إذاعة
دولة الكويت ...........................
بصوت العملاق ( فهد الهويدي .. )

[أسير الأماني]

أخي محمد العسكر


الله الله الله علييك شاعرنا وحياك في منتداك الملتاع

رائع الى ابعد مدى.. وتجاوزت حدود الإبداع والجمال بهذه الفاتنه

رائـع ومتألق .. في أول حضور لك

نص فيه من الشعر والجمال مايكفيه .. ونص لايُمل من قرائته

وزاد روعته إلقاء العملاق فهد الهويدي



إحترامي وتقديري لك اخوي

"أسير الأماني"

[الـعـبـيـر]

::

شاعرنا المبدع


::*:: محمد العسكر::*::

يتصبب جبين الكلام عرق احترام واكبار لحروفك المبجلة

وينثني وهج الابداع ليرسم كلمات شكر وعرفان ...

لشخصك الكريم

على هذه الرائعة المخملية ..

التي نزفتها هنا .. وابهرت اعيننا بتلألأ حروفها ...

صح لسانك

اتمنى ان يستمر تواصلك العطر في اروقة الملتاع

::

[ماجد]

هلا وغلا بالشاعر محمد العسكر

قامة فارعه في عالم الشعر وله اسم محفور في جبين الشعر الشعبي

لا ينكره الا جاهل ولا تحجبه شمس

اوجد لنفسه مكانه بين اقارنه

قصيدة رائعة بروعتك شاعرنا الغالي

وزاد روعة القصيدة روعة القاء الهويدي صاحب

اجمل صوتي خليجي في القاء الشعر

ولا ننسى الشاعر احمد المطيري

صح لسانك شاعرنا

دمت بود


مااجد

[شـ الفدعا ــوق]

صح السااااااااااانك

قصيده جزله وشاعرها اجزل

الله لايهينك

تحياتي وتقديري

اخووووك.....

(( شوق الفدعا))

[ضيف]

صح لساااااااااااااانك اخوي محمد

ولا هنت
على هالجزله يالجزل



تقديري

[سِوار المَطــــر]

لا اختلاااف شاعرنا / محمد عسكر ..

صاحب " أقسى قصيدة حب " .. !!

مازلت اذكرها و مازلت أسمعها لليوم ..

و ها أنت بهذه الأقحوانة النديّة تتجلى ابداعا ..

لي الشرف أن أكون بين هذه المبجّلة ..

حضورك حديثك حيث أنت دائما على الساحات ..

لك الود

ريانة العـــــود

[الآسير]

السلام عليكم ورحمة الله وبركاته

محمد العسكر ... صح لسانك ولاهنت .. والله لايحرمنا من جديدك

تحياتي