الـعـبـيـر
17-01-2004, 12:25 AM
( ياللّه عسى "الملتاع" بالخلد وجنان )
ننقل لكم هذه القصيدة من ضمن قصائد رثاء بالأمير / طلال العبدالعزيز الرشيد رحمه الله وأسكنه فسيح جناته
منشورة في مجلة ( بروز) الشهرية العدد (50) شهر يناير 2004م
القصيدة للشاعر / منور العـنـــــــزي حفظه الله تعالى
( ياللّه عسى "الملتاع" بالخلد وجنان )
مات الرشيد وهلت دموع الأحزان = وظلّم علينا الجو حزن وكآبه
مات الرشيد اللي عن الضيم مزبان = "طلال" عون اللي نصاه ولجابه
الحر الأشعل من صواريم حوران = نسل الرشيد مروضين الصعابه
يا حيف يا شيخٍ له المجد عنوان = راح الضحيه بين غدر وعصابه
راح الضحية بين مجرم وشيطان = الله يجعلهم شتات وذهابه
الحاقدين مشوهة سيد الأديان = سووا لنا الإسلام مصدر أرهابه
والله لوهو شوف وجهٍ بالأعيان = السيف منهم غير يروي نصابه
لا شك غدر وراعي الغدر خسران = لا بد من يومٍ يواجه حسابه
وياعلّ "جلفه" بالزلازل وبركان = بجاه الذي منزل شرايع كتابه
ديرة بها دم الصميدع بليهان = علّ الكوارث كل يوم تعثابه
أنشهد أنه ما يثمن بالأثمان = اللي علوم المرجله تلتقابه
ما تعرفونه يا ضعيفين الإيمان = هذا الذي لاقال قولٍ وفابه
شيخٍ له أفعالٍ جزيلات وحسان = على بعيد الدار وألا القرابه
يبحث عن الإسلام في كل الأوطان = وكم من ضعيفٍ قام له وأعتنابه
يعطي العطايا ما يدور للاعلان = ياما فعل خير ولا أحدٍ درابه
الاّ الذي يعلم خفيات الإنسان = رب الملا اللي يرتجيه ويهابه
وكريم أكرم من هماليل الأمزان = وعند الشدايد فيه عزم وصلابه
سيفٍ يشيل الروس من فوق الأمتان = في ساعةٍ فيها تعتم ضبابه
وللصاحب أحلا من حلو نبت الأغصان = وأحلا من الصافي ولذة شرابه
حكيم راي وراجح الفكر ميزان = خفيف نفس وفيه ثقل وذرابه
تبكي عليه اليوم حضرٍ وبدوان = شيبانها ورجالها مع شبابه
وتبكيه عوراتٍ ويبكيه يتمان = وتبكي عليه سهولها مع هضابه
ويبكيه شعرٍ بالصحايف وديوان = وتبكي عليه أقلامها والكتابه
تبكي له الذكرى على مد الأزمان = ولا ينّسي شيخٍ عزيزٍ جنابه
أمرٍ جرى من فارضٍ خمس الأركان = والموت حق وكل مسلم رضابه
والموت كلٍ سايرٍ له بالأضغان = وكلٍ على دربه تقافا ركابه
وكل من عليها بآية الرب له فان = ألاّ الذي بأمره ينزل سحابه
والحمد للي عاضنا عالي الشان = لنا العوض "نواف" كل الرجابه
حرٍ ولد حرٍ سلايل كحيلان = وكل الخصايل حاشها وأقتدابه
ويالله يا منزل تبارك والانسان = ياواحدٍ للخير ما صك بابه
ياوحدٍ بأمرك على الشي ثم كان = طالبك عبدك يا سريع الإجابه
تجعل مقره بين روحٍ وريحان = وتنجيه من يومٍ يهوّل عذابه
ويالله عسى "الملتاع" بالخلد وجنان = في جنة الفردوس سندس ثيابه
وصلاة ربي عد نجمٍ لنا بان = على الرسول المصطفى والصحابه
منور العـنزي
ننقل لكم هذه القصيدة من ضمن قصائد رثاء بالأمير / طلال العبدالعزيز الرشيد رحمه الله وأسكنه فسيح جناته
منشورة في مجلة ( بروز) الشهرية العدد (50) شهر يناير 2004م
القصيدة للشاعر / منور العـنـــــــزي حفظه الله تعالى
( ياللّه عسى "الملتاع" بالخلد وجنان )
مات الرشيد وهلت دموع الأحزان = وظلّم علينا الجو حزن وكآبه
مات الرشيد اللي عن الضيم مزبان = "طلال" عون اللي نصاه ولجابه
الحر الأشعل من صواريم حوران = نسل الرشيد مروضين الصعابه
يا حيف يا شيخٍ له المجد عنوان = راح الضحيه بين غدر وعصابه
راح الضحية بين مجرم وشيطان = الله يجعلهم شتات وذهابه
الحاقدين مشوهة سيد الأديان = سووا لنا الإسلام مصدر أرهابه
والله لوهو شوف وجهٍ بالأعيان = السيف منهم غير يروي نصابه
لا شك غدر وراعي الغدر خسران = لا بد من يومٍ يواجه حسابه
وياعلّ "جلفه" بالزلازل وبركان = بجاه الذي منزل شرايع كتابه
ديرة بها دم الصميدع بليهان = علّ الكوارث كل يوم تعثابه
أنشهد أنه ما يثمن بالأثمان = اللي علوم المرجله تلتقابه
ما تعرفونه يا ضعيفين الإيمان = هذا الذي لاقال قولٍ وفابه
شيخٍ له أفعالٍ جزيلات وحسان = على بعيد الدار وألا القرابه
يبحث عن الإسلام في كل الأوطان = وكم من ضعيفٍ قام له وأعتنابه
يعطي العطايا ما يدور للاعلان = ياما فعل خير ولا أحدٍ درابه
الاّ الذي يعلم خفيات الإنسان = رب الملا اللي يرتجيه ويهابه
وكريم أكرم من هماليل الأمزان = وعند الشدايد فيه عزم وصلابه
سيفٍ يشيل الروس من فوق الأمتان = في ساعةٍ فيها تعتم ضبابه
وللصاحب أحلا من حلو نبت الأغصان = وأحلا من الصافي ولذة شرابه
حكيم راي وراجح الفكر ميزان = خفيف نفس وفيه ثقل وذرابه
تبكي عليه اليوم حضرٍ وبدوان = شيبانها ورجالها مع شبابه
وتبكيه عوراتٍ ويبكيه يتمان = وتبكي عليه سهولها مع هضابه
ويبكيه شعرٍ بالصحايف وديوان = وتبكي عليه أقلامها والكتابه
تبكي له الذكرى على مد الأزمان = ولا ينّسي شيخٍ عزيزٍ جنابه
أمرٍ جرى من فارضٍ خمس الأركان = والموت حق وكل مسلم رضابه
والموت كلٍ سايرٍ له بالأضغان = وكلٍ على دربه تقافا ركابه
وكل من عليها بآية الرب له فان = ألاّ الذي بأمره ينزل سحابه
والحمد للي عاضنا عالي الشان = لنا العوض "نواف" كل الرجابه
حرٍ ولد حرٍ سلايل كحيلان = وكل الخصايل حاشها وأقتدابه
ويالله يا منزل تبارك والانسان = ياواحدٍ للخير ما صك بابه
ياوحدٍ بأمرك على الشي ثم كان = طالبك عبدك يا سريع الإجابه
تجعل مقره بين روحٍ وريحان = وتنجيه من يومٍ يهوّل عذابه
ويالله عسى "الملتاع" بالخلد وجنان = في جنة الفردوس سندس ثيابه
وصلاة ربي عد نجمٍ لنا بان = على الرسول المصطفى والصحابه
منور العـنزي