الليل كله
09-09-2004, 10:28 AM
فئة (( طقني و أطقك )) :
هاذي الفئة معروفة بميولها العدوانية و من أهم هواياتها التشوت و التبكس بعيال خلق الله بسبب و من غير سبب بالإضافة إلى الفزعه حق الربع و عيال العم و الخال ، تلقى الواحد منهم يقعد عند جواله بس يتنظر واحد من الربع يعزمه على هوشه سنعه فيها ضحايا و معذبين ، فإذا لقيت واحد راسمين على وجهه خريطة العالم و وجهه متروس دواويح زرق و حمر لازم تستنتج إن الشخص إلي قدامك يا يكون من هاذي الفئة أو من فئة (( دايسين في بطنه و مطلعين مصارينه ) إلي راح نتكلم عنها بعد شوي ، و عساس تعرف إذا الشخص إلي قدامك من هالفئة عشان ما تروح عليك و تلقى إسمك في صفحة الوفيات ، أول شي لازم تلبس قناع batman أو spider man و إذا كانت بنية تلبس قناع فروحة أو باربي عساس ما يتعرف عليها أو عليه هالعفطي ، لأنه إذا شافك نصيحة مني تروح تستغفر ربك و ترد الديون إلي عليك و إلي ما خليت أحد ما تسلفت منه لأنه يومك قرب و أيامك صارت معدودة ، بعد هالخطوة لازم تخلي المسافة بينك و بينه على الأقل 350 متر، لا و لازم ما تنزل من السيارة ، و مو تاخذ أي سيارة ، لازمتجيب ذاك الموتر العدل لأن وقت النحشة ما راح ينفعك غير هالموتر إلي راح يكون أملك الأخير (( معلومة : سرعة الأفراد في هذه الفئة 350 متر في الدقيقة )) و لازم تكون قطيت وجهك عند ربعك إلي شاد الظهر فيهم قبل ثلاث أيام عساس تكسر خاطرهم و يسلفونك واحد من الشوازن ( جمع شوزن ) و إذا كانت بنية تروح تشتري مسدس بو صجم (( وايد عليها )) لأن هذا حدهاااااااا ، و أكيد عساس ما تكون نهايتك كخريج سجون لا تصير خبل و يقص الشيطان عليك و توجه الشوزن عليه ، بس خوفه فيه ، يعني إطلق يمه فإذا شفت الصبيبشوي ، و إذا طيرت إذنه عاااااااادي (( أهم شي آنا موافقة )) عيونه حمر و شوي بيطلعوون و رفع جمومه ، و إذا لابس حفر شق فنيلته لازم تعرف إن هالصبي من فئة (( طقني و أطقك )) و أحسنلك وخر عنه (( نصيحة من إخت )) و إختفي عن الأنظار لمدة شهر لما المراقبة تخف عليك .
تحذير : هذي الخطة مو مضمونه 100%
حكمتهم في الحياة : آنا و أخوي على ولد عمي و آنا و ولد عمي على الغريب .
((فئة دايسين في بطنه و مطلعين مصارينه )):
هاذي الفئة رايحة عليها و مسخرة حق إلي يسوى و إلي ما يسوى ، كل من هب و دب طايحله طق فيهم ، يعني إذا شفت عمرك في يوم من الأيام منبطةكبدك ليش إنه واحد من فئة ((طقني و أطقك )) سفل فيك و لعن والدي والديك و جرح مشاعرك ، طلع حرتك بهالأشكال و صدقني راح تحس إن إنت شي خطير .. (( و إنت أصلا و لا شي … يعني على الطل ))) و إذا ما قدرت عليه روح إنتحر أحسنلك .. و إحنا مثل ما ذكرنا في النقطة الأولى إن ظاهريا في مجال تضيع بينهم و بين شباب (( طقني و أطقك )) و عساس تتأكد ، كل إلي لازم تييبه تيله واحدة فقط ، و إذا بنية تييب مجموعة من الشبابيص إلي طايح حظهم و طاحت موضتهم و دار عليهم الزمن ، و كل إلي تسويه إنك تحذف التيله أو تحذفين الشباصة عليه ، و مو مهم المسافة لأنه هالنوع من الأفراد لو وقفت على راسهم أو وقفت بينك و بينهم ديره كلا واحد ،فإذا شفت الأخ قب و إنحاش إلا ما لا نهاية و ما شفت رقعة ويهه إذن لازم تستنتج إنه من فئة (( دايسين في بطنه و مطلعين مصارينه ))
وهاذي الخطة مضمونه 100 %
حكمتهم في الحياة : إبعد عن الشر و غنيلووووووو
(( فئة سبِع على الطل )) :
هاذي الفئة شغلهم كلا حكي بحكي و حزة الصدق ما في أحسن منهم في النحشة (( )) ، و حكيهم كله : آنا و آنا …. ، و في المجالس يشتغلون صبابينوايد عليهم قهوة حق ربعنا (( طقني و أطقك )) و طايحنله تملحس و تلزق فيهم عساس ما يحصلون جم )) فالربع ما قصرو حاطينهم حقل تجارب حقبكس على الطاير (( بس على منو هالحركات أحدث البكسات و الشوتات و إهم مثل الحمير ساكتين …
و طالعين فيهاااااا يعني ترى آنا ماكو مثلي على (( دايسين في بطنه و مطلعين مصارينه )) لا و يفردون عضلاتهم عليهم (( الله يخلي الإبر !! )) ، و طوووووول عمرهم يطالعون جاكي تشان و عيال عمه و ربعه عشان يحسن و يطور من قدراته القتالية بس مثل ما يقولون الردي ردي يعني ماكو مجال للترقيع .
حكمتهم في الحياة : أبوي ما يقدر إلا على أمي .
المعجم الوجيز:
التشوت ( مصدر ) الفعل منه شات و المضارع يشوت : و معناه رفع رجله و حركها باتجاه خصمه ليضربه .
التبكس (مصدر صريح ) ،المصدر المؤول منه: يعطيه بكس :و معنى البكس : ضربه باليدين أو اليد الواحدة و شرطها أن تكون اليد مغلقة و غالبا ما تكون موجهه للوجه .
الفزعه (مصدر ) : الفعل منه فزع و المضارع يفزع : و معنى الفزعة : النصرة .
ينطر ( فعل ) ، الإسم منه : النطرة : و معناه : ينتظر طويلا و غالبا ما تكون نهايتها عصيبة و صعبه بالنسبة للشخص الذي قد جعل الفاعل ينتظر .
متروس ( صفة ) بمعنى : ممتلىء
العفطي : المعنى غير موجود حالياا … ( آنا عارفة المعنى بس ما أقدر أوصله باللغة العربية الفصحى !!)
الموتر : بمعنى سيارة و لكن هذه الأيام بمعنى : السيارة السريعة الصاروخية ( الصاروخ هو من وسائل المواصلات السريعه فالحاله هنا إستعارة تصريحية و الغرض منه الدلالة على السرعه الخارقة )
قطيت ، و غالبا تأتي مع لفظ الوجه : بمعنى التطفل .
الشوزن : مسدس xxxxl
وخر ( فعل أمر ): بمعنى : ابتعد .
المصارين أو المصران ( جمع و لم ينوجد له مفرد حتى الآن )): بمعنى :الأحشاء الداخلية .
مسخرة ( إسم ) ، الفعل منه تمسخر ، و معناه : قلل من قيمته و إذا قيلت لشخص تعني : من لا قيمه له .
منبطة جبدك : إستعارة مكنية بمعنى : ذقت ذرعا و طفح الكيل .
سفل ( فعل ماضي ) : و هم من التسفيل بمعنى : ذكره بما لا يحب ( قمت أخورها …)
الشبابيص (جمع )، المفرد منه : شباصة : شيء يوضع على الشعر بهدف الزينه .
تيلة ( إسم مفرد ) ، الجمع منه تيل : بمعنى : كرة زجاجية توجد بأحجام مختلفة .
قب (فعل ماضي ) بمعنى : هرب جارا أذيال الهزيمه ..
إنحاش (فعل ماضي ) بمعنى : هرب فقط .
الهوشه: حرب صغيرة .
الصجية :كلمة محرفة أصلها : الصح أو الصدق ، و تأتي بمعاني كثيرة : مثل الحرب أو الإمتحان أو الزواج … إلخ.
يتملحس : راجع قطيت .
الترقيع (مصدر ) الفعل منه : رقع ، و معناه : عدل .
معجم المورد :
bat man : الرجل الوطواط
spider man : الرجل العنكبوت
هاذي الفئة معروفة بميولها العدوانية و من أهم هواياتها التشوت و التبكس بعيال خلق الله بسبب و من غير سبب بالإضافة إلى الفزعه حق الربع و عيال العم و الخال ، تلقى الواحد منهم يقعد عند جواله بس يتنظر واحد من الربع يعزمه على هوشه سنعه فيها ضحايا و معذبين ، فإذا لقيت واحد راسمين على وجهه خريطة العالم و وجهه متروس دواويح زرق و حمر لازم تستنتج إن الشخص إلي قدامك يا يكون من هاذي الفئة أو من فئة (( دايسين في بطنه و مطلعين مصارينه ) إلي راح نتكلم عنها بعد شوي ، و عساس تعرف إذا الشخص إلي قدامك من هالفئة عشان ما تروح عليك و تلقى إسمك في صفحة الوفيات ، أول شي لازم تلبس قناع batman أو spider man و إذا كانت بنية تلبس قناع فروحة أو باربي عساس ما يتعرف عليها أو عليه هالعفطي ، لأنه إذا شافك نصيحة مني تروح تستغفر ربك و ترد الديون إلي عليك و إلي ما خليت أحد ما تسلفت منه لأنه يومك قرب و أيامك صارت معدودة ، بعد هالخطوة لازم تخلي المسافة بينك و بينه على الأقل 350 متر، لا و لازم ما تنزل من السيارة ، و مو تاخذ أي سيارة ، لازمتجيب ذاك الموتر العدل لأن وقت النحشة ما راح ينفعك غير هالموتر إلي راح يكون أملك الأخير (( معلومة : سرعة الأفراد في هذه الفئة 350 متر في الدقيقة )) و لازم تكون قطيت وجهك عند ربعك إلي شاد الظهر فيهم قبل ثلاث أيام عساس تكسر خاطرهم و يسلفونك واحد من الشوازن ( جمع شوزن ) و إذا كانت بنية تروح تشتري مسدس بو صجم (( وايد عليها )) لأن هذا حدهاااااااا ، و أكيد عساس ما تكون نهايتك كخريج سجون لا تصير خبل و يقص الشيطان عليك و توجه الشوزن عليه ، بس خوفه فيه ، يعني إطلق يمه فإذا شفت الصبيبشوي ، و إذا طيرت إذنه عاااااااادي (( أهم شي آنا موافقة )) عيونه حمر و شوي بيطلعوون و رفع جمومه ، و إذا لابس حفر شق فنيلته لازم تعرف إن هالصبي من فئة (( طقني و أطقك )) و أحسنلك وخر عنه (( نصيحة من إخت )) و إختفي عن الأنظار لمدة شهر لما المراقبة تخف عليك .
تحذير : هذي الخطة مو مضمونه 100%
حكمتهم في الحياة : آنا و أخوي على ولد عمي و آنا و ولد عمي على الغريب .
((فئة دايسين في بطنه و مطلعين مصارينه )):
هاذي الفئة رايحة عليها و مسخرة حق إلي يسوى و إلي ما يسوى ، كل من هب و دب طايحله طق فيهم ، يعني إذا شفت عمرك في يوم من الأيام منبطةكبدك ليش إنه واحد من فئة ((طقني و أطقك )) سفل فيك و لعن والدي والديك و جرح مشاعرك ، طلع حرتك بهالأشكال و صدقني راح تحس إن إنت شي خطير .. (( و إنت أصلا و لا شي … يعني على الطل ))) و إذا ما قدرت عليه روح إنتحر أحسنلك .. و إحنا مثل ما ذكرنا في النقطة الأولى إن ظاهريا في مجال تضيع بينهم و بين شباب (( طقني و أطقك )) و عساس تتأكد ، كل إلي لازم تييبه تيله واحدة فقط ، و إذا بنية تييب مجموعة من الشبابيص إلي طايح حظهم و طاحت موضتهم و دار عليهم الزمن ، و كل إلي تسويه إنك تحذف التيله أو تحذفين الشباصة عليه ، و مو مهم المسافة لأنه هالنوع من الأفراد لو وقفت على راسهم أو وقفت بينك و بينهم ديره كلا واحد ،فإذا شفت الأخ قب و إنحاش إلا ما لا نهاية و ما شفت رقعة ويهه إذن لازم تستنتج إنه من فئة (( دايسين في بطنه و مطلعين مصارينه ))
وهاذي الخطة مضمونه 100 %
حكمتهم في الحياة : إبعد عن الشر و غنيلووووووو
(( فئة سبِع على الطل )) :
هاذي الفئة شغلهم كلا حكي بحكي و حزة الصدق ما في أحسن منهم في النحشة (( )) ، و حكيهم كله : آنا و آنا …. ، و في المجالس يشتغلون صبابينوايد عليهم قهوة حق ربعنا (( طقني و أطقك )) و طايحنله تملحس و تلزق فيهم عساس ما يحصلون جم )) فالربع ما قصرو حاطينهم حقل تجارب حقبكس على الطاير (( بس على منو هالحركات أحدث البكسات و الشوتات و إهم مثل الحمير ساكتين …
و طالعين فيهاااااا يعني ترى آنا ماكو مثلي على (( دايسين في بطنه و مطلعين مصارينه )) لا و يفردون عضلاتهم عليهم (( الله يخلي الإبر !! )) ، و طوووووول عمرهم يطالعون جاكي تشان و عيال عمه و ربعه عشان يحسن و يطور من قدراته القتالية بس مثل ما يقولون الردي ردي يعني ماكو مجال للترقيع .
حكمتهم في الحياة : أبوي ما يقدر إلا على أمي .
المعجم الوجيز:
التشوت ( مصدر ) الفعل منه شات و المضارع يشوت : و معناه رفع رجله و حركها باتجاه خصمه ليضربه .
التبكس (مصدر صريح ) ،المصدر المؤول منه: يعطيه بكس :و معنى البكس : ضربه باليدين أو اليد الواحدة و شرطها أن تكون اليد مغلقة و غالبا ما تكون موجهه للوجه .
الفزعه (مصدر ) : الفعل منه فزع و المضارع يفزع : و معنى الفزعة : النصرة .
ينطر ( فعل ) ، الإسم منه : النطرة : و معناه : ينتظر طويلا و غالبا ما تكون نهايتها عصيبة و صعبه بالنسبة للشخص الذي قد جعل الفاعل ينتظر .
متروس ( صفة ) بمعنى : ممتلىء
العفطي : المعنى غير موجود حالياا … ( آنا عارفة المعنى بس ما أقدر أوصله باللغة العربية الفصحى !!)
الموتر : بمعنى سيارة و لكن هذه الأيام بمعنى : السيارة السريعة الصاروخية ( الصاروخ هو من وسائل المواصلات السريعه فالحاله هنا إستعارة تصريحية و الغرض منه الدلالة على السرعه الخارقة )
قطيت ، و غالبا تأتي مع لفظ الوجه : بمعنى التطفل .
الشوزن : مسدس xxxxl
وخر ( فعل أمر ): بمعنى : ابتعد .
المصارين أو المصران ( جمع و لم ينوجد له مفرد حتى الآن )): بمعنى :الأحشاء الداخلية .
مسخرة ( إسم ) ، الفعل منه تمسخر ، و معناه : قلل من قيمته و إذا قيلت لشخص تعني : من لا قيمه له .
منبطة جبدك : إستعارة مكنية بمعنى : ذقت ذرعا و طفح الكيل .
سفل ( فعل ماضي ) : و هم من التسفيل بمعنى : ذكره بما لا يحب ( قمت أخورها …)
الشبابيص (جمع )، المفرد منه : شباصة : شيء يوضع على الشعر بهدف الزينه .
تيلة ( إسم مفرد ) ، الجمع منه تيل : بمعنى : كرة زجاجية توجد بأحجام مختلفة .
قب (فعل ماضي ) بمعنى : هرب جارا أذيال الهزيمه ..
إنحاش (فعل ماضي ) بمعنى : هرب فقط .
الهوشه: حرب صغيرة .
الصجية :كلمة محرفة أصلها : الصح أو الصدق ، و تأتي بمعاني كثيرة : مثل الحرب أو الإمتحان أو الزواج … إلخ.
يتملحس : راجع قطيت .
الترقيع (مصدر ) الفعل منه : رقع ، و معناه : عدل .
معجم المورد :
bat man : الرجل الوطواط
spider man : الرجل العنكبوت