(((الغايب اللى غيابه زاد عن حده)))))

[مشعل]

اخوانى واخواتى اعضاء وزوار هذا الصرح الشامخ

السلام عليكم ورحمة الله وبركاته

اسعد الله اوقاتكم بكل خيررر

اطرح هذى الكلمات التى اتمنى بان تنال اعجابكم






الغايب اللى غيابـه زاد عـن حـده=هو مدرى عن غيابـه ويـن ودانـي

الحال من عقبهم ياسعـود مـن هـده=والحزن عقبـه يسجلنـي ويقرانـي

عزى لمنهو زمانـه واقـف" ضـده=يموت ماشاف غيـر الهـم يافلانـي

سود الليالـي عليـه سيفهـا تحـده=رمح الليالي ضربني بيـن الامتانـي

هجمات وقتي بعـد ماجـات مرتـده=اردف على الحزن الاول حزني الثاني

من عقب فرقـا حبيـب" ثابـت" وده=حبه بقلبي جـرى مـع دم شريانـي

زين الطبيعـه جمالـه ماحـد" قـده=الله وهبها الجمال اشكـال واللوانـي

عنق المهاء ضايع المكياج في خـده=والكحل الاسود يضيع بسود الاعياني

ياويل حالى ذبحنى هجـره وصـده=غاب وتركنى انـا والهـم وحدانـي

مايدرى انـه ذبحنـي نعنبـو جـده=من يوم حبل الوصل بدل بهجرانـي

واليوم ياللى تجيـب العلـم الـه وده=بلغ حبيبي وعطنـي كـل برهانـي

امـا يمـد الوصـل ولامعـي لـده=يكفي من الوقت يامملـوح ماجانـي

[دمووع]

الغايب اللى غيابـه زاد عـن حـده
هو مدرى عن غيابـه ويـن ودانـي

الحال من عقبهم ياسعـود مـن هـده
والحزن عقبـه يسجلنـي ويقرانـي


يعطيييييك العافيه
على هالمشاااركه الرااائعه

ونتريا جديدك

تحياتي لك

دموووع

[@_AL-JaNRaL _@]

الحال من عقبهم ياسعـود مـن هـده
والحزن عقبـه يسجلنـي ويقرانـي

عزى لمنهو زمانـه واقـف" ضـده
يموت ماشاف غيـر الهـم يافلانـي


صح لسانك

ويعطيك العافيه

تحيااااااااتي

كلمات رائعه

[أسيرة الماضي]

كلماتك نالت اكثر من اعجابنا
يعطيك الف عافية على الكلام الحلو


أسيرة الماضي

[مشعل]

الاخت الغاليه دموع

هلابك وصح بدنك والف شكر على هذا المرور الذي اسعدنى كثير

لاتحرميني من طلتك

لك كل الود

[مشعل]

الاخ الغالي

هلا وغلا وصح بدنك مليووون ولايكفووون والف شكر على المرور الذى اسعدني كثيرا

لاتحرمني من طلتك

لك كل الود

[مشعل]

الاخت الغاليه اسيرة الماضي

هلابك وصح بدنك والف شكر على هذا المرور الذي اسعدنى كثير

لاتحرميني من طلتك

لك كل الود

[عاشق سراب]

امـا يمـد الوصـل ولامعـي لـده
يكفي من الوقـت يامملـوح ماجانـي

الله صح لسانك يا مشعل
ولا هنت