..,,.. المراهق والحب ..,,..

[احلى خلود]

يمه ..ابعرس

بالله ..طب اعزمنا بزواجك

يمه تراي ما امزح من جد اتكلم

ياوليدي الله يهديك ادخل الثانوي اول

وش ثانوي من الوظايف اللي تنتظرني الحين لو ادرس وبعدين وش دخل الدراسه..انا بدرس واتزوج :)


بالله طب روح شوف دروسك

ياااذي الدروس
http://www.lail-alsahara.com/ads/smileys/fawasil/71.jpg
يابوي..ابعرس

انقلع شوف خواتك وش يبون

يابوي وش ذا ما صارت والله لو اني سواق..

http://www.lail-alsahara.com/ads/smileys/fawasil/71.jpg
هند تعالي محد يفهمني غيرك يا احلى اخت بالدنيا

وش تبي بسرعه

وش رايك بسلمى

سلمى مين..

بنت الجيران..

شلون يعني

ابتزوجها ..تكفين قول لأهلي ..بموووت

وش اقول لهم ..اخوي يبي يتزوج وحده اكبر منه

:( اسكـــتي لا تقولين كذا قلت لأهلي انها اصغر مني

ههههههه بالله تراهم يدرون انها اكبر منك..وبعدين كلمتهم بالموضوع انت ووجهك ماتستحي

وش استحي احبها ياناس احبها اصلا ماتعرفون الحب تعالي شوفي كتبي كلها حرف الـ S

بالله صرت تعرف تكتب S وانت العام ساقط بالانجليزي

اقول بتكلمين اهلي ولا اسوي اللي براسي

وش اللي براسك

بروح اكلم ابوها

الله يخليك..العن الشيطان..اجلس معانا..اخاف يسقط قلبه من الفرحه ويوافق على طول

هين هندووه

http://www.lail-alsahara.com/ads/smileys/fawasil/71.jpg
بداخل الفصل..

مراهق...

كثير الشرود والسرحان

كثير من الخربشات الغير مفهومه بخطه السيئ للغايه على كتابه ودفاترة

يضيق به المعلم ....يرسله فورا للمرشد الطلابي
http://www.lail-alsahara.com/ads/smileys/fawasil/71.jpg

عند المرشد...

اهلا سالم تفضل

مرحبا استاذ

يقول استاذ العلوم انك ناديتني

ايه ابي اسألك عن أشياء

خير استاذ

اكثر من استاذ اشتكو من شرودك بالفصل..وابغى اعرف وش السبب

ابد استاذ .. ظروف وتعدي

انا اقدر اساعدك بس قل لي وتأكد ان كل الكلام اللي تقوله راح يكو بنا احنا الاثنين

طيب استاذ انا ابغى افضفض لأي احد بس محد سامعني

قول وانا اسمعك

استاذ انا متــعلق ببنت جيرانا ومابي الموضوع ينتهي عند كلمة احبها <<صار يقول كلام كبار

اجل وش تبي

ابي اتزوجها

تتزوجها..بس انت باقي صغير..

صغير صغير...اللي يعرف يحب مو صغير.. انا مستعد اتزوجها و اكمل دراستي واجيب اعلى الدرجات والشهادات بس المهم اتزوجها

ويصير عندك مسؤولية ((زواج...واطفال ودراسة)).. وانت صغير وماعندك دخل مادي

عادي ادرس بالليل واشتغل بالنهار<<الـــله ياكبرها عند الله

سالم ممكن اعرف وش اللي خلاك تحبها

ربي خالقنا لبعض<<ياااي

شلوون يعني

أولا.. حروفنا تبدأ بنفس الحرف<<اممموت بالسبب

ثانيا..هي اسمها سلمي وانا سالم احس توافق بكل شي <<ياعيني ياعيني

ثالثا..اذا صارت تبي شي من السوبر ماركت ماتطلب الا انا حتى لو آخر الليل هذا وش يدل عليه
<<يدل انك مخفه

يدل على انها تعتبرك اخوها الصغير اللي تمون عليه

طيب ذيك المرة طلتبني شريط محمد عبده انا فهمت انها تبي تهديني اغنيه بس سويت روحي مو فام<<لا ..ذكـــــــي

إهـــــدااااااء اهااااااا...لالا سالم ماتقصد اهداء...مافي شي اسمه اهداء..لو تحبك قالت لك احبك على طول أو هي راح تعطيك الشريط مو ترسلك تشتريه لها...

لالا استاذ تحبني...انت ماتشوف كيف تطالعني..

تموووت علي..من اول ماتدخل بيتنا تسال عن البلاي ستيشن لأنه بغرفتي<<<لوووول

كم عمرها..20

وانت عمرك 16..يعني اكبر منك...عادي تحب وحده اكبر منك ؟؟

ايه عادي الرسول تزوج خديجه وهي اكبر منه<<<ابووووك يالبزر والمقارنه

كلامك صحيح لكن لاتقارن نفسك في الرسول..الرسول ماكان صغير لما تزوجها .......

http://www.lail-alsahara.com/ads/smileys/fawasil/71.jpg


هـــــزُلت

مراهق......يحب...

ليس العيب في الشعور

انما في الطريقه..

في الاختيار

في طريقة التفكير

في أسلوب الحب

في اسبابه ومسبباته

يا ,,,,,,,مشتهيه ايس كريم...((ياعيني طلبتني انا ..بروح اجيب لها ..وارجع اكمل مذاكره الاختبار مابيطير))

يا ،،،،،، ابو نورة منزل شريط ابيه(( اللــــه اخيرا وصلني منك إهـــداء))<<راح فيها الاختبار

تفكير مضحك للغايه

فهم لعكوس المعاني وليس للمعاني نفسها

للأسف قد تشعر الفتاه بما يكنه لها المراهق من مشاعر..ولكنها ستلذ بهذ تلبيه لمطالبها واشباعا لرغباتها بشعورها ان هناك من يهتم فيها ويحبها لكن أيحسن بها أن تضع مراهق في هذا الموقف

هذا من ناحيه

ومن ناحية اخرى

المراهق نفسه..المتأوئل...أو المترغب...أو المتشوير ((وائل..راغب...شويري))

لا يمكنني قول مراهق ..ولايمكنه توجيه مشاعره

بل يمكنه..

ولكن

تحت إدارة الأهل وسيطرتهم

هـــــــذا

واتمنى ان اكون وفقت في عرض وجهة نظري

http://www.lail-alsahara.com/ads/smileys/fawasil/71.jpg

[فهوّد]

اولا: السلام عليكم ورحمة الله وبركاته لآن هذي مشاكتي الاولى

ثانيا : انا كنت زائر دائم لهذا المنتدى الجميل ومطلع على موضيعه الجميله باستمار

ثاثا : وهو المهم ما جعلني اسجل في المنتدى بصراحه هو ان اكتب مدى اعجابي بكتابات احلى خلود الساخره
لاني اعتقد انها يمكنها ان تصبح كاتبه او روائيه قويه وخاصة في تمكنها من تجسيد صوره لاشخاص
تشعرك بانه اشخاص حقيقون كما انها تملك اسلوب راقي في السخريه
اتمنى لها التوفيق ولك من يبدع واتمنى منها ان تجد لها طريق اخرمثل المجلات او الصحف تكتب فيه لتشق طريقها الى الابداع

[احلى خلود]

الـــــله اللــه فهود

لاتخليني اصدق نفسي

عموما تسجيلك اسعدني

اتمنى لك لك المتعه والفائده بمنتديات الملتاع

اشكر لك مرورك العطر

[ضوى الليل]

أحلى خلود

للاسف كثير من المراهقين يعيشون هذا شي وانا يحبون الشخص

بمجرد نظره او كلمه عاديه

بس مثل ما تفضلتي ان الاأهل لهم درو كبير

بأن يشرحون الوضع للمراهق دون اسلوب السخريه وأكبر غلط اسلوب سخريه

الله يعطيك الف عافيه على طرحك الرائع والمهم للمرهقين

تحيتي لك من القلب

[احلى خلود]

عفـــــــوا أميرة

لا أقصد السخريه

بل التوجيه ان كان يحوي شيئ من السخريه

الف شكر لك على مرورك الرائع

[خيرك لغيري]

خلود ..

أهنيك على موضوعك القيم والرائع ..

مشكورة أختي الغاليه .. على هذا الإبداع ..

وفي إنتظار جديدك ..

تحياتي لك ..

خيرك لغيري ..

[احلى خلود]

خيرك

مشكور على مرورك الرائع

لاتحرمني تواصلك

[نهايات الوله]

موووضوع جدااا قيم وبالقمه..
مشكوره خلود على طرحك الجميل وليس بالجديد عليكِ..

[احلى خلود]

مشكوره نهايات

على مرورك واطرائك

[غربة شجن]

رائعه احلى خلود وطرحك اروع
فعلا اصبح الحب سلعه لم تعد لها قيمه
اصبح كلمه بليده جردت من المشاعر
صحراء جرداء
لم يعد لها ذلك الوزن
اصبحنا نسمعها كثيرا بمناسبه وبغير مناسبه حتى فقدت بريقها
ولكن الم نفكر ما الحب وما مضمونه وما نهايته
اعذروني ولكن اعتقد ان الحب قتل منذ زمن بعيييييييييييييييييد جداً
ولكنه قبل اثاره قبلته الاخيره ورحل وتوارى بين الثرى
دمتي غاليتي متألقه كما عهدتك
ومع هذا
]دمتي بالحب هذا ان وجد.....................!!!!!! !!!!!

[احلى خلود]

مشكورة على مرورك وردك الرائع والمقنع غربه

لاعدمتك غاليتي

[عاشــقّ الريــمّ]

الله يسعد مساك بكل خير
أختي الفاضله / احلى خلود

تسلم كفوفك الكريمه
وفكرك الراقي
على هذا الموضوع الواقعي
والمحتوى المفيد والهادف

لك جزيل الشكر والاحترام والتقدير
وبالتوفيق لقلمك وملتقاك الشيق
ونحن بنتظار جديدك بكل شوق

[احلى خلود]

عاشق الريم

شكر لك من القلب على هذا المرور الرائع والمميز كعادتك

لا عدمتك

كن بالقرب دائــــــــــــــــما

[جمانه]

سلمتي خلود ..

الله المستعان بعض هالمراهقين عندهم فرط مشاعر
من نظره من البنت طاح في حبها ممكن تكون نظرتها عاديه
او إحتقار وهو ماصدق عمره..

وبعض البنات يوم تعرف إنه اعجب فيها يبدأ مسلل الاستغلال واللعب
عالمسكين ويتفاجأ ان زواجها بكره ..

والاهل لهم الدور الكبير ..انهم يعلمون عيالهم مفهوم الحب الطاهر العفيف ..

دمتي في رعاية الله ..

[احلى خلود]

جمانه


مشكورة على مرورك

منورة بطلاتك الحلوين




راقني مرورك

واعجبني رأيك وأسلوبك في التعبير عنه

لاعدمناك