من المسئول

[دمع الحزن]

الاياصاحبي من هو عن اللي صار لي مسـئول
من اللي قادني بيدي وسلمني شقا الايام؟
انا او هو القدر والاالهوى اللي ماعصته عقول
او انه قلبي الصادق وطيبة نيتي وهيـــــام
عرفت الهم انا من قبل اعرف الفعل والمفعول
وعت عيني عليه وصرت انا وياه تقل اتوام
اذوق من الفرح ساعة ووقت الحزن لي مدبول
واموت اكثر من المرة واشيل من العنا اكوام
صبرت وراحت سنين وحال الحول عقب الحول
تشوف العين ماحولي واعظ بنابي الابهـــام
على درب الشقى طول عناي ولو وقفت يقول
ترى الرجعة عليك اطول من اللي باقي قدام
اسير ياهوى وان مت اموت بدنيتي مجهــــول
مدام ان الزمن اصبح هو الدلال والســـــــوام
اشوف الموت بعيوني ولا اوحي من يقول احول
ويطيح الحظ من دونك وكم حظ عثر ماقــــام
الاياصاحبي وان قلت وش باقي يفيد القـــول
باواصل ياهوى دربي ولو روحي تروح اعدام

[ماجد]

هلا وغلا دمع الحزن

قصيدة اكثر من رائعه وكلمات جميله جدا تنم عن شاعر جميل

ارجو ان نرا لك المزيد من القصائد المعبرة والجميلة لما اتسمت به هذه القصيدة من جمال وتعبير صادق

في انتظار جديدك ولكن بنفس المسوتى من الابداع

..............

[دمع الحزن]

[هلا اخوي ماجد هذا والله من ذوقك وجمال احاسيسك وروعة ترحيبك وان شاء الله اكون عند حسن ظنك بي وفي الجعبه الكثير ولكن نريد منكم القبول والسلام

[عاشق سراب]

حياك الله يا دمع الحزن
وكلمات رائعه ونتمنى منك المزيد والمزيد
ولا هنت

[دمع الحزن]

افتخر حقا والقلب كله طربا عندما يرحب بي عاشق سراب ولسان الحال بصدق يقول لك ياعاشق ابعد الله عن حياتك كل سراب وحقق لك امانيك واحلامك فلك وعدا ولماجد ايضا ان ينفرد كلا منكم بقصيدة من اخيكم دمع الحزن لهذا الترحيب والتشيع فشكرا لك ياعاشق وانتظر الابيات قريبه باذن الله000000000000