هذيــــــاني

[بـــــــــرق]

كنت تائها عن هذه الصفحة الراقيه

اشكر من نبهني لها


ياريحة اهْلي يادوى قلبٍ سقيم =ياروح شقران العنا يالملهمه
قرّبت لك ولهان والله العظيم =جيتك وشوقي والجنون متمّمه

[بـــــــــرق]

http://www.moveed.com/data/media/43/PICT0325.gif

يابحْـر جيتـك بالهـمـوم المطـمّـه=يالبحـر واهمومـي دهتنـي بدنـيـاي
مشكاي هـمّ القلـب غمْـقٍ مجـمّـه=يزوووم في صدري ومشّا لك اخْطااااي
جيتك رجـاء والقلـب بـه هـمّ أمّـه=وِدّي تعاونّـي علـى كبـر بلـوااااي
وايضا جزيلات العنـاااا بـي مأمّـه=جتني فلووووول ونوّختني من اقصااااي
أنخْت لـه عاااجـز وصعـبٍ ملمّـه=تشعّبت بي ثـمّ لـك صـرت شكّـاي
يابحـر هـمّ القلـب مـن قِـلّ ذمّـه=الحظّ الاقشـر مارحمنـي برجـوااااي
عن صاحبي حـال وحرمنـي لضمّـه=وابْعدْه عني واحْرمـن لـذّة منـااااي
ومع هاذ نااااب الوجْد بـي بـثّ سمّـه=عاث يعروقـي وانتخيتـك بنجـواااااي
وكانك تريد الهرج مني متمّه=اقْر القصيد اللي خطتْ فيـه يمنـااااي
شقراااااان خطّ حـروف همّـه بدمّـه=خِذْها وترجم مابهـا واوْصـف ادواي

[بـــــــــرق]

بديت اهذري كل مابْطى عليّا =واعيش جوّ الشوق صبح وعشيّه
واندب وازيده آآآه واختم بأيّا =واجرها ونّات حزنٍ قويّه
واشكي حوالي للقمر والثريّا =والليل له شاكيت نارٍ لظيّه

[بـــــــــرق]

جاني جنون وقلت انا مجنونك = وجاني وله قلت الوله عنّاني
ياصاحبي ياما حلا هتّونك= بلّ الرّمق واحيا ممات جناني
يازينها لحظة سمعت فنونك= عرق الوله منها غدا روياني
لوا هنيّ اللي سكن بعيونك = ومنين مالدّيت طيفه باني
دايم قبالك ساكنٍ في كونك= كفّه بكفّك ياخلف جدّاني

[بـــــــــرق]

أوّاااااه كانك وقفت وماااتت افرااااحي =ويلي وش الحل؟ من شوقٍ معذّبني
ريميتي واسمعي من جدّ لاصْياحي =بادعيك قولي تفضّل دام راغبني
ودّي لك انهل وتئْويني عن اشبااااحي =والشفّ تطفّين ناااارٍ دوم تِلْهبني
ضمّيني بْقوّةٍ لك دااامني صااااااحي =واذا سكرت انزليني قصرك المبني

[بـــــــــرق]

عشتك خيال ونبض قلبي حكى فيك =والساني املا من حروفه ليدّي
فيك ابتديت الحب ياروح مغليك =وعندك وقفت بصدق حبّي وودّي
مابي سواك ولا محبٍ يجاريك =في قلبٍ لموجات غيرك يصدّي
قلبٍ عشق باجنون ذكرك وطاريك =من قبل ماعيني لطيفك تلدّي
ياملهم افكاري على شان تحكيك =وياكحل عيني لاجل دربه تقدّي

[بـــــــــرق]

ياوزين الروح يالسحر المثير =ياعنود الريم ياسيد العفار
ياامير القلب ياصدق العشير =يارجايا والامل واصْدق مسار
يادفى بردي ويالظلّ بهجير= وياجماع اللي شتاتٍ وانشطار
ويابروق الوسْم ياعطْو القدير = ويادوى عِلٍ نهايتْه انتحار
وياعدال الميل ياشوف النّظير = ويافزايع للعلا بعد انحدار

[بـــــــــرق]

هيه ظلْمة كوني تناجي شموعك =هيه والقلب المعنّا فيه كدرا
هيه دام انت الزّلالي في نبوعك =ظاميٍ لك حيل وانت اعلم وادرا
اني المجنون في رعْية زروعك =واني المسجون باهيامي ف بدرا
والله اني هايم بندرك ونوعك =وياني بليّاك عاليّي بحدرا
واااخر ابياتي رجاك اصْدق ربوعك =خذ بحسبانك بلاك الدمع هدرا

[بـــــــــرق]

ياقلب وادْري صادق الوِدّ مدقوق = في لبّتك من ماضياتٍ طوالي
وادْري بنبْضك نوّخ بحور واطْروق = وابْدع وصِوّرْ عشْق راع الشمالي
عشقٍ سرى وسْط المعاليق واعْروق = وصار النفسْ له والغِذا والزّلالي
عِشْقٍ حكتْه الناس وابْدتْ له اشْفوق = وقالت يمين الله عشْقٍ خيالي
عِشْق الشّمالي مايضاهيه مخْلوق = يالْقلب وش رايك بْما حلّ حالي ؟
هل ياترى ؟ يالقلب 0 يالفكر 0 يالموق ؟ = اقْتلْ محالي واسْتمرّ ابْجِدالي
واقول شوقي لي رغمْ عوْق مع عوْق = ورغْم الظّروف اللّي زِمتْ كالْجبالي
ورغْم المسافهْ والمتاهات بافْروق = واعْزومٍ اِغْتاله غِيابٍ لغالي

[بـــــــــرق]

http://www.kenzi.com/HENNA/IMAGES/arabesque_01.jpg



كفّ غير عن الكفوف وجل من صوّر فروق =شفتها واهتزّ كوني وامست عظامي حطب
تهت كلّي رحت فيها ياخيالاااااتٍ تفوق =كلّ مامرّ بخيالي من خيالاات العجب
يايمينك يايسارك يابروقٍ من حقوق =يامتاهات المعنّا ضاع مع عال النسب
ياهنا نقشات حِنّا يوم ترسم بك دقوق =لون دمّ في صفاحٍ بيض يومه تنكتب
اسمحي لي يابعدهم ودي ارقى فوق فوق =ودي ارقى مع خيالي فوق ميزان ونسب
ودي اسري من جنوني في شرايين وعروق =ودي وودي اناملهم تدون بالكتب
ياغلايا جل ربي فيك اسلوبٍ سروق =شرّد افكاري وقلت العيد في تالي رجب
واو ، ويلي ، طول صبري تهت عن درب وطروق =رحت فيها واعتليت بفكري لهام السحب
اعذريني في صباح اليوم مجنونٍ شفوق =ودّ قلبه لو تبيّن جدول ارقام ورتب
هيه يارمز النقاوه هيه ياضوح البروووق =السموحه عن مزلّه واسالك كفي عتب

[بـــــــــرق]

بهْناك في آخر حدود الخفيات = نلت الذواري دقها والجليله
مامعْك حيْ له شواهد ورايات= انت الوحيد اللي بقلبي مقيله
هيهات يامن يطوي البعد هيهات= ويسكّت صياح الخفوق وعويله
يطوي لبيداها ويتعب مسارات= مايمنع اللي من فراقك عليله
تاصلْك وتبلّ الشفوف الظّميّات =وتكحّل عيونٍ سهرْها نزيله
هذاي فضّحت الخفيّات بابيات= يمكن تحسّ ابها وتقصر طويله
وتْردّ لي ونقول مافات قدْ مات= ونْعيد ذكرى للّيال الجميله
نعيش دنيانا بلذّه وسجّات = والعاذل نخليه يلقى حصيله

[بـــــــــرق]

لبّيك لو فيها نهاية مهاويك = لبّيك ياولْفٍ خذاني سبيّا
هذا انا هذا المهام بمجانيك = اللي نسى شمّر وغلبا وطيّا
جالك خنوعٍ والاسف منه يدعيك = تقبل مشاعر من صدق بالهذيّا
ساق البيوت اللي ترجّى عطاويك = اللي نزفها من عروق الخفيّا

[بـــــــــرق]

الحذر نار الطنايا حااااارقه= لاتهوم لمترفاته يالاجير
ويل من مسّ الغصون الوارقه= دونها ضرْبٍ يشيّب للصغير
دونها غوشٍ رماحه زاااارقه= ومن دما العدوان يروون الشطير
وفيهم علوم المراجل فاااارقه = وان طنو هدّو طويله والقصير
وانت ( يالمعني ) نصتْك الخارقه= ضربةٍ فوق العلابي له هدير
من ولد عمّ العنود الفارقه = بنت من علمه ندر ماله خشير
تاجه العفّه وشمسه شاااارقه = شمريّه مايشوبه ذمّ عِير
في بحور العزّ والله غارقه = شيخةٍ للبيض والرّبّ القدير
من تنحواها تجيه الطارقه= من يمين اللي به الغيره تزير
ضيغميٍ مايردّ الدّارقه = بالمواجه لايذلّ ولا يحير

[بـــــــــرق]

ياقلب لاتنبض بعد طلعة الروح = ياكيف تنبض دام ودّعت روحي !!
البارحه عين الشّقا دمعه اسفوح = تبكي وداع كفوف هجر ٍ تلوحي
بالقلب من ما حلّ تسعين ذابوح = وبالكبد من ماصار نار ٍ تفوحي
حلم ٍ وتفسيره غرابيل واتْروح = حلم ٍ فضح سرّي وبيّنْه بوحي
يامْوادعي مسموح مسموح مسموح = عسى السّعد لك وين وجهك يروحي
حظي من اوّل خطّت العمْر مطروح = ماذْكرْه حقّق لي قليل الطّموحي

[بـــــــــرق]

زروع القلب لك قامت تهيفا =حيتْ فيها وشوقه ساق يمّك
امير القلب يالخلّ الظريفا = يمين القطع شفّي بس اشمّك
انا بك ريف وبفرقاك صيفا = الا ياليتني من ولْد عمّك
على شان الغلا ماله وصيفا = بقلبٍ ماهوى غيرك وأمّك
ابي تهْبتْك يالخلّ العفيفا = وابي كفّيني بربّي تضمّك
وابيك تريّح القلب الرّهيفا = تلمّ عروقه ويدفيه دمّك
وتقبلني هويٍ لك وليفا = يبادلْك الغلا ويشيل همّك

[بـــــــــرق]

إفْرد لحِجّانك وريّح قلب ولهانك = كِفّ العتب بِعْتابك تظلّم مشاريقي
يامن على كل الخلايق رجْح ميزانك = اقبل مشاعر صغتها باقصى معاليقي
تحمل معاذيرٍ عن اللي ورّد احزانك = من جاوبك فيما تبي (والله ماطيقي)
ياصاحبي واليوم جيت اسالك تحنانك = لاتقسي بقلبك ولا تحرق مواريقي
اقبل لأحاسيسٍ نزفها قلب شقرانك = قلب حريصٍ بالعهود وبالمواثيقي
مضمونها يطلبك ترجع تحي اوطانك = وتكحّل عيونٍ بدمعاته مغاريقي
وتريح ضلوعٍ تصافق بعد هجرانك = وتبلّل عروقٍ ظمتْ مع ناشف الريقي
يا اسري يامالكي خذها بحسبانك = انه فلا غيرك يجمّع بي تفاريقي
واني لبيع الكون واللي به على شانك = بس اسمع لضحكتْك ياسحر العشاشيقي

[بـــــــــرق]

تعانقت وشلوني ووشلونك = والكلّ منا يسال عن الثاني
جاني جنون وقلت انا مجنونك = وجاني وله قلت الوله عنّاني
ياصاحبي ياما حلا هتّونك= بلّ الرّمق واحيا ممات جناني
يازينها لحظة سمعت فنونك= عرق الوله منها غدا روياني
لوا هنيّ اللي سكن بعيونك = ومنين مالدّيت طيفه باني
دايم قبالك ساكنٍ في كونك= كفّه بكفّك ياخلف جدّاني
برق العنا يسالْك فيني هونك = ارفق على قلبٍ يبي تحناني
ميّت ظما ودّه زلال شنونك= والجوع لك ولّع به النّيراني

[بـــــــــرق]

مدّ قلبك قبل ماتغفى جفونك= ودّي ادخل فيه واعرف خافياته
ودي اسال من يثيرك في جنونك= ومن لروحك صار صادق امنياته
ومن ومن خليته بجوى عيونك= مايبدّل لين تسري به وفاته

[بـــــــــرق]

قالوا علامك صرت ضمن المجانين= وقالوا سفيه انته وقلت محكومي
وقالو من اللي حاكمك قلت غالين = قالو تبيّن قلت ماهو لزومي
ذيلا الذي بالحيل غالين غالين = اللي بهم سعْد الشمالي يدومي

[بـــــــــرق]

يافتنتي في طبْعك واسلوبك = والله فلا غيرك ملك وِجداني
في رقّتك في شوقك ومعْتوبك = كلّك على بعضك سحر فتّاني
هاك الخفوق اللي دهتْه ضْروبك = بالله شف له ياخلف جِدّاني
ميّت عليك ويرتجي مكتوبك = اللي به ارقومك مع العنواني
تدري جمالك يكمن بعذروبك = واحسّ عذروبك جمالٍ ثاني
عذروبك معاندْك مع محبوبك = والله عليك ان قلْتِ ليّه ماااني

[بـــــــــرق]

يانايف السّحْر خلّ القلب شبريّه = فاتت لحرّاسه ولمّت على بابه
بالله هاك اللي بحاجه لحنّيّه = مضْغه تعيش الاسى من قِلّة احبابه
مضْغه تسوق الوفا ولْصادق النّيّه = اللي سكن دنيته واحْتلّ لاقْبابه
ياهيه جاك الشّمالي مدّ ليديّه = يطْلبْك يالغالي تْجمّع لسكْرابه
ضايع ومكسور وبْحاجه لجبريّه = يالعْن شيطانك الاشواق لهّابه

[بـــــــــرق]

انا العليل اللي جروحه سماني =ينطر لمااااااك اللي يبدّد بي تروح
وانا المهام اللي تعطّش حناني =وانا الخفوق اللي يعاني لذابوح
وانا وانا منهو سكن بالهواني =وانا بدنيا الحزن ياهيه مطروح
اسالْك بالله وارفقي بالمعاني =حنّي عليه بلطف وارضي به طْموح

[بـــــــــرق]

ردي عيونك لي فديتك عيوني =امووت بعيونٍ بلحظاته الموت
اميرة الخفاق هاك لجنوني =هاك الخفوق اللي من الصوت مبهوت
ياضحكتك بلسم جروح اوجعوني = ويانبرتك تضفي على كوني سْكوت
تعالي اشواقي تراه اسهروني = تعالي الوجدان للشهد والتوت
ابيك ومنزّل لقافٍ ونوني = ابيك ارددها بالاشعار والصوت

[بـــــــــرق]

احترت وين القى جواب السؤالي = من غالي ٍ للكبد وسّم وعرْقا
اللي خذا عمري بليا قتالي = والمشكله له بالمعاليق عرقا
اسعدني بقلبه شهور وليالي= ولاكنت اظن بيوم يسعى لفرقا
ولا نيتي تصوير وضع ٍ لحالي = مير ان حزني شبّ بالجوف حرقا
من قال لي ( حذرا تقرّب توالي ) = خلّ المواصل في سوالف وطرقا

[بـــــــــرق]

طعْس وارْطى والغضا واصفر دلال=والسـوالف بين ربعي زينها
عزوتي حــرْزي مصفّـين الخمال =والسيوف من العدا مروينها
مكرمين الضيف من غال الحلااال=مشبعين الجايعه مسقينـها
زينها جلْسه بها دار السجااااااال =بالسوالــف والقصايد حينها
عِجْز الارطى شاعمه وسْط الرجال =والمقهوي حاضب لتزيينها
والهوى قبلي وكاسيها خيال =واقبلت ترزن بعطْو ايدينها
اكتست ريضان جبه والسهال= وام سنمان اعجبت هاوينها
آآآآه يامحلا بعد شيل العيال = سامريّه ساحرٍ تلحينها
لاتغنّوا باللي اجتاح الجمال = الهنوف اللي بعيدٍ شينها
خشْف ريمٍ جلّ ربي ذا الجلال= صوّره واكمل لقدّ وعينها
واهدي ابياتي لموفور الخصال = العزيز اللي يوفّي دينها
ذكّرن باللّي ملاكي له محال= لنّ طيني مايشابه طينها

[بـــــــــرق]

ياهيه مابغى حيّ ياتي بدالك =اخْذي يديني واقْربِي لي اياديك
لنّي بدونك ياهوى البال هالك =هذي حقيقة من بسعده مواريك
واااخر كلام اللي يعيش بمحالك =ليت القدر ياوي واحطّ بمفاليك

[بـــــــــرق]

ساقني لك يالغلا صدق الهيام = جيت لك والعين غيرك ماتشوف
رافع ٍ رمحي وشاهر للحسام = لجْل عينك ناوي ٍ بتْر الكفوف
الطّناخه مايردّنّه جِسام = والله المعبود مانْوي للعزوف

[بـــــــــرق]

تكرّم دمعـة الاشـواق سالـت=منالـك وقْفهـا يالحـب الاوّل
ونهتات الوله بالصّـدْر حالـت=وبلْساني خشيـف الريـم قـوّل
توالـت دمعتـي والله تـوالـت=الا والمـوت برْكونـي تجـوّل
مرازيم الغـلا ماعِنْـك مالـت=على بابـك طواريقـه تِسـوّل
تبي عطْفك ترى الروح اسْتزالت=تجمّل سيّـدي لاجْلـك مِخـوّل

[بـــــــــرق]

مديت لك صدق المشاعر والأحساس =عربون حب لأجل تعرف لمغليك
انا اللذي ياصاح من بدت الناس =ليل نهاري بس اهذري بطاريك
ارقب ظهورك لأجل اريح لحساس= قلبن نبض لك يالعزيز ونبض فيك
تعال لاتبعد ترا الفكر محتاس =متعلق بك عل ربي يخليك

[بـــــــــرق]

لله درّك حروف الشعر وطروقه= كم فيك يطفي مهام الشوق وجدٍ له
يفضي لك اللي سكن بالقلب واعروقه= من حب خلٍ سباني زينه ودِلّه
والله وفيها وصوف الزّين مطبوقه= سبحان ربٍ عطاه المفتنه كِلّه
ياما عليها دموعي هلّت حقوقه= وياما بكايا تعدّا حاجز الملّه

[بـــــــــرق]

اصدق مشاعر قاله اللي عن امانيه امْحدي = فضّح خفاها بالقصيد وشدّ به منهو شِدا
صارت على الألْسن مثايل في بلدْهم وابْلدي = غنّت بها كلّ الأفام بسامريّه والحِدا
تعال فدْوتْك العزاوي مع بناتي وولدي = تعال ترجمْها ولا تنْظر لعاذل واضْددا
انا هويتك واهتويتك والله اللي يشْهدي = اني بدونك ضايع ٍ مالي بحيل ولا جِدا
اِقْرب مدام ابْك الجماع لتايهاتي واشْردي = عطني عهود ٍ ودّي اسْمع له صواييح وصِدا

[بـــــــــرق]

السحر باللي تحاكنّه شفايفها = والموت لامن ضحك لي واظْهر جْداله
يالعن شيطانها فتنه رهايفها = يوم اضْحكت لي بدا بالعقل خلخاله

[بـــــــــرق]

الدليل اني هويتك مـدي لنبـض الخفـوق=دون غيرك مانبضت ولا صدقت بما عطيت
ليت ياقمة غرامي تعطي لبعـض الحقـوق=قاضي الاحباب يزعل لو سمع طول النهيت

[بـــــــــرق]

اودّعك سر ٍ رسمناه باللّوح = خلّه فبالك لاتبيّن فضوحي
خلّه كما الذّكرى ليا جاك لافوح = لافوح ضيق ٍ زاح عنْك الفروحي
اذكر مهام بلحظتك عاش مشفوح = واذكر سوالفنا وذيك المزوحي
مع السلامه حبرها دم مجروح = خطيتها لك قبل فجّ الصبوحي

[بـــــــــرق]

منهو خذا قلبك وشوقك ووجدانك = ومْن الذي شدّ هجْسك يامعنيني
قلها صراحه وريح قلب ولهانك = قل خلني لاتراسلني وترجيني
وان كان هذا الصحيح اخْذه بحسبانك = مع السلامه واقوله لاجمل اسنيني

[بـــــــــرق]

هذاي لاني حي والله ولا ميت = مدري ولكني احس بفواتي
دخيلك الله يالغلا ويش سويت = يوم اني اقرب لك وتحكم وفاتي
سامحْك ربي غالي ٍ بي تسليت = وارجوك تدعي لي اذا قيل ماتي

[بـــــــــرق]

خاف ربك يابعد روحي وعيني =لاتزيد الحال في قطع العلاقه
لاتعذّبني بظنك ياظنيني =ارحم الملهود واظْهرْ له شفاقه
صاحبي صلْف الزمن كبّل يديني =والهموم ارْهت عليّا في ضياقه
خلّك بجنبي عوين ولي يميني =هايمك محتاج وقْفتْك بلباقه
يابعد قلبٍ لك يجضّ بونيني =لاتزيد النار نارٍ باحتراقه
ارحمن خلّك على مابي عويني =رفْ بحالي يابعد ناس ورفاقه

[بـــــــــرق]

حسيبي على حظٍ وقف بين روح وروح =حرمنيه واقفا به وخلالي جروحي
هذاك الوليف اللي لحاله سِطِر باللّوح =زعيمٍ امير ودولته تمتلك روحي
احبّه محبّه نادره ماتبي لاشْروح =هذا به لساني وارْسمه صادق البوحي
متى والسّعاده بارقه في سماي يضوح؟ =انا من غياب اصْويحبي ماتت افروحي

[بـــــــــرق]

اشْفق على اللّحظات في تالي الليل = لعيونها فدْوه شِقاي وسٍهادي
لنّي به اسكن دنْية الغالي سهيل = اشْبك معاليقه ويحكم فؤادي
اجيه تعبانٍ وياتي بهاذيل = واحوالنا مع بعْض تعْلن مزادي
ونْعيش جوٍ خاليٍ من عواذيل = ننسى مواضينا ونحْيا الجدادي

[بـــــــــرق]

حياتي لك وفاء مايوم ملّـتْ=وببقى للوفاء دامه حياااتـي
سنين العمر لو طالت وولّتْ=ضفاافي لك مواني يافتاتـي
تعاااالي مزنتي للحب هلّـت=تعااالي وانهلي عذْبٍ فراااتي
مودّه صادقه بالقلـب حلّـتْ=له اسنينٍ صياحه مايباااتـي
نشتْ وبْمنزله فـوقٍ تعلّـتْ=وصاااارت وارده للخافياااتي

[بـــــــــرق]

يرحم ثواكم جاوبوا من دعاكم= ردوا علينا لاتهدون الاحلام
بالقلب لهافٍ على ورد ماكم= والروح ظمياكم على طول الايام
روفوا بحال اللي عشق محتواكم= اقروا لحاله في ترانيم الاقلام

[بـــــــــرق]

اضحك بثغرٍ فااااااتنٍ واذبح لمظنونك =لاعج بروق المبسم اروت قاع ظمياني
غيدااااا قوامك نوّفك باللي يشوفونك =وياعودك الرّويااااان نوّخني ووطّاني
اخذت اراعي لك فريد ولايوازاااااونك =التّاج لك والعرش ملكك نور الاعياني
انا انفتنت وكبْرت الفتنه بمضنوووونك =وجاك يترجّى يالغلا دلّيه الاضعااااني

[بـــــــــرق]

لك غلا عـــندي يــوازي روح روحــــي=وبــي هيــام فـيك وضـاح وصــوفــــــــه
وانت من له في معاليقي صــروحـي=وانت من عمري وروحـي في كفوفـه
لو تشوف الدمع من عيني سفوحـي=بــه كـتبت ابـيات اهـاتي حـــروفـــــــه
ولو تشوف الحال يالعذب السموحـي=كان ماجـازيــــت خـلك بالـنــــكوفـــــــه
الله اللـــي حــط حبـك هـو طمـوحي=لاوهــم لاطــــيف لاحلــــم نـــشوفــــه

[بـــــــــرق]

قالــت احــبــك قــلت له ويــــل حـــــــــالــــي=قـــالت حيـــــاتي قلت انـــــــا ذايب(ن) فيـــك
كـــلمة احـــبك يابــديـع الـــــجـــــمــــــالـــي=زال ت عـنــــــــــــــى من طاول الليل يرجـيـــك
انــتـي حـيــــــاتـي والبــــــهــا والـــدلالــــي=وانــــتــي رجـــــاي ودوك قلبــي ينــــــاديك
قــــولي احـــبك وامــــلكـــي كل مـــــــالـــي=مـــحـروم انـــا من كلمــة الحــب وارجـيـــــك
عـــــــــذب الكلام يـــزيل هـــــــــم الليالـــي=هـــــــم(ن) لجـــى بي قبــل اعرفك واراعيك

[بـــــــــرق]

مالي علوم ٍبمهنيّ الشّراب = علقمٍ مرٍ اذا جيت اشربا
ياسنيني خوذي اصناف العتاب = ليه انا شرقٍ وسعدي مغربا
واعذابي كان تمّيت بعذاب = عن مرام النفس ماعدت اقربا
حدّني حظٍ بظلمه مايهاب = بايرٍ عن شفّ بالي يحجبا
طول ليلي بالشقا قلبي مصاب = دون خلي دمع عيني يسربا

[بـــــــــرق]

ادري بعيد القاك وادري صعب منوالك=وادري محال الوصل وادري صعب تلفيني
لاشك اماني قلتها عل السعد فالك=والوصل لو هو بالحروف ارسل وتاتيني
كلي لهب وانته مطفي نار ذلالك=وكلي وله وانت الرجى ليتك تعانيني
هذا رجى من نوخ ركابه على جالك=وانت الامل وانت الرجى تعمر مياديني

[بـــــــــرق]

ياويل حـــــــــــال اللـي غـدا اليـوم مــــصـيـــود= من طـفـلة صاد ت لتالـي شــبـــــــــــــــــابـــي
انا عــــــــــذابي كل ما تبت يـــــــــــــــــاسعــود= يظـهـر ولع قلب يضـــــــــــيع صـــــــــوابــــي
اول قطعـــــت عهـــــــــود واحلوف ماعـــــــود = واليـوم طـــــــــاوع للهــوى كل مــــــــــابــــي
غـــلاي صــــــادق مايبي حلف واشـــــــــــهود= بانت فعــــــوله يـــــوم دار الهوى بــــــــــــي
اي والله انــــــي نـــــلت من حبه الـــــــــكــود= وعا نيت من فرقى حسيـن الشـــــــــــبابـــــي
وزاد العـــذاب اللي على القــــلب مشــــــــدود=-قبل الوداع ارسل عـلي الــــــــــــــــــــحرابـــي
حبة هوى مع غـمزة عـيونــــــــها الـــــــسود= مع ضحكة نـــــــــاخـت لحسنه ركــــــــــابــــي

[بـــــــــرق]

ياوليف الروح جيتك طافح ٍ بالوجد حدّي = يعلم الله من عرفتك ماهتنيت بوقت فرقا
لالفيت ارْجف بصدري خافق ٍ لك مستعدّي = ينتظر طلّتْك تروي به لشريان ٍ وعرْقا
نور عيني ضيْ ليلي يابعد جدي وبدّي = يااميرالفكر والهامه ومن له ناخ طرقا
اسالك باللي جمعنا قبل مابيّح لسدّي = اعطني مبغاي ،قلها كلمة ٍ تطفي لحرقا

[بـــــــــرق]

روحي تردّ بلفوتك ياروح شقرانك = والنفس تسعد في حروفك يوم اراعيها
لا لا تأخّر لاتزيد احزان ولهانك = لاغبت عنّي زادت اشواقٍ اعانيها

[بـــــــــرق]

مهما فعلت وقلت صعب الوفا لك = ماني عديلٍ لك ولاني مساويك
سبحان من ميّزْك وابْعد نوالك= طلت الصّداره علّ ربي يخليك

[بـــــــــرق]

يامالك الروح ليه الآه والونّه =فدْوتْك عمري وهات هْمومك ابغيها
هاتي عنا حالتك وبْيدّكْ المِنّه =بس انظرك في رياض السّعْد تجنيها
زينك بضحكاتك السّحّاره بفنّه = تدعي لقلبي وتندهني والبّيها
ياهيه قربك لشقران العنا جنّه=والبعد عنّك جهنّم صرْت اصاليها

[بـــــــــرق]

مايموت الودّ في قلبي لذاتك = لين ماتركز على قبري نصايب
الغلا لك بس.. تبقى لي حياتك = والوفا لك ياخلف جدي عجايب
لاتشكّ بحبّ مجنون بصفاتك = عاشقك بك هايمٍ ياغْلا الحبايب

[بـــــــــرق]

بينــــــــــــــــــي وبينك عـــــــــــهد والله ماخــــــــــونـه= نـذر(ن) عـلي احفظــه ياغالـــي(ن) غــــــــــــــــالي
انــــا لك اسلمت قلبي دوك مــــــــــــضمـــــــــــــــ ونه= فيــــــــــه الغـــــلا والوفـــــا والـصـــــدق لازالي
يـــــــــــــــاحبي اللي ذهــــــلت الكـــــــون لاعــيونــه= بارضاي ماحد(ن) جـــــــــبرني يابــــــــعد حـــــــــالي
حـــــــــبك حـــبـيبي حشـــى ماجــــــــوز من دونــــــه= ملك فؤادي وروحـــــــــــــــــي وافـــترش بـــــــــــالي

[بـــــــــرق]

هذاي لاني حي والله ولا ميت = مدري ولكني احس بفواتي
دخيلك الله يالغلا ويش سويت = يوم اني اقرب لك وتحكم وفاتي
سامحْك ربي غالي ٍ بي تسليت = وارجوك تدعي لي اذا قيل ماتي

[بـــــــــرق]

لعْن ابو جدّ حظّي مامشى باعْتدال = عنْ فياضك عثرْبي مالقيت الدّليل
كلّ يومٍ بدونك يعْتريني خبال = وامْتطي مرْكب اهْمومي واجرّ العويل
الظّما بي وليفي وانت فيك الزّلال = اسْقني واكْسب اجري يالظّلال الظّليل
وانْهل الطّيب باللي بك غرامه خيال = حبّك الحبّ الاعْظم مارضى لك بديل

[بـــــــــرق]

لا لا تسيء الظنّ تكفـى لاتطيـع العاذليـن=قلبي تفطّر من صدودك لا تزيـد الامتحـان
يامالك ٍ روحي يمين الله وديـن ٍ باثْـر ديـن=ماني من اللي ينقض عهوده ولو شان الزمان
مبداي مبدا ضيغميٍ مامشى و الخاينيـن=ماكوّب الحرْوه وانا شقران وختومي ضمـان
قلته من اول ماسواك اللي سرى وسْط الوتيـن=ولا يجاريك الغلا حـي ٍ ولا ينـزل مكـان

[بـــــــــرق]

ودي اسري من جنوني في شرايين وعروق =ودي وودي اناملهم تدون بالكتب
ياغلايا جل ربي فيك اسلوبٍ سروق =شرّد افكاري وقلت العيد في تالي رجب
واو ، ويلي ، طول صبري تهت عن درب وطروق =رحت فيها واعتليت بفكري لهام السحب
اعذريني في صباح اليوم مجنونٍ شفوق =ودّ قلبه لو تبيّن جدول ارقام ورتب
هيه يارمز النقاوه هيه ياضوح البروووق =السموحه عن مزلّه واسالك كفي عتب

[بـــــــــرق]

جمرتين ٍ بينها ضيق البرد =والشّهد مابين حمْر الجمر سال
شفتينٍ حظّ منهو له ورد =وارتواها قبل حلات الزوال
عقل شقران العنا منها شرد =واهني اللي بها طوّل مطال
واهني اللي بشفّتْها انفرد =مايخاشرني بها عم ٍ وخال

[بـــــــــرق]

احس أنا السحر مخلوق ٍ من عْيونك = واحسّ وجدي لشوفك صاير ٍ ثوبي
واحسّ جوفي به الوقّاد من دونك= واشوف نفسي بلاك اعْيوب باعْيوبي

[بـــــــــرق]

ارفع لطرفك وانظر الـلي صار مجنونك =سلهم وزدني بك ولع ياروح شقراااني
اقرب ترى سحرٍ عطفني نبعه اعيوووونك =الله عليها نجل كحله صنع ربّااااااني
شقران باحــبالك مقــيّد ودّه ابعونك =فكّي قياده في وصالك مطرق الباااني
خلّيني اقـــرا كلّ شيٍ وســـط مكنونك =وخلّيني اسمع نبرةٍ تطفي بي اشجااني
وخلّيني ابحر في خيالي وابدع ابلونك =واشرحك شعرٍ من خفيّ القلب بك زااني

[بـــــــــرق]

حـــــــــرام ياقلب الشقـــــى والـــــــــغـــــرابــــيل= حــــــرام باســبابــــك ســـهــــرت الـــــــليـــــالي
حـــــرام هــــد الحــــــال ويــل(ن) عــلى ويــــــل= يالـــــقـــــلب يـــاجانــــي عـــلى صــــفــو بالــــي
عـــــزفت لاجـــــل رضــــاك شـــعــر ومــواويـل= ونـــاجـيـت ورقـــــــٍ باللجـــوج الــــــــعــــوالـي
طــــعـــتـك بـمـيــلا تـــك وذلـــلت تـــــــــــــذليــــل= ونـــــوخـــت لاجــــــلك ســـمـــعــتي واعــــتدالــي
وشـــلت الـــهــــمـــوم الـمــتــعــبات المثـاقـــيـل= جــــــبال(ن) تــــعـذرها قــــروم الـــعــــــــيالـــــي

[بـــــــــرق]

ادري وهو يدري بدينه وديني= والكلّ منّا مايجازي بخونه
لنّا على دين وعهدنا مكيني = يوقف وِفا دوني وانا اموت دونه
هذاي انا والرّوح ياسائليني = واحبّ اوضّحْها لناسٍ يبونه
إنّا ليوم الموت متْوالفيني= وانّه سكن نوني وانا وسْط نونه
واني بلاه بحالةٍ تعتريني= اعظم جنون بهرجتي تسمعونه

[بـــــــــرق]

متى حظوظ السّعد تهديني اقْباله= وتْعدّل المايله وتْبدّل احوالي
واسْكن بدنيا السّعاده وانْهل زْلاله=واغنّي افراحي بصوتٍ وموّالي
هذي هي احلام من حالتْه يرثى له= يعيش جرْح الأسى من قِلّة الوالي
يالله طلبْتك تِعِين الحال باحْواله= وتْبدّل الوضْع من مِيلتْه لاِعْدالي
وتْردّ عقلٍ لفكرٍ زايد اخْلاله= قام يتخبّط ونِسْي اوّلْه والتّالي

[بـــــــــرق]

تعالي اجْنون برْقك هايم اجْنونك = تعالي إلْهايم ٍ في سحْر الاسلوبي
اخذي مشاعر نبضْها قلب مرهونك = مشاعر اتْقول والله لا ولا اتوبي
مشاعر الْمن حلف والله ماخونك = ياعيون ليل ٍ هي المنْوه ومرغوبي
ياعاشر ابيوت شقران العنا دونك = اصدق احاسيس واوْصلْها لمحبوبي
قلّه تراني طوااال العمْر ممنونك = لو قلت مابا الجميع وقرّب الْصوبي

[بـــــــــرق]

فاق الوله والشوق ميزان وحدود =صوّرْه حرف بدمع عينٍ شقيّه
وانساب في طرس الورق قاف مشدود =يحكي عنا روحٍ تعيش الأسيّه
من بعد ماقْفى جاء لي الهمّ ونْكود =غاب وغيابه جنّن العقل بيّه
هذاك من حبّه على الكلّ به زود =اللي ملكني دون كل البريّه

[بـــــــــرق]

تعال افهم هــروجي والكلاما =وخذ عهــدٍ بدم الحــب خـطّي
انا لك وانت شفّي والـمراما =بلاك الرّوح فيها المـوت حطّي
يمين الله وانا ولد الـكراما =انا للـوعد وافـــي وامتمطّي
هوى غيــرك حشا مايوم قاما =وحبّـك يالغـلا ماهـو مــوطّي
تـعلا الحــب حبّك باحـتكاما =تعدّى الـحب كـلّه وامتــخطّي
انا المجنون بك نور الظلاما =اهذري بك صـحا وايضا بغطّي
شف اصنوف الغلا لك بازدحاما =بقلبٍ في غــيابك يسـتشطّي

[بـــــــــرق]

ياشين الايّام عقْب الزّين وامزاحه = ياحيلة الله علااام التّرْف متْغيّرْ
العين ذرّافةٍ والكبْد فوّااااحه = والليل مثل النّهار اقضيه متْحيّرْ
والجوّ عِكّرْ وجرْحي طوّل اصْياحه =والحزن جاني ومدّ لْكفّه الخيّرْ

[بـــــــــرق]

آهٍ وياويلي وازيده أيّه = كان الغلا ماجاوب لوجْداني
يلعن حظوظي دايم ٍ فقريّه = ماجادت بلمّي مع الخلاني

[بـــــــــرق]

ياروح روح الشمالي تلني لك وله = مدري وش الحل لاغبتي عساني فداك
هاتي رقومك منايا الصوت باتوسّله = اطلبه يرجعْك ليّا يابعد من بغاك
ذاني نصيتك هيام بحالةٍ مذهله =يالله ابا نبرتك ابي لشهدك وماك
قولي فدتك العيون اسكن بها وادهله =والقلب لك يالشمالي فدوةٍ من غلاك
واقول لك جاك شقران العنا باكمله = قلبٍ وروح ومشاعر هايمه في حلاك

[بـــــــــرق]

الحرّ ياعين جدّه عاف مركابه =رفّ الجناحين لك ولغيرك معيّي
بالله قولي خفوقي فاتحٍ بابه = ادخله وانهلْ غلاه الصبح وامْسيّي
ومن يدّك اشرب ولو هو سم واهنا به = يالله وعدي يمينك يابعد حيي

[بـــــــــرق]

زود على الكربه صواديف الايام = تحاذفتني واودعتني شلالي
ياحظي المعثور عن نيل الاحلام = كملتها لين الشقا حل حالي
حكمت حكم منه صاحنّ الالام = غصب على رغبات غالي وغالي
عشنا سوى بالحب عام ورا عام =ولا حسبنا غادرات الليالي
اللي رمتنا بين قانون واحكام = غصب لها سرنا ولا به جدالي
الحكم في قانون الاحباب الاعدام = لاصْدق حكاية حب باول وتالي
طلنا بها الذروه الى حد الاهيام = واليوم كفين الغلا بانفصالي

[بـــــــــرق]

تعال يالسّاحر بعذْب التّعاليل = تعال دامك لي حكمْت القيادي
تعال ياراع الرّموش المضاليل = والنبْرة اللي له مهامك ينادي
تعال ويلي زاد ويلٍ باثر ويل = ارجوك ورّدني لغالي مرادي
عطني أمانيّي ووفّ المكاييل = ابغاه وجْدي فاق حدٍ وزادي
جردا سهالي ترتجي غالي السّيل = ورْياض قلبي في ظماها وكادي

[بـــــــــرق]

تامر على روح المعنّا وتنهاه = وش ماتبي؟ تلْقاه لاجلك تهيّا
آآآآمر وانا لك من بهامي الى اعلاه = تقطع وتاصل يابعد كل حيّا
رجاي خافي وانت الادرا بمعناه = مثلك فهيمٍ عارفٍ للخفيّا
تبي المرام اللي لغيرك منعناه = ولك نظْهره ماظن فيها خطيّا
لاشك حبْلٍ بيننا بعد مسراه = حبلٍ دقاق وبالفزايع رديّا

[بـــــــــرق]

لي قصةٍ في حبك اللي بالخفايا نازلي = دوّنتها في صفحة العشّاق ماحد يماثلك
حبيت نجد ومن سكنها لاجلها لك مدهلي = وعشقتها عشق الجنون لحد ماعمري هلك

[بـــــــــرق]

تكفى جوابك لايصير (بماني ) = لاجيت اسائلْك بظماي ارويني
تدري بدونك زودي بنقصاني = واني بليّاك الجنون يْجيني
والمكسب بجفواك لي خِسراني = والنور يمسي ظلْمةٍ تكسيني
هذي حوالي ياغلا شقراني = ودّي كفوفك تشبك بكفّيني

[بـــــــــرق]

دامي رويت الضّروب وحلّت هنيّه = في لبّة صابها يالرّوح ماصابه
صابه هيامٍ من اسْفلْها لعِلّيّه = واعْظمْ رجا ياكْحل العينين ترفا به
تقبل عهودٍ كتبته لك بحرّيّه = في واديٍ للهواوي يضحك بنابه
وحْدي وبالبال لحْظ عيون سحريّه = من خلتها قاف شعري هزّ لحرابه

[بـــــــــرق]

اليوم اقوله ياعذابي ياشِتاتي واشْرِدي = ياويل حالي من نصيبي كان هذا هو عطاه
أبْعدْ وليف وحطّم احْلوم وتنوْمس باضْهدي = وازرا عليّا بالكلايف حسْب خلاقي علاه
ياحظّ ياحظّ الشّقى كبّلْت رجلي مع يدي = وادخلتني غِبّات حزْنٍ يعلم الله وش وراه
مقْوى على فكّ القيود ومات صبْري واجْلِدِي = يالحظّ مدْخلْك بإلهك ردّ بدْري في سِماه

[بـــــــــرق]

لاجفى لاصدّ والله لاعياف = ابعد عن الشّك مثلك مانعوف
رف بحالي صابني عقبك لهاف = والعيون ادموعها لاجلك ذروف
تلّ قلبٍ من معاليقٍ نشاف = لك رحل علّك تطفّي به شفوف
ايه حبّك راعي الهدب العكاف = والغلا لك ناهيٍ ماله وصوف

[بـــــــــرق]

يابحـر هـمّ القلـب مـن قِـلّ ذمّـه=الحظّ الاقشـر مارحمنـي برجـوااااي
عن صاحبي حـال وحرمنـي لضمّـه=وابْعدْه عني واحْرمـن لـذّة منـااااي
ومع هاذ نااااب الوجْد بـي بـثّ سمّـه=عاث يعروقـي وانتخيتـك بنجـواااااي
وكانك تريد الهرج مني متمّه=اقْر القصيد اللي خطتْ فيـه يمنـااااي
شقران خطّ حـروف همّـه بدمّـه=خِذْها وترجم مابهـا واوْصـف ادواي

[بـــــــــرق]

اذكر سنين ٍ به اشجاني مع اشجانك = وشلون صارت غرام بين قلبيني
وين الرسايل ووين الشوق وادمانك ؟ = لاوقات فيها ارْوي لْشوقك وترويني
ياروح منهو عزف للخلق من شانك = ارفق بحالي قبل مالموت ياتيني

[بـــــــــرق]

تعال فدْوتْك العزاوي مع بناتي وولدي = تعال ترجمْها ولا تنْظر لعاذل واضْددا
انا هويتك واهتويتك والله اللي يشْهدي = اني بدونك ضايع ٍ مالي بحيل ولا جِدا
اِقْرب مدام ابْك الجماع لتايهاتي واشْردي = عطني عهود ٍ ودّي اسْمع له صواييح وصِدا
وابْلغ خفوقك قل ترى ماعاد حيلي واجْلدي = هلكْت من طول انتظاري والسدى ماله مدا

[بـــــــــرق]

في تفاصيلٍ لها سقت السؤال =من هو ؟ اللي به لذيذٍ منهله
من تفاصيله مثل عنق الغزال =واللحظ سهمٍ عميقٍ مقتله

خادراتٍ ناعساتٍ لاجدال =(حول سحره) (والسّهوم المرسله)
والشعر ليلٍ الى الردفين طال =والثغر سبحان ربي ماجْمله

السحر في بسمته يورد هبال =ويل قلبي والشفايف مذهله
ريقها في ثغرها كالشهد سال =يبري العلّه الا من ينهله

[بـــــــــرق]

والله ماحيٍ بقلبي يباريك= يالاوّله يالمالكه للعناني
ماحدٍ معك ياجعل ربي يخليك= في لبّة تنبض بريم الحساني

[بـــــــــرق]

كل قولٍ لي توضح بالافعالي= وانكشف سترٍ وبانت خوافيه
حي ظرفٍ زلزل هضاب واجبالي= فرق السنه عن طقوس شيعيه
بين الكذاب عن صامل اقوالي= واوضح الغشاش من صادق النيه

[بـــــــــرق]

اخذي مشاعر نبضْها قلب مرهونك = مشاعر اتْقول والله لا ولا اتوبي
مشاعر الْمن حلف والله ماخونك = يامهجة الروح يالمنْوه ومرغوبي

[بـــــــــرق]

هذاي انا والرّوح ياسائليني = واحبّ اوضّحْها لناسٍ يبونه
إنّا ليوم الموت متْوالفيني= وانّه سكن نوني وانا وسْط نونه

[بـــــــــرق]

ياوجد قلبي عليك وويل مجنونك =وياطول ليل الشمالي يوم تنسيني
وياحظي العاثر ابعدني عن اضعونك =حيل الله اقوى الا وينك وانا ويني

[بـــــــــرق]

مدخلْك بالله لاتجيّر حكم هفياني= ولا تقتل اعظم حبّ قي دنيا المحبّيني
تعال واحكم دنيتي ماغيرك اشقاني= خِذني سِبِيّ وملك لين الناس ترثيني

[بـــــــــرق]

اطرب لقافيّتك واموت باوزانك = واشوفك الملهمه لادكّ هوجاسي
واحس لك نبرة ٍ تروي لظميانك = واشفق على بوح قلبك يابعد ناسي
ياحلْو نبضك الْيا ناجا لشقرانك = يهزّ له خافقي ويْذوّب احساسي

[بـــــــــرق]

مال جفن العين يالمجمول ساهر؟ =عادة اللي غير وضعي بالمنامي !!
بانشغالك جاك صوت الوجد جاهر =جاوب السّائلْ وبلّعْه المرامي
قلّه عْن الحال ياسيد الجواهر =فضفض لْقلب ٍ على خافيك ظامي
هات آآآآخر خافيكْ معْه الظّواهر =ريّح اللي ضاع في دنيا الغرامي
قلْ عن احوالك مدام السيف شاهر =سيف مهيوم ٍ بزينات اللّثامي

[بـــــــــرق]

انوخ لك يانازله قاصي القلب = واذوب في لحظه تلبّا الطلايب
ياروح روح الشمري دامك العذْب = قمْ واسقني كبدي تحوفه لهايب

[بـــــــــرق]

سطيت يالجلاد والْحمْت بالعود = واسرفْت في طعنك ودقيت عودي
مابين كل الخلق حطمت نمرود = اوجعتني واخْذ المساطي شهودي
اهانه وتجريح والعالم شهود =مدري وكنك بالقساوه يهودي
حرام واخفيتن وانا كنت موجود = حرام في حقي جروحك تزودي
بالرغم من هذا لك القدر مرصود =بالقلب مايفنيه حقد وجحودي
احنّ لك لاداعب اغصانه النّود = واتذكّرك رغْم الاسى مع وجودي
ذا جوهري واضح ولا عنْه منشود = ارقى سِما لو انّ غيري ركودي
مابادل الزّلّه بزلّه ومنقود =ولا اهْدم الخيمه بشيل العمودي

[بـــــــــرق]

اعلم ترى ظرفي شعل داخلي شوق = لامْلاعب اقلوب ٍ لها خافقي سار
واعلم بنقشات ٍ على اللوح وادْقوق= لازال طيره ماتذيّر ولا طار
وان المشاعر ماسهج جوهره بوق= وان الذهب مايخفي لبرقه اغبار
وان الشمالي ظلمته صارت اشروق = وان الفرح دقوا به العود والطار

[بـــــــــرق]

على لحون السّامريّه شدّت هجوسي من شمالا = واشْتاقت العين الشّقيّه لمشاهد الريم الجفولي
خشف ٍ عروقه يعْربيّه لمّت على كلّ الدّلالا = اِلْها الغلا ماهو شويّه طوّقني بعرْضي وطولي
له غيبة ٍ طالت عليّه حدّتني الجأ للسّؤالا= عبر الحروف الابجديّه اللي لاحاسيسي تقولي

[بـــــــــرق]

الا الجفا مابيه مابيه مابيه = الا القطيعه ياأميرة حياتي
مابي لحالٍ من وراها المتاييه = مابي تخليني لسجن المماتي
ياملْهبة شوقي ترى الوضع كاسيه= ظرفٍ منعني عن لذيذ امنياتي
ظرفٍ ياعلّ اللّي مشى به وراضيه = يذوق ماذقته ويحرم سباتي

[بـــــــــرق]

اكتبْك في فكري مشاعر واغنّيك = وارسمْك لوحه في عيونٍ تمنّاك

[بـــــــــرق]

الغيره الغيره توقد لظايا = واجي جنون وشعري اسْرج خيوله
والهجر وابعاد المحبين دايا = والوصْل يوصلني لتاج البطوله

[بـــــــــرق]

قريت نبْضٍ لشفّ الرّوح واسْعاده = وانْهذّ فمّي لكلْماته يردّدْها
واهْتزّ صدري من الضّيقات وانْكاده = وادْموع عيني بدتْ تفْضح سدايدْها
قلّبْت صفْحات شعْرٍ ذيك ترْتاده = واجْتاح قلبي شعور وقمْت اناشدْها
ياهيه فيك القوافي تِعْلِن اعْياده = ياهيه من غيرك القيفان ماقْردْها
ياهيه شِدّي جيوش الشّعْر واعْتاده= هِزّي لسيف القصيد بْوجْه حاسدْها

[بـــــــــرق]

ياغاية القلب بعـدك حيـل عذّبنـي=واللي له اركع بشوفك لذة اجنانـي
اصْدح بدنيا الشمالي وابْعـد الغبْنـي=قربك عماري وبعدك هـدْم بنيانـي
الله علـى لحظـةٍ فيهـا تجاذبنـي=واصدح معك بالخيال ونسجع الحاني

[بـــــــــرق]

لازلْت اردّدْ رجايا وآتوسّلْ لك = وانْثرْ لك اصْدقْ مشاعر عبْر هِذْياني
فيها تِصاوير حالٍ ماتتْ بدلّك = وارْوعْ سجاياك يالسّاري بشرْياني
وبْزينك ورقّتك واللّطْف كمّل لك = وبْسحرك اللي نهبْ عقلي وعنّاني

[بـــــــــرق]

ياسرّي اللي صار من فرقا الغلا ظاهر =بيّنه هذياني وما خطّت به ايديّه
بُعْده عهد مؤلم وقربه لي عهد زااااهر =والموجعات تروح لاشافتْه عينيّه
ليتك بعيد الدار تسمع صوتي الجاهر =دوّا به المجنون (( بالله وارجعي ليّه ))

[بـــــــــرق]

كلّ ماذعْذعْ هْبيّب جهتْهم بكيت = قمْت اكفْكِفْ دموعي خوفة ٍ من شِمات
طوّلوْ بالغياب وصار فكري شِتيت= حسْبهمْ من خلقْهمْ واكْملوها سِكات
والعباير بصدْري زاحمتْ للنّهيت = والمِدامعْ بحجْر العين صارتْ سِمات
والسّهرْ لي نديم ٍ لين منْه ارْتويت = يعْلمْ الله زمان ٍ ماهْتنيت بْمبات

[بـــــــــرق]

الحرّ ياعين جدّه عاف مركابه =رفّ الجناحين لك ولغيرك معيّي
بالله قولي خفوقي فاتحٍ بابه = ادخله وانهلْ غلاه الصبح وامْسيّي
ومن يدّك اشرب ولو هو سم واهنا به = يالله وعدي يمينك يابعد حيي

[بـــــــــرق]

يفداك وافي وافضحي عن غبّة عيونك نقاب = خليني ابحر في غياهيبك واطول المستحيل
خليني اروى من علومك واعرف سطور الكتاب= يمكن نذوّب للجليد ويروي العود النحيل

[بـــــــــرق]

إيْ والله انّي اعيش بجدّ لادْمانك =واحسّ كوني بلاك ايْثور زِلزاله
واشوفك الغيث لاسْهال ٍ بظمْيانك = وانْظرْك من تمْلك لسمعي بموّاله
واحْلفْ بأنّك دوى لاجْروح وجْعانك = واجْزم بلاك الشّمالي زاد غرباله

[بـــــــــرق]

شوفيني اكتب لك مشاعر واحاسيس =اصوّر احوالي اذا شفت حالك
جوارحي في كونك امست محابيس =ماعدْت افكّر في فتينٍ بدالك
سعْدك غناةٍ لي وحزْنك مفاليس =وضحكة حجاجك تجذبن في مجالك
وامشي على شانك عتيّ التضاريس =ولو تطلب الشمس اعتبرها حلالك

[بـــــــــرق]

يعني خلاص اجْفي البيبان واوْصدْها = واقطع حبال الرّجا بوصول جيّانك ؟
واسْكن مع الحزن وهْمومي اجالدْها = واصالي لْنار نيّاتك بهجرانك؟
واغْرق بدمعه من عيوني مدايدْها = وانْهلْ كِدرْ رحلتك عن جوّ شقرانك؟

[بـــــــــرق]

متى والسّعاده بارقه في سماي يضوح؟ =انا من غياب اصْويحبي ماتت افروحي
على الله تردّ ايام فيها اللقا مسموح =وترْوا زهور الشوق وتبلّ مشفوحي
وتسكت حروفٍ من غيابه ملتْ لاصْفوح =شكتني وملّتني على كثر مانوحي

[بـــــــــرق]

يامنية الهيمان باجمل اساليب = ياسحر كلْماتٍ تناثر زهرها
ياقلب وافي ياغليّ المجاليب = ياروح برق اللي تحرّى مطرها
ياكلّ شقران العطيب بمجاذيب = يامن رمتْ قلب اللّهب في نظرْها
يامْنوّخة أورنس بالْطف مقاضيب = يامروّضة قلب العنى في سحرْها
ياحاكمه دولة عطيب المضاريب = شيخه كحيلانٍ لعينك امرْها
تبقى ملاكٍ لك ولا به مطاليب = ولعينها قاله بسرّ وجهرها
والسيف قال الموووت قيّد عراقيب = خلاني بدنيا لذيذ ثمرها

[بـــــــــرق]

بدق بابك واسالك واترجّاك =واوقف بيدّي خافقٍ دوم يرجيك
لن الهيام اللي سبايبْه حلياك =عشته وربي شاهدٍ يوم اناجيك
حلو الصدف وياك وياك وياك =يازينها لنّ الخفوق انفتن بيك

[بـــــــــرق]

ماهي قساة ولا جفاة ولا صدود ولا عياف = والله ولا هي نقْضةٍ للعهد ولا طاري عزوف
اخْذه بحسبانك فلا اسلا عنْك ياسيد العِفاف= واعلم ترى غيرك محال ايصير له قلبي لهوف

[بـــــــــرق]

مال السهر يابعد حيّي عميل ٍ لك؟ = علام عينك قليل النوم يهواها؟
فديت قلبك وقولي وشْ سِبب عِلّك؟ = ياعزوتي فضفضي ، هاتي خباياها
هل ياترى مايرافقني زميل ٍ لك ؟ = تعيشي الوحدة اللي زين لقياها؟
او ياترى تسهري من فقدك لخلّك ؟ = او ياترى ضيقتك ماحد ٍ تلقّاها ؟

[بـــــــــرق]

كلّ ماذعْذعْ من الوِجْههْ هبيّبْ= انْتشى بالقلب وجْد ٍ للحبايب
اشْهدْ انّي عقْبهمْ ماني بطيّبْ= حالِتِي حسّوا بها بْعاد وقرايب
عبْر نبْض القلْب منْ غاب الحبيّبْ= والدّموع اللي على خدّي سرايبْ

[بـــــــــرق]

صباح الشمري عطر الاصيله = صباحي غير وايامي جميله
صباحي من عطاني نبض قلبه= احس ان السعد يمي مخيله
الا يانبرةٍ من ثغر عفرا = دعتني وجد وآهاتٍ ثقيله
تقول ان السهر جزّا عيونه = وفي جوفه مثل حام المليله
وتبكي طول ليله مع نهاره = على منهو رماها في سبيله
الا يامن شكيتي للشمالي= وسطرتي عنا قلبك بقيله
فداك اللي مثل قلبك معنّا= خفوقٍ مات من مدّه طويله

[بـــــــــرق]

قمْ تسيّد بالمعاليق واجْمع وافْرقا =وافرض احكامك على شان مامثلك يليق
سوّ ماتبغيه دام الخفوقين شقِقا =يابعد من ضعت معهم بتوهات الطريق
تدري ان الحظ توه تنهّض وارْتقا =واعلم اني من هموم الزمن حر ٍ طليق

[بـــــــــرق]

العين في دمْعة اشْواقهْ تناديك = تِكْفين حِنّي على الدّمْعه شويّه
لِدّي عليّه ومِدّي لي اياديك = هايِمْك باجْنون وخلاق البِرِيّه
من اوّلْ ايّام ماجِيت بْمفاليك = والرّوح أحِسّه بْيدّينِكْ سِبِيّه
لُطْفكْ أناقتْك واوْصاف ٍ تْحلّيك =معْ سِحْرك اللي عطاك الجاذبيّه

[بـــــــــرق]

جنوني مع جنوني مع جنوني = اذا الظّامي كِسِبْ لاهِبْ سرابه
وراحوا صوب غيري واتْركوني = وخلوني مع الاحْزان لااااابه
الا يافاتِنيني وارْحموني = غلابه عِيشِتي والله غلابه
تروني دونكم دون ٍ بدوني = سِكنْت القاع واشْبعْني ترابه

[بـــــــــرق]

طوّل غيابك ياعسى الربّ يحميك = مانْته مثل غيرك اذا غاب عادي
ترى الغياب يقطّع لقلْب مغليك = وبْغيبتك عيني تعيش السّهادي

[بـــــــــرق]

ملامه ياملامه ياملامه =جِزانيها وجيّرْها كلامه
طرف عيني وقلبي شلّ نبْضه =ولجّمْني بهزّتْه لحسامه
ضربني ضربةٍ وافْنى لحلمي =عطاني حكْم مضمونه عدااااامه
حسيبه ربّه بْما مدّ ليّا =هديّه دقّت بقلبي سهامه
ألا حسْبي على من هو تسبّب =وألا حسْبه على نيله مرامه
نديمي وآخر حروفٍ باقوله =بليّاك الحروف ابْدت صِيامه
تموت ولا لها راعي ووالي =وتفْنى لين مايوم القيامه
رفيقي يانديمي يامرامي =فمان الله يامهْدي ملامه

[بـــــــــرق]

ماتشُوفه فِي بيوت الشّعْر من نبْض الخفُوق= أنْثرهْ مرّات بوح ونوب تاتِي وافِيات
أنْتِقِيها مِنْ هُجُوْس ٍ ماتِخِيب ولا تِبوق= واعْتِمِدْها شُوق معْ وجْدٍ لْمنْدور الصّفات
مُلْهِمِي واللّي حكمْ برق ٍ وحلّ اِبْه العُمُموق = وِاكْتِسحْ كُوْنهْ وبنّا بهْ قصُور ٍ نايفات

[بـــــــــرق]

فديت قلبك عطْ مهامك ومغليك = ماكدّر لْخاطرْك واذْبل شبابي
انا لعينك كلّ مابي يفاديك = روحي وقلبي كلّها لك تجابي
بس انظركْ قدّام عيني واراعيك = في شاشةٍ دونك كساها خرابي
هذي مشاعر من تمنّى اياديك = تدفي يديني قبل هلّ الترابي
اقولها مرّات احبّك وباغيك = واموت بك والله كفيلٍ بمابي

[بـــــــــرق]

تبقى مثل ماكنت اوّل وتاااااالي = متْمكّنٍ خلف الضلوع المحاديب
ماعادلك بين المخاليق غالي = مالك وزينٍ يمْ شرق ومغااااريب
قربك حياتي والنّحا هو زوالي = وشوفك سعدْ عينٍ دموعه سواريب
والله فلا مثلك يداعب خيااااالي = هذريت باسمك بالرّخا والمذاهيب
ملكت فكري لين جلجل هبالي = والشّوق لك ياقرّة العين تعذيب

[بـــــــــرق]

سرحت بحلم والغالي بيدّي = اشوفه لي ولا حي ٍ ملكها
عيونه في عيوني ماتصدي = وكوني داير ٍ ويّا فلكْها
فدتني جدّها وانا بجدّي = سكرنا مع بعض لاخر حلكْها
سرقنا الحلم لين انباح سدّي = وروحي حلمها والله هلكها

[بـــــــــرق]

هي تخاليجٍ بصدري دوّنه حرف القهر = من تصاريف الزّمان ووقْفة الحظّ العنيد
قِلْت افضّحْها هنيّا بعْد ماطال السّهر = بعْد ماصار المحال لْلهْفة اشواقي ضِديد

[بـــــــــرق]

اذكرني بخير لاجابوا لك الطّرْيا =وارفع يدينك دعاء لاقيل لك ماتي

[بـــــــــرق]

خذ حالة ٍ مثل حالك به معاناتي = ولاتشتكي لي تراي وربّي ابكي لك
اعيش مثلك ولكن يحكم اسْكاتي = متى على الله نهاية ويلي وويلك
تعال يافاتني واسْمع حِكاياتي= واسْمِعْني اللي جَعلْك مطاول ٍ ليلك
ماراح غال المنى والحظّ ماماتي = بشدّ خيلي عليك وشدّ لي خيلك

[بـــــــــرق]

يالفريده بالشّذا بين الورورد=يالزّعيمه وانْ تمشّت في خُطاه
يالوفيّه وان مشى غيرك جحود=يالكريمه وانْ فضحْ غيرك رِداه
يالمثيره لين عديتي حدود=يافرجْ همّ الشّمالي من عناه
ياموجّهْته اذا عاش الشّرود=يادليله في متاهات الحياه

[بـــــــــرق]

اكتبي ياقوافي مايكنّه خفايا= وارسمي حال عقلي من دهاه الجنون
سطريها لعل الروح تقرا عنايا= من فقدته وغابت شمسها عن عيون
اه ياويل حالي ياعناي وشقايا = ياحياة التعاسه والشقا والغبون
كان خلي نساني وارتحل عن وطايا= وانقشع مزنه اللي به لذيذ الهتون
مير في جاه ربي رحمةٍ عن اسايا= يرجع لظاميات القلب ذاك الفتون

[بـــــــــرق]

شقّ جيبي من معذربْة الشيوخ= فار دمّي وانتشى بيّ الطّنا
مافْرقوا راع المهابه والدلوخ=ولا شريف العرق عن راع الخنا

[بـــــــــرق]

انا اذا قيل العهد قلت مبداي =وانا اذا قيل الوفا قلت ثوبي
ماخون ودروب الوفا صارت اخطاي =والصدق نبراسي ولاني كذوبي
ذا ظاهري واللي يصوّر لمرباي =واعرف ترى ماني لظنّك خيوبي
احفظ لعهدٍ قد كتبته بيمناي =والسّدّ خافي ماله احدٍ يهوبي

[بـــــــــرق]

مالي بغيرك هوى ولا لك مباري = في كون مغليك لك رفّه وتحليقي
متْسيّدٍ فكري ومتْولّي الطاري = وبْعيني انت المنوّف بالمخاليقي
هذاي في وادي ٍ والفكر لك ساري = واتْخيّلك جنبي اتْخطّ المواثيقي
وانا ارتوي من عيون ٍ سحرها ضاري = ياليت يالروح في هاللحظه تويقي

[بـــــــــرق]

http://docs.google.com/File?id=dfjmwf5f_523cxbd5khp_b



فعلا يشد الفكر والقلب والعين= ويخلي هجوسي تردّ لوراها
يازين ذاك العصر في يوم الاثنين=يوم الكريم اسْقى بحايل ثراها
هنا(مشار) اللي لبس كسْوة الزين=هنا التلاع اللي سباني غلاها

[بـــــــــرق]

http://www.w6w.net/album/45/w6w_w6w_200504301144513f32fabf d.jpg




ترى لذيذ العيد في مسك يمناك= واروعه لاجت في عيونك عيوني

[بـــــــــرق]

http://www.alhnuf.com/vb/imgcache/1160324582_0511240554181falcon 1-lightok.jpg



بالله ياطير السما يسالْك ولهاني =اشلع وكل ارضٍ فديتك تسْاله ليّه
انشد عن اللي مايعدْله بالغلا ثاني =ياطير دوّرها مدام الروح بي حيّه
تعبت من فرقاه واعظم حزن غطّاني =وانهدّت الحاله وباحت بي خوافيّه
ياطير ياما له غلا شعّل لوجداني =حبّه صروحٍ في خفوق البرق مبنيّه
حبّه من شهورٍ هو المالك لجيّاني =والله فلا غيره عنان القلب بيديّه
ياطير مامثله يطالبني وينهاني =وانا فِدا لعيون منهي خبّلت بيّه
أمانة الله لاتوانى وجدي ارداني =طريح والجدوى تناهيتٍ على أيّـــــه

[بـــــــــرق]

بشويش ياقلبي رغمْ قوّة الشوق= خفّف رجيفك لاتزيد العنا لي
شوقك ولو ناجاك في عذْب منطوق = كايدْ عليك وصوّره لك محالي
ياقلب وادْري صادق الوِدّ مدقوق = في لبّتك من ماضياتٍ طوالي
وادْري بنبْضك نوّخ بحور واطْروق = وابْدع وصِوّرْ عشْق راع الشمالي
عشقٍ سرى وسْط المعاليق واعْروق = وصار النفسْ له والغِذا والزّلالي
عِشْقٍ حكتْه الناس وابْدتْ له اشْفوق = وقالت يمين الله عشْقٍ خيالي
عِشْق الشّمالي مايضاهيه مخْلوق = يالْقلب وش رايك بْما حلّ حالي ؟

[بـــــــــرق]

حتّى ولو كِنْت معْ ناسِي وصِدْقاني=اعِيشكْ اهْجوس واحْيان انْدهكْ باسْمكْ
فعلا تولّعْت بك وانْظرْ لهِذْياني= أزحْت للغير وكِلّي صِرْت من قسْمكْ

[بـــــــــرق]

والله انه ضاق صدري والحظوظ امست رديّه = والحجاج اللي بالاول ضاحك ٍ بيّن عبوسه
ليه يامبري جروحي، ليه تقلبْها عليّه ؟= ليه زايد احْساسك دعى الفكر وهجوسه
شفني اهْذي لك هناك وشفْني اهْذي لك هنيّه = وياعسى ربي يهوّن خمّة اليوم ونحوسه

[بـــــــــرق]

جرّة قلمْ تنْزفْ ألمْ خُطّتْ وعايشْت الألمْ=ضَاق الفضَا هجْسِى مِضى يرْقبْ لِما آآآلُوا إليه
ضِيقِي طُفحْ دمْعِي سِفحْ يوم إنْ مارفْرفْ علمْ=لُيت الهوى يحْمِلْ دوى ويْبُوس لِي رحْمة يِدِيه
تِجْزِلْ عطا بعْد البًطا وُتْرِدّ للصّفْحه قلمْ=لنّه شِكتْ بعْدهْ بِكتْ والخُوف لمْلمْها عليه

[بـــــــــرق]

النبض لك والله من دون غيرك = وبْك الشّوارد تِهْتِويني واقُوله
يامن بهرْتيني بصادق مِسِيرك = حتّى تِملّكْتي لكاس البطوله
في قلْب منهو بالمحبّه جِديرك = لنّك بكونه دولة ٍ ويْ دُوله

[بـــــــــرق]

على الله ياعين ٍ كِسى دمْعها الاهداب = وعلى الله ياقلب ٍ تِفطّرْ من الغِيره
وعلى الله ياصبْر ٍ بكى غرْسة الانياب = وعلى الله من جيش ٍ خذتْني مغاويره
وعلى الله يابدْر ٍ أفلْ من سماي وغاب = سقى الله سنين ٍ كان يضْوي على الديره

[بـــــــــرق]

يطُوف لِيلِي ماغفى الجفْن ساعه= وحتّى مع الغفْوه أعيش الكوابِيس
متى وكُود الوضْع يطْوي شراعه= وارْقِدْ مع الرّاحه واهِدّ الهواجيس

[بـــــــــرق]

دام البلا بي ياحسين الشّبابي= بانْزفْ ألمْ وانْثر شجنْ واسْطرْ هْموم
هذا كِتابي يامفتّشْ كْتابي = تبْكي حروفه دامني ماعْرفْ النّوم
عفْواً على سِيرِي بدرْب اِكْتِئابِي = واجبْ عليّ امْشِيه مُجْبر وملْزوم

[بـــــــــرق]

تدْري وِشْ أتْمنّى عسى مانْفِجِعْ فيك؟=إنّ المِسافِرْ مِنْك يرْجعْ بلاده
وانّك تكافِحْ دون غالي مِشاريك = وانّكْ تقِفْ في وجْه حُكْم الإباده

[بـــــــــرق]

دخيلك وافْهم اظْروفي دخيلك لاتقول اشْلون =دخيلك دامني حي ٍ محال اهجر لغاليني
دخيلك وانتظر لحظه دخيلك يافريد اللون =دخيلك لاتجيّرْ للجفى يابعْد حيّيني

[بـــــــــرق]

احسدْ حروف ٍ تداعبها اصابيعك = واهنّي الشّاشه اللي تنظره عينك
ياااااااملْهمي ليت ماتْفارقْ مطاليعك = ابيك حولي وابا اللّمّه من ايدينك
تدري وجودك يريّح قلب ٍ مْطيعك = لاتتركيني لحالي طالت سنينك
ابيع كل البشر وانتي فلا ابيعك =ولا لي بهم دام كفي بين كفينك
جيتك جميعي ولا تطري مواديعك = وابي تهدّي حواجز بيني وبينك

[بـــــــــرق]

اتخيل كفوفك تضمّن بقوّه = واتخيل اني رحت في رشفة الريق
الحب لك يابنت ماهوب توّه = من له زمان ٍ ساكن ٍ بالمعاليق
ياليت مابين المحبين هُوّه = وياليتهم عن كل ظرف ٍ مِطاليق
قلبي فداك وماتبي فيه سوّه = وروحي مع عيون ٍ بدمعه غواريق
ياليت في قلبك قليل المروّه = لني على فرقاك ماطيق ماطيق

[بـــــــــرق]

ياليت شقران من ناسك = وياليت ابويا غدا عمّك
عشقت لطفك مع احساسك = وعشقت عزْوتْك مع دمّك
عزيزتي خففي باسك = روفي بمن هااااامك وأمّك
اسْقي ظماياي من كاسكْ = حتى ولو خالطه سمّك

[بـــــــــرق]

ضاااااقت عليّ الوسيعه وانْشِدهْ بالي = والحال في حالهْ وربّي يهوّنْها
ياقرّة العين لاتتْركْنِي لحالي= حالي تعيسه وحرْف الحزْن دوّنْها

[بـــــــــرق]

بعْثرتْني .. لمْلمتْني .. ثمّ خلّتني شِظايا = قوّ قلبه وِشْ مرامه؟ يوم شلّتْ كبْرِيائي
جاتني منْ بعْد حلْم ٍ كنْت اعيشه في خفايا = واكْتبتْني في بلاطه منْ نفى خوف وحيائي
لنّ سحْره ساااق فيني واحْتوى القاع وسِمايا =وانْكِتبْ بِصْفاح حظّي( ألْفها لمّت لِيائي)
ياااااااه مِنْ غيره سِباااني ياااااه من غيره غلايا = يااااااه لوْ تفْقهْ لنبْضي ..قبْل مادوّن جلائي

[بـــــــــرق]

فجيت صدري وخشي يالغلا جوّا = تحسّسي حرّ شوقي لك ووِجْداني
صوت الغلا لك بكون الشمري دوّا =حِسّيه لاصاحت احروفٍ لشقراني
كمّ ناجتك لاتِزيدي سوّي بسُوّا=لاشافتْ اِخْطاك تقْصرْ دون ميداني
ياليت ترْجعْ لوقْت ٍ ماهو بتوّا =يوم انّ ورْد الغرام اشْكال والْوانِي

[بـــــــــرق]

هاتي يمينك وانظريني بعينك = واخذي لنهْته واحده من عنايا
تدرين؟ تنهبني ملامح جبينك = وتدرين؟ بعيونك سهوم المنايا
وتدرين؟ باقرا في شِفاهك حنينك= وتدرين؟ نبراتك تسوي سوايا
وتدرين؟ احس ان الدفى في يدينك = لالملمت كفين ولد الطنايا

[بـــــــــرق]

تدرين اشوف التوت في شفّتينك = والشّهْد احسه ذاب بين الثنايا
وتدرين احس الورد في وجنتينك = ينثر عبيره في جميع الزوايا
اخذي شحوب الوجه في راحتينك = دفي عظامي يالغلا بالحكايا

[بـــــــــرق]

هدي جنون الوجد في كلمتينك = قولي فديتك هاك كل العطايا
ذاني سالتك جاوبي سائلينك = قلب ٍ وروح وعين جاتك هدايا

[بـــــــــرق]

يقول انه على شاني وانا كلي على شانه = جمعْنا الحبّ والعشْره عسى الله مايفرّقْنا
عزيز الروح من غيره وشمْ بالقلب عنوانه= ولا غيري حكم كونه وللعذّال حرّقْنا

[بـــــــــرق]

احْسد الجوال يسْمعْ ضحْكتكْ = واحْسدْ أجوائك عسى عمري فِداك
واحْسدْ اللي لك يشارك غرْفتِكْ = واحْسد ايامك وصبحك معْ مساك

[بـــــــــرق]

خالجْني اِحْساس ٍ غريب ٍ ومدّيت = على صِفاح الجرح ابا انثر دِمايا
كمْ مرّة ٍ للدّار بالعين سجّيت = وكمْ مرّة ٍ فضّحْت مابالخفايا
وكم مرّة ياموجع القلب ناديت = والموت ماجاوبت صادق نِدايا
والله فلا اذْكرْ يوم في حقّك اخْطيت = ولا قصرْت بواجبك ياغلايا
شكْواي لله يوم عني تنحّيت =ويابُؤْس حالي ياعناي وشقايا

[بـــــــــرق]

من جدّ حالي كئيبه وازْفرْ الحسْره = واشْهقْ ألمْ صدّتك عنْ حوض مجنونك
ياليت تجْبرْ خواطرْ منْك منْكسْره=وتْكحّلْ اعْيوني بلدّه من عيونك

[بـــــــــرق]

أعْزفْ من الوِحْده ترانيم الاشْواق = وادير عين الوجْد في كل فجّي
وانْظمْ شواريد الولهْ فوق الاوراق = واجمّعْ افْكاري دقيقه واسِجّي
ولافاد سمّ البُعْد جرْعات تِرْياق = ياويل حالي كان مالحظّ دجّي

[بـــــــــرق]

خذْ راحتك ياوليف الروح لاتِهْتمْ=ظرْفكْ مقدّرعسى ماتفقدكْ عيني
راح انْتِظرْ رجْعة ٍ فيها الشّملْ يِلْتمْ=ويالله عسى مايطول غياب غاليني

[بـــــــــرق]

أقْسمْ بربّ البيت لولااااااك ماجيت =ولا على الهذْيان نثّرْت دمّي
ولا على شانك جذبْت التّناهيت =ولا لغيرك بير الاشواق جمّي
ولا سِوالك اللي لعيناه لبّيت = دعْوة حضوروقلْت له الْف سمّي

[بـــــــــرق]

فعلا أموت بلحْظتك تالي الليل = لاجيتني شوق ٍ وانا كلّي اشواق
لاذابتْ اصناف الوله بالتّعاليل = وارْخى الهدوء بلحْظة ٍ كلّه عناق
يِلِدْ طرْف ٍ للثريّا على سهيل =غيره من اثْنين ٍ سِقوْ بعْض تِرْياق

[بـــــــــرق]

وينه غلا البرْق مابانتْ مواريها؟ = هل ياترى هي ظروف؟ أوْ ليه مابانتْ؟
أوْ طانيهْ ؟ أوْ وِشْ اللي صاير ٍ فيها؟ = ياويل قلبي واحسّ القارعهْ حانتْ
مِتْعوّدْ اقْرا بدِيوانه حكاويها =لافضْفضتْ بالفرحْ .. او انّها عانتْ
يابؤْس يوم ٍ فِقدْ طاهِرْ خطاويها = وياطول ليل ٍ بدونه لحْظته شانتْ

[بـــــــــرق]

مالكْ تِجنّى عليّا يانِظرْ عيني=قلْ لي فديتكْ, أما تعْرفْ عِنْ اِظْروفي؟
من بعْد ذيك الرّساله يامعنّيني = ضاقت عليّ الفجُوج وصابنِي خُوفي

[بـــــــــرق]

تراك غالي يابعد كلّ غالي = حتّى لو إنّ الظّرْف بعّدْك عنّي
تبْقى العزيز اللي تِملّكْ مِجالي = اللي له بفكري حروف ٍ تغنّي

[بـــــــــرق]

والله احبّكْ واعْشِقِكْ واتمنّاك = وامُوت في لحْظه أعيش بعيونك
وامْلكْ خيالكْ مِنْ بِدايتْه لاقْصاك = واعيش أجوائك واذُوب بفُنُونك
وارْقى القِممْ وانْهلْك يالرّوح وارْواك =والبّسكْ جِنّي واعايشْ جنونكْ
وِتْعِيش كفّيني يِساركْ ويُمْناك= وارقّدكْ بِعْيوني اللّي يبُونكْ

[بـــــــــرق]

مانْساك ياكُود الطّنايا هل الطّيب = تنْسى هلا، واقْلطْ , وسمّ , وبعدْ حيْ
متْمكّن ٍ بين الضّلوع المحاديب= ثابتْ كِما للقاع يرْسي جبلْ طيْ
ياهيه في قرْبك تِزِين المِشاريب =وانْسى الاهلْ والعمّ الخال والخيْ

[بـــــــــرق]

حسبي الله حسبي الله يالحظوظ العُوجا =ماذْكِرْ اِنّه لوْ في يوم ٍ نوّلتِْني شفّي
واعنا قلب ٍ مشقّى , دايم ٍ مخْلُوجا =الزّمنْ نِدّي ودايمْ ماسِكنْ معْ كفّي
ضايق ٍ صدْري وهمّي موج يتْبعْ مُوجا=والصّدِرْ يزْمِي بآآهاتي ودمْعِي جفّي

[بـــــــــرق]

شوْشِليٍّ الْيامنْ قِلْت انا قدّه =وافْتِلْ لشارِبي لنّي مِنْ اسْياده
بِي طناخهْ تِطِمّ أفْواه واتْسِدّه =لنّ سِيمات جِدّي جات مِنْقاده
شمّريِّ حشا ماتكْسِره شِدّه = مُو غُرور ٍ ولكنّ الطّنا عاده
يعْشقْ الطّيب والطّنْخات والمدّه = لوْ بــ ( يابعْد حيّي ) يرْفع اِعْماده

[بـــــــــرق]

ماهِي بحاله وربّي حالتي حاله =أحسّ انا باليُتُمْ منْ قِلّة الوالي
ماعاد مِزْن الحيا للقاع همّاله = للطّقْس خمّات.. ياحِزْنِي وغِرْبالي
الوسْم راح وظُمى الاشواق يِرْثى له = ويالله عسى الصّيف يِرْوِيها بهمّالي

[بـــــــــرق]

ياوينها ؟ مدري؟ علام الوضْع حاكِمْه الخُمُول =أوْ وِشْ سِببْ غفْلات روح الرّوح عِنْ ذاك المِجال
جسْر التّواصِلْ بيني وبينه إذا جاد بهطُول = واحْيا براعِمْ ميّته شوق ٍ ووجْد ٍ وانْشِغال
وارْوى زُهُور ٍ ظاميه ومْلمْلمِه ثوب الذّبُول = واسْقى عُرُوق ٍ ماهوتْ غير المنوّفْ بالكمال

[بـــــــــرق]

خمْس يُمْنايا على خمْس الشّمال = اِصْفقتْ معْ بعْض مِنْ قطْع الشّفُوف
لاجِدال ولا جِدال ولا جِدال = السّببْ مفْهُوم والحلّ مْعروف
لالِقا بالجسْر لاغال اِتّصال = ولا جواب ٍ فيه وصْل ٍ اوْ عُزُوف
تاهتْ اخْطايا وردّدْت السّؤال = وين ذاك الوعْد منْ ذِيك الهنوف؟

[بـــــــــرق]

مال المسافات طالتْ بيني وبينك؟=منْ له مِصالحْ بتفريق المحبّيني؟
ياجرْح قلبي إذا هذي مِضامِينك= هُنا ثِياب الحزِن والهمّ تكْسيني

[بـــــــــرق]

أحسّ صُبْحكْ ليل والليل داكنْ = واحسّ موقك مِسْهره شُوكة هْزوم
واحسّ ضاقت بك جميع الاماكنْ = واحسّ قلبك باعْظم الحزْن موْشوم
واحسّ بك كل الجوارح تشاكنْ = واحسّ بالنّبْره عنا الكُون مرْسوم
واحسّ همّك دايم ٍ فيك ساكنْ= واحسّ خدّك من مِدامِعْك موْسُوم
ياليت اشِيل الحزْن عنّك ولكنْ = هذاي مثلك دايمْ آآآطِيح واااقُوم

[بـــــــــرق]

جيتك ولهْ جزّا عيوني عن النّوم=جيتك محبّه للمعاليق لمّتْ
جيتك جنون وعزمي يضاهي اِعْزوم= جيتك جوارح صادقه يوم أمّتْ

[بـــــــــرق]

العزا في وضع حالي دمعة العين الذروف = والعزا في موت حظي دعوة الرب القدير
والسعادة غاب بدره والقبول امسى نكوف = والربيع اللي تغطرف راح لين اصبح هصير
والأمارة زال حكمة والعداء دقت دفوف = والزعامة لي تدنت والحدب هام الجفير

[بـــــــــرق]

ضيّعْت تالِي خفُوقي يالله الخيره=مدْري وِشْ اللي بشهْر الصّوم صايِرْ لِي
اِمْن اوّل ٍ قاضِي ٍ والفكْر بهْ حِيره=واليوم احسّ الجنون بجدّ يِشّرْ لِي

[بـــــــــرق]

يسُوقنِي لك مايِشِيل القلْب يالريم اللّعُوب=الله على لو قلْبك اِيْحِسّه فلا والله تِغِيب
الجوّ كتْمه منْ زمان وشفّي بهبّ الهبوب= والقاع ظمْيا والهوى عطْف ٍ ولطْف ٍ من حبيب

[بـــــــــرق]

أجي لعيناك وانت اللي دعى بوحي=واشْفقْ على انّك تبيّن للرّضى منّي

[بـــــــــرق]

يدْعيني الشّوق لكْ ياقرّة العيني=واجي ودمْع الولهْ عرْبون ماقلْته
هذاه منْ لهْ ليال ٍ فوق خدّيني=يدْرجْ وليتك تِحِسّ اللي تحمّلْته

[بـــــــــرق]

فِعلا بدونك يِنْتهي نبْض مِغْليك = والله وربي عِقْب حبّك بامُوْتِي
ليا العزيزه لاتِخلّين هاااااوِيك =ميّتْ ولكنّ الجِدايا سِكُوتِي

[بـــــــــرق]

ياوجْد قلبي على الغالي =اللي عليّ طوّل غْيابه
حِزْني وضِيقي وغِرْبالي=لمّت على الحال باسْبابه

[بـــــــــرق]

في تِوال اللّيل شُوقِي يِلْتِهِبْ= ياعدِيل الرّوح طفّ اللاهِبا
لاتطوّل دام عقْلي مِنّْهِبْ =واشْهدْ اِنّكْ مِنْ لقلْبِي ناهِبا

[بـــــــــرق]

يامنتهى الذّوق والإسلُوب والرّقّه=خلّكْ قِرِيب ٍ ترى شوفتْك تِحْيينِي
وبْقُرْبك الصّحّ والتّأْكيد والدّقّه =لوا هنا العين بكْ ياشمْعة اِسْنِينِي

[بـــــــــرق]

أرْجِي مزُون الفرجْ وارْقُبْ همالِيلهْ=وارْفعْ يِدِينِي دُعاء يالله يارااايفْ
ضاقتْ فْجُوج الوِساع وهدّنِي وِيْلهْ=واللّي بزعْمِي حقِايقْ صايِر ٍ زايِفْ

[بـــــــــرق]

أغلا هديّه لقيته من هوى بالي = ليا بعدْ منْ ورود اعْجاب يِهْديني
فديت روحك تِعيده ياسعدْ حالِي =وِشْ كِثْر مارْجي وُرودك يانِظرْعيني

[بـــــــــرق]

والله فلا اعلْمْ ولا ادْرِي وين أنا رايِحْ=ماغِير سِرْداد مِرْداد ٍ على ماشِي
الصّدْر بهْ ضِيقة ٍ والجُوف بي فايِحْ= واصْرُوف وقْتِي يِجِينِي مدّها كاشِي
يالله سألْتكْ تْقوّمْ حظّي الطّااايح= وِتْبدّلْ الصّوره اللي دُونه اِغْباشِي

[بـــــــــرق]

ياصادق آمالي وياغال الاحلام = ويامنوّخ حروفي وحاكم زمامي
مدخلْك بالله فكّ شفرات الابهام = ريح لمجنونك وهات المرامي
عطني عناوين ٍ وبين لي ارقام = يامالك اشواقي وصادق غرامي
ياللي له اتعبت الصحايف والاقلام = ويامن له اشعار الغلا كالغمامي
بالفكر حنّت وارزمت طول الايام = والشعر صوّر داخلي بالتمامي

[بـــــــــرق]

مع الاسف كنت انتظرْك بسوءالي =وكنت انتظر اجمل كلام يجيني
وكنت اتحرّا كل لحظه قبااااالي =يجي رسولك بالوله والحنيني

[بـــــــــرق]

هلْ ياترى لكْ قلْب ياقلْب مِغْلِيك؟=وهلْ ياترى تفْقه لنبْضٍ حكى لك؟
ياجِعْلِني فِدْوة تراب لمواطِيك=إفْهمْ مرامِي يالزّعيم بدلالكْ
جتْك الأماني علّ ربّي يخلّيك =صيّاحها يحْكِي علامك؟ ومالِك؟
كِلّ الجِوارحْ ميّته مِنْ تعالِيك =يِلْعنْ أبُو شكْلِكْ وِشْ اللي جرى لِك؟

[بـــــــــرق]

مال الجفى صار عنوانك؟=بالله قولي عن اسْبابه

[بـــــــــرق]

مُمْكِنْ رِساله أبا اعدّلْ بها كِيفي = خرْمان لارْوعْ مِشاعِرْ معْ تِحِيّاتكْ
يامُلْهِمِي ياغناتِي عِنْ مِوالِيفِي = فِدِيت قلْبكْ تسرّعْ لِي بجيّاتكْ

[بـــــــــرق]

أقول لهْ لُولاك لُولاك لُولاك = يِحْرمْ عليّ أكْتُبْ مِشاعِرْ حضُورِي
واعِيدها واسْألْ علامِكْ؟ ووِشْجاك؟= غابت شِمُوسِكْ عِنْ معاني سطُورِي!!

[بـــــــــرق]

يابنت والوجْد عذّبْنِي =يالروح رُوفي بمجْنونكْ
والشوق يابنت شيّبْني=خلاني اتْوسّلكْ عُونكْ

[بـــــــــرق]

لو يسألوا عن سِرّ الإلْهام بالبُوح=باقُول حِين العِين تقرأ كِتابه
هذاك مِنْهُوا له غدا الصّوت مبْحُوح=مِنْ كِثْر مادْعِي له ولا الْقى إجابه

[بـــــــــرق]

أعْشقْ نهاركْ وامُوت بليلك الرّاقِي =واهْوى التّرانِيم لاعطّرْت به بُوحكْ
ياسيّد الكِلّ ياشهْدي وتِرْياقي =أُلْطف على البرْق ولا تسْألْه وشْنُوحك؟

[بـــــــــرق]

يالْحمامه سألْتِكْ يالحمامه= وصّلِي للولِيف اللّي بغِيته
قُولِي اِنّ الهوى تُوجِعْ سِهامه = والتيتّمْ بكُونِي ذاع صِيته
واخْبِرِيه اِنّي أسْكِنْ في هِيامه= واِنْ جفْنِي تعذّرْ لهْ مِبِيته
وانّي أبْداً أحايِدْ عِنْ غرامه= واِنّ نهْتات صدْرِي مِنْ نِهِيته

[بـــــــــرق]

خذْها حقِيقه غير شُوفكْ فلا ارِيد= واحْسبْ حساب انّي بدونِك ولا شيْ
واِعْرِفْ بأنّ الشمّري عاد ويعِيد=إنّ الوِفا سِيمهْ بنا يابعدْ حيْ

[بـــــــــرق]

خلّك قريب ٍ وتِكْفى لاتِخلّينِي =والعالِمْ الله مِماتِي يُوم فِقْدانكْ
ياعين برْق الشّمال اِفْهمْ مِضامِينِي = واِعْرِفْ بِأنّي أعِيش بْجدّ لادْمانكْ

[بـــــــــرق]

ليت الحواجزْ بيننا تسْكنْ المُوت =ويْشِعّ فجْر الوصْل بيني وبينك
واشمّ عبْق الورْد وارْشفْ من التّوت =والمّ كفّينك وعيني بعينك
واعْزفْ لحن حبّك على نغْمة النّوت =وارْقصْ على رفات ٍ لحاجِبينك
والحظّ الاعْوج نسجنه وسْط تابُوت=واِيدِين شُوقِي تقْطفْ لورْدتِينك

[بـــــــــرق]

لاجْلكْ ومِنْ شانكْ ولعْيون عِينك=أتْركْ هلِي واجِي بدارك واسلّيك
واعْزفْ حناني لك واسائِلْ حنِينك=وانْثرْ بهِذْياني توجّدْ مهاوِيك

[بـــــــــرق]

طقّيت بابك والرّجا في جوابك=ويالِيت تُوحي كِلْ نبْضٍ هذِيته
عجّلْ عليّا يالهوى فِي كِتابك=للشّوق داعي وسْط صدْرِي نِهِيته

[بـــــــــرق]

جلّ الإله بشُوفتك ترْجعْ الرّوح=ياجعْل عيني ماتفارق عيونك
حبّيت لاجْلكْ صفْحة ٍ نبْضها بُوح=واغْليت هذا اللي يسمّى جُنونك

[بـــــــــرق]

متى على الله طلّتكْ تكْحلْ المُوق =واللي على المِرْقاب يضْحكْ حجاجه
والوجْد في صدْر ٍ من البعْد مشْقُوق = يهْدأ ونغْسِلْ في زلاله هماجه

[بـــــــــرق]

طال اِنْتِظارِي وانا ارْجِي طلّة اِطْيُوفِكْ = هلْ ياترى ليه طالتْ غِيبِتِكْ عنّي
أبِي عبِيرِكْ وارِيد عيُونِي اِتْشُوفِكْ= تِعْب التّحرّي وصبْرِي صار مِتْعنّي

[بـــــــــرق]

طال الغياب وهلّت الدّمْعه وساهرْت النجوم=يامْولّع اشواقِي علامك ليه غِيبتْك اطْولتْ
خارتْ قِواي وضاعتْ الطّاسه ونِوّخْت العُزُوم=والحال في حاله وحالِي بالمآسِي مِوّلتْ