جاذبية

[النورس]

جـــــاذبية

أصابـعـك ماهـي بـكـفـــك سـوية ما يســتوون الناس لا تظـلميني

انا اظـلـمك لـو اشــبهـك بالبـقـية من يشبـهـك يا بعد قلبي وعيني

بـعـلن عـليـك الحب ماهي خطية وش فيه لو بيحت خافي كنـيـني

ردي السلام وشرط لاضرب تحية مدي اليـمين اللي تصافح يميني

ولـهـان احــبـك والـمـحـبة بـلـيـة يا كـبر شوقي لك ولـوعة حنيني

نذرت قلبي لك وروحي هــــدية يابـنت حـبك صـار مـطـبوع فيني

لا تبـعــدي احـس بـك جـاذبـيــة واحساس صادق حيل بينك وبيني

كـثير ماهـو يا حـيـاتـي شـويــة احـس بـه من كل جهة محتويني

شوفي جروحي في غيابك ندية ودواي لي لمـست يديـنك يديني

لاتـتـركيـنـي بـيـن روحـة وجــية ويش الـذي يـمنـعك حتى تجيني

وانا لاجـلك جـيت في طـيـب نية وعطيت لك عمري وباقي سنيني