تيمون
03-02-2005, 11:15 AM
بسم الله الرحمن الرحيم
اتمنى قراءة الموضوع كامل لانه يوجد أناس بحاجة إلى محاكمة
وادري انه طويل لكن اتمنى القراءة
( محـاكمــة بعض أعضـــاء الملتـــــاع )
انتشرت أصوات أعضاء منتدى الملتاع داخل المحكمة كأنهم جالسين في حراج بن قاسم بعد صلاة الجمعه
والازعاج مستمر وأنا جالس على طاولة المحامات أكل:essen:سندويش مقلقل لحم..جاي للمحكمة مسرع:drive1:ما أفطرت خايف أن القضية تفوتني ومافيه أحد يترافع عنها
وأنا اكل والعالم تتكلم سمعنا الحاجب يصرخ بأعلى صوته محكممممه:w00t2:وقفوا الأعضاء كلهم وأنا واقف وفي فمي لقمه وخدي منتفخ كنه واحد في ضرسه خراج
دخل القاضي:icon31:وهو مقفل جوه وعليه وجه كبير ناقصه عروتين من فوق وتحت ويطلع كنه صينية بيتفور محطوطه عند انفاسيه
وأنا جالس اناظر في وجهه .قاطعني وهو يقول ( أبو هديب ) انت المحامي عن حقوق المنتديات .. قلت بصوت عالي ايه طال عمرك..وفمي مليان أكل..قالي وش اللي في اثمك قلت فضلة خيرك جالس افطر كله خوفا أن القضيه تفوتني والا اني اعطل سعادتكم ..قال الله..الله..معدوب محكمه هذي..طلعت بوفيه السعادة..قلت لا طال عمرك انا ما أكلت هنا إلا عشان الجوع كافر وفي نفس الوقت خفت ان القضية تفوتني .قال وش جالس تفطر ..قلت ابد طال عمرك جالس افطر مقلقل لحم..قال القاضي وهو معصب :mad_argue مقلقل لحم ليش مجلسين معنا في القاعه اســـد..قلت وانا اضحك :w00t2: لا طال عمرك خبرك عارف بعد عيد الضحيه اللحم فايض فا قلنا ليش نخليه الين يخيس ناكله احسن
قال تفضل أرم اللي معك و رافع عن القضية ..قلت سم طال عمرك ورميت اللي في يدي
ثمن قلت بصوت عالي
سيدي القاضي
دعني أعرف عن نفسي لدى الحضور..أنا ( أبو هديب ) المكلف من هيئة نقابة المنتديات والمحافظة على الفكر والثقافه التي تشمل جميع المنتديات ومحاربة كل من ينتهك هذي الضوابط
وقد كلفت من قبل هذه الهيئة بالمرافعه عن هذه القضية التي تمس منتديات الملتاع وهي قضية مهمه
وقبل أن ابدأ اتمنى أن تسمح لي يا سيدي القاضي ان أتكلم باللهجة العامية لانني أشعر بأن لساني قد انعوج وأصبح مثل أبطال مسلسل الزير سالم
ناظرني القاضي بطرف عين وهو يقول تكلم باللي تبي لو تبي تكلم روسي بس اخلص
سكت شوي ثمن قلت إني ارى في عينك العدل..قال وهو مبسوط شكرا ..قلت على طول لا شكر على واجب عز الله مقامك وانت بكرامه..ناظرني القاضي ثمن قال وش هالخرابيط اللي جالس تقولها..قلت طال عمرك أنا انسان أحب اللباقه في الكلام ..قاطعني القاضي وهو يقول اي لبقاه هذي ثواره قلت مشكور ويجي منك اكثر ولا عدمناك وجعلها سفرة دايمه..وانا اتكلم صرخ القاضي وهو معصب هييييييييه :mad_argue وين حنا فيه سفرة دايمه عازمك على العشاء انا .. قلت بكل برود نتشرف والله يا حظرة القاضي..سكت شوي ثمن قال كمل المرافعه لا تجي هالمطرقة في نص جبهتك وافتح مخرج فرعي :bomb: قلت بكل برود يا زين المطرقة اذا جت من قاضي عادل مثلك.قالي وهو يضرس كمل ما منك فايده..من جد ما ركبت عليك اللباقة والمحامات شكلك بياع زوالي في أسواق بن دايل ..كمل مرافعتك
تنحنحت وقلت يا سيدي القاضي..بعد اذنك خلني التفت شوي على الاعضاء واوجه لهم سؤال واحد بس .. قال تفضل وجه اللي تبي ..اول ما قالي كذا على طول التفت وأنا اناظر في عيونهم
ثمن قلت يا جماعه من منكم لا يملك ثقافه أو لا يملك فكر ؟..ثمن سكت وقلت على طول بصوت عالي ..أنا اكاد أن اجزم أن كل واحد فيكم لا تقل شهادته عن الثانوية العامة
يعني انه يجيد الكتابة والقراءة ويستطيع أن يبحر في عالم الخيال وينسج من خياله مواضيع ومقالات..يثري بها ساحات هذا المنتدى البائس
التفت على القاضي وقلت ..لكن اللي حاصل عندنا في هالمنتدى كارثه .. مصيبه من مصائب المنتديات التقليديه اللي هي القص واللصق يا حضرة القاضي ..يجي العضو توه صاحي من النوم وحالته حاله وعيونه مغمصه كن احد مقطر فيها حليب السعوديه من قوة الغمص ويجي يفتح المنتدى ويناظر..ويتعيجز انه يكتب فا يقوم ينزل موضوع لاطشه من احد المنتديات الصديقة عشان يوفر جهد .ووقت ليش ..ليش
وبعد هالكلام سكت شوي وجلست اقلب في اوراقي ثمن قلت بصوت عالي ..لماذا ندفن مواهبنا ونجعلها حبيسه عقولنا ..لماذا لا نكتب ونتعب ونشقى ..حتى نشعر بطعم النجاح ونشعر بلذة ما نكتب عندما نجد الردود نتذوق تلك اللذة بعد تعبنا
رفعت راسي وناظرت في القاضي وقلت بصوت شبه عالي
يا حضرة القاضي فيه اعضاء ودك تحطه في غمارة ددسن وتمشي ميه وثمانين في البر واطمر الطعوس الين ينخض راسه والا انك تاخذ به فره في شارع الابراج بحكم ان كله حفر عشان تطلع المواضيع من راسه المتحجر اللي تعود على القص واللصق
قالي القاضي .. كمل وخش في القضية اللي بعدها هذي وصلت .. قلت وأنا التفت على الاعضاء وفيه مصيبة ثانية يا حضرات وهي
( الــردود ) صراحه انحسرت الردود ما بين يسملووووووووووو ،، والله يعطيك العافيه ،، وما قصرت الله على الموضوع .. والمصيبه هناك اناس يقولون لا تحرمنا طلتك انا ابي افهم .. هل العضو اللي كاتب الموضوع وترد عليه كذا بينحاش والا بيسافر..عشان تقول لا تحرمنا طلتك ...
وبعدين هذي النوعيه من الردود في المنتديات الكبيره يسمونها ردود اللي يبغى يكثر مشاركاته وبس بدون أي فايده
قلت كلامي والتفت على القاضي اللي جالس يناظرني بطرف عين وهو يقول مطول انت في مرافعتك لحكم عليك بالسجن المؤبد اخلص ورانا عيال نجيبهم من مدارسهم .. قلت طيب يا حضرة القاضي هذا انتم يا موظفين الدوله تعطلون مصالح الناس وما تبون احد يعطل مصالحكم .. حنا عندنا قضية مهمه ..
ناظرني القاضي وهو يقول بالله يا ( ابو هديب ) ترى ماركب عليك التأثر طالع وجهك كنه وجه الفنانه صباح قبل ما تسوي عملية شد في وجها .. قلت يا طويل العمر خلني اكمل عشان يمديك تجيب عيالك .. قال كمل ..
قلت وأنا اخذ نفس عميق .. يا حضرات إننا أمام ضياع كبير لقد اشكل علينا الحابل بالنابل عندما نرى كلمة يسلموووو أو توابعها .. فإننها لا نعرف من الذي قرأ الموضوع ومن لم يقرأه
لذلك يا أعضاء لازم نتفاعل مع الموضوع ونقص منه مقتطفات ونعلق عليها عشان نزيد حلاوة الموضوع بتعليقاتنا سواء كانت فكاهيه أو للنقاش أو موضوع عام .. لازم نعلق على كل مقطع مهم عشان لما يجي الضيف يقرى الموضوع نجبره انه يكمل الردود من حلاوتها ومن التعليقات الموجوده فيه .. مهوب الواحد يدخل الموضوع ويطلع كنه داخل غرفة شغاله مافيه االا سرير وطاولة كوي
خلصت كلامي ثمن التفت على القاضي على طول وقلت وهناك معضلة كبيره ايضا الا وهي ..
انه عندما يدخل احد الاعضاء ويجد الموضوع طويل يخرج بسرعه وكأن هناك كلاب تطارده داخل ذلك الموضوع ..قال القاضي وش كلابه تنقى الفاظك منتب جالس مع سلـــق .. قلت وانا منزل راسي عفوا ترى اخذني الحماس وانا اتكلم باللغة العربيه خبرك عارف توني قاري كتاب كامل عن حياة المتنبي وحافظ لي كم جمله وجاي اقولها هنا
خلصت كلامي ثمن ناظرت وجه القاضي وهو معصب :evil_2: وده يرمي علي الحاجب اللي واقف جمبه طالع كنه ابجورة محترقه لمبتها..يوم شفته كذا
جلست اناظر الاوراق وأنا اقول ..يا حضرات نحن بحاجة للتفاعل ويجب أن نقرأ المواضيع ونتفاعل معها وأن نعطيها حقها وألا نهملها ونتركها على ارفف المنتدى ليتكوم الغبار عليها ويبني بيت طين مثل بيوت حي الجراديه وحي الشميسي الذي يقطنها الباكستانيين المخالفين لانظمة الجوازات
قاطعني القاضي وهو معصب وش باكستانينه وجوازات .. على طول يوم شفته عصب قلت معليش يا حضرة القاضي أخذني الحماس وقريت لكم مرافعة قضيه ثانية ..قالي وهو حول ما يصيح بالله عليك خلصنا تكفى تراني مليت من خشتك اللي كنها ركبة تيس فيه جدري
طنشت كلامه ثمن قلت يا حضرت القاضي..انني اناشد المحكمه بأن تضع حدا لما يحدث في هذا المنتدى..وأن تطلب من كل عضوا الانضباط والالتزام وبالتواجد المستمر وتقديم افضل ما عنده حتى نرتقي بهذا المنتدى غلى اسمى الأماكن وأن نجعل منه منتداً نموذجيا يرتاده كل الزوار بفضل اعضاءه المتميزين بردودهم ومواضيعهم النابعه من افكارهم ومن ثقافتهم وتجاربهم في الحياة وبهذا يكون لدينا مواضيع جديده غير متداوله في المنتديات الباقيه
اذا الخص كلماتي الطويله في زبـــــــده أفضل من الزبده الدنمركيه..وأنا اتكلم مرت من جمبي المطرقه من سرعتها الهوى حقها حرك شعري ..شوي رفعت راسي واناظر القاضي وهو يقول زبده..قسم بالله يا أن نزلت عليك أني لقلب راسك ذيل بقره ..قلت وش فيك يا حضر ت القاضي قال اجل زبده ..جالسين في بقاله . .قلت هذي بلاغه ..سكت شوي ثمن قال لو اني جمبك كان بصقت في وجهك..سكت شوي ثمن قلت ليش تبصق في وجهي..قال هذي بعد بلاغه بصقه كلمة باللغة العربيه..كمل المرافعه وبعدها نشوف وش نسوي فيك
هديت الموضوع بصمتي ثمن قلت حلمك يا سعادة القاضي إن لم تسمعني فمن سيسمعني ..
لذلك اتمنى من عدالة المحكمة بأن تجد لنا حلا وأن تحكم بما فيه فائده لهذا المنتدى الجميل وبأعضاءة المميزين حتى يتسنى لنا الاستمرار ورفع شأنه وأن ندخل به مصاف المنتديات الكبيره
هذا والله الموفق .
قلت كلامي هذا ثمن قال القاضي بصوت عالي الحكم بعد عشر دقائق قالها وطلع وانا جالس والقاعة مليانه ازعاج والعالم جالسه تنتظر هالعشر دقيقاق تنتهي
مرت العشر دقايق بصعوبة .. وحنا جالسين دخل القاضي فجأة سكتت القاعه كلها ..ثمن قال الحاجب محكمممه قامو القاعه ثمن جلس القاضي وجلسنا ..وتنحنح وقال
( الحكـــــم )
بعد سماع المرافعه والبحث في جوانب الموضوع حكمنا كالتالي ..
إن المحكمه في صف المحامي ( ابو هديب ) وانها مقتنعه تمام الاقتناع في معطياته ... وعلى ضوء هذه المرافعه تم وضع شروط يجيب التقيد بها من أكبر رتبه في المنتدى إلى اصغر رتبه حتى يعم العدل والفائده ..
والشروط كالتالي
1- يجب على المشرفين متابعة الاعضاء وتقديم النصيحه لهم وتوجيههم ومطالبتهم بالكتابة من وحي خيالهم
2- وكذلك يجيب على المشرفين تقييم المواضيع وتثبيتها على حسب جودتها وارسال رسالة شكر للعضو المتميز حتى يتسنى له المواصله ولكي يعرف انه على طريق صحيح
3- وكذلك نطلب من الويب ماستر والمشرف العام تحفيز كل عضو متميز بمواضيعه وبردوده بأن يضعوا مكافأة رمزيه أو هديه وينشر موضوع يوضع فيه اسماء المتميزين بردودهم المثاليه ومواضيعهم المتميزة
4- يجب على المشرفين توجيه كل عضوا يقص ويلصق وإبلاغه بأن يكتب من وحي خياله حتى يستطيع أن ينمي فكره وثقافته وتوصيل ما يريد ان يقول وما يدور في خلاجات نفسه ..
ونتمنى من كل عضو بأن يكون متميز .. ويسير على طريق النجاح الدائم ..رفعت الجلسة ..
أول ما قال رفعت الجلسه العالم قامت تصفق :ongue: وأنا جالس اقول في نفسي حتى أنا اتمنى أن كل عضو يكتب من وحي خياله ويثري الساحه بثقافته لان كل انسان فينا يملك حس ادبي محتاج انه ينميه ويعطيه حقه..وحنا ناس مطلعين وتمر علينا مشاكل في الحياة محتاجين انجسدها بشكل ادبي وبشكل ثقافي ينم عن اطلاعنا ..
من جد ياليت ان الكل ينضبط بعد هالمرافعه وأن كل شخص يحس أن هالمنتدى محتاج اقلام
متحاج عقول اكثر من انه محتاج ناس تقص وتلصق والا تتوجه لمنتديات الالعاب عشان يكثر مشاركاته ونحاول نبعد عن الردود اللي تقلل من قدر الشخص ما تزيد من قدره ونتفاعل مع المواضيع ونقول رأينا عشان نخلي كل زائر يجي يقرى الموضوع ويقرى الردود
قلت كلامي هذا ثمن طلعت
ادري اني طولت عليكم لكن الموضوع كان محتاج وقفه..وانتم انشاء الله قدها
مع تحيات اخوكم / الهــــــــــديب
اتمنى قراءة الموضوع كامل لانه يوجد أناس بحاجة إلى محاكمة
وادري انه طويل لكن اتمنى القراءة
( محـاكمــة بعض أعضـــاء الملتـــــاع )
انتشرت أصوات أعضاء منتدى الملتاع داخل المحكمة كأنهم جالسين في حراج بن قاسم بعد صلاة الجمعه
والازعاج مستمر وأنا جالس على طاولة المحامات أكل:essen:سندويش مقلقل لحم..جاي للمحكمة مسرع:drive1:ما أفطرت خايف أن القضية تفوتني ومافيه أحد يترافع عنها
وأنا اكل والعالم تتكلم سمعنا الحاجب يصرخ بأعلى صوته محكممممه:w00t2:وقفوا الأعضاء كلهم وأنا واقف وفي فمي لقمه وخدي منتفخ كنه واحد في ضرسه خراج
دخل القاضي:icon31:وهو مقفل جوه وعليه وجه كبير ناقصه عروتين من فوق وتحت ويطلع كنه صينية بيتفور محطوطه عند انفاسيه
وأنا جالس اناظر في وجهه .قاطعني وهو يقول ( أبو هديب ) انت المحامي عن حقوق المنتديات .. قلت بصوت عالي ايه طال عمرك..وفمي مليان أكل..قالي وش اللي في اثمك قلت فضلة خيرك جالس افطر كله خوفا أن القضيه تفوتني والا اني اعطل سعادتكم ..قال الله..الله..معدوب محكمه هذي..طلعت بوفيه السعادة..قلت لا طال عمرك انا ما أكلت هنا إلا عشان الجوع كافر وفي نفس الوقت خفت ان القضية تفوتني .قال وش جالس تفطر ..قلت ابد طال عمرك جالس افطر مقلقل لحم..قال القاضي وهو معصب :mad_argue مقلقل لحم ليش مجلسين معنا في القاعه اســـد..قلت وانا اضحك :w00t2: لا طال عمرك خبرك عارف بعد عيد الضحيه اللحم فايض فا قلنا ليش نخليه الين يخيس ناكله احسن
قال تفضل أرم اللي معك و رافع عن القضية ..قلت سم طال عمرك ورميت اللي في يدي
ثمن قلت بصوت عالي
سيدي القاضي
دعني أعرف عن نفسي لدى الحضور..أنا ( أبو هديب ) المكلف من هيئة نقابة المنتديات والمحافظة على الفكر والثقافه التي تشمل جميع المنتديات ومحاربة كل من ينتهك هذي الضوابط
وقد كلفت من قبل هذه الهيئة بالمرافعه عن هذه القضية التي تمس منتديات الملتاع وهي قضية مهمه
وقبل أن ابدأ اتمنى أن تسمح لي يا سيدي القاضي ان أتكلم باللهجة العامية لانني أشعر بأن لساني قد انعوج وأصبح مثل أبطال مسلسل الزير سالم
ناظرني القاضي بطرف عين وهو يقول تكلم باللي تبي لو تبي تكلم روسي بس اخلص
سكت شوي ثمن قلت إني ارى في عينك العدل..قال وهو مبسوط شكرا ..قلت على طول لا شكر على واجب عز الله مقامك وانت بكرامه..ناظرني القاضي ثمن قال وش هالخرابيط اللي جالس تقولها..قلت طال عمرك أنا انسان أحب اللباقه في الكلام ..قاطعني القاضي وهو يقول اي لبقاه هذي ثواره قلت مشكور ويجي منك اكثر ولا عدمناك وجعلها سفرة دايمه..وانا اتكلم صرخ القاضي وهو معصب هييييييييه :mad_argue وين حنا فيه سفرة دايمه عازمك على العشاء انا .. قلت بكل برود نتشرف والله يا حظرة القاضي..سكت شوي ثمن قال كمل المرافعه لا تجي هالمطرقة في نص جبهتك وافتح مخرج فرعي :bomb: قلت بكل برود يا زين المطرقة اذا جت من قاضي عادل مثلك.قالي وهو يضرس كمل ما منك فايده..من جد ما ركبت عليك اللباقة والمحامات شكلك بياع زوالي في أسواق بن دايل ..كمل مرافعتك
تنحنحت وقلت يا سيدي القاضي..بعد اذنك خلني التفت شوي على الاعضاء واوجه لهم سؤال واحد بس .. قال تفضل وجه اللي تبي ..اول ما قالي كذا على طول التفت وأنا اناظر في عيونهم
ثمن قلت يا جماعه من منكم لا يملك ثقافه أو لا يملك فكر ؟..ثمن سكت وقلت على طول بصوت عالي ..أنا اكاد أن اجزم أن كل واحد فيكم لا تقل شهادته عن الثانوية العامة
يعني انه يجيد الكتابة والقراءة ويستطيع أن يبحر في عالم الخيال وينسج من خياله مواضيع ومقالات..يثري بها ساحات هذا المنتدى البائس
التفت على القاضي وقلت ..لكن اللي حاصل عندنا في هالمنتدى كارثه .. مصيبه من مصائب المنتديات التقليديه اللي هي القص واللصق يا حضرة القاضي ..يجي العضو توه صاحي من النوم وحالته حاله وعيونه مغمصه كن احد مقطر فيها حليب السعوديه من قوة الغمص ويجي يفتح المنتدى ويناظر..ويتعيجز انه يكتب فا يقوم ينزل موضوع لاطشه من احد المنتديات الصديقة عشان يوفر جهد .ووقت ليش ..ليش
وبعد هالكلام سكت شوي وجلست اقلب في اوراقي ثمن قلت بصوت عالي ..لماذا ندفن مواهبنا ونجعلها حبيسه عقولنا ..لماذا لا نكتب ونتعب ونشقى ..حتى نشعر بطعم النجاح ونشعر بلذة ما نكتب عندما نجد الردود نتذوق تلك اللذة بعد تعبنا
رفعت راسي وناظرت في القاضي وقلت بصوت شبه عالي
يا حضرة القاضي فيه اعضاء ودك تحطه في غمارة ددسن وتمشي ميه وثمانين في البر واطمر الطعوس الين ينخض راسه والا انك تاخذ به فره في شارع الابراج بحكم ان كله حفر عشان تطلع المواضيع من راسه المتحجر اللي تعود على القص واللصق
قالي القاضي .. كمل وخش في القضية اللي بعدها هذي وصلت .. قلت وأنا التفت على الاعضاء وفيه مصيبة ثانية يا حضرات وهي
( الــردود ) صراحه انحسرت الردود ما بين يسملووووووووووو ،، والله يعطيك العافيه ،، وما قصرت الله على الموضوع .. والمصيبه هناك اناس يقولون لا تحرمنا طلتك انا ابي افهم .. هل العضو اللي كاتب الموضوع وترد عليه كذا بينحاش والا بيسافر..عشان تقول لا تحرمنا طلتك ...
وبعدين هذي النوعيه من الردود في المنتديات الكبيره يسمونها ردود اللي يبغى يكثر مشاركاته وبس بدون أي فايده
قلت كلامي والتفت على القاضي اللي جالس يناظرني بطرف عين وهو يقول مطول انت في مرافعتك لحكم عليك بالسجن المؤبد اخلص ورانا عيال نجيبهم من مدارسهم .. قلت طيب يا حضرة القاضي هذا انتم يا موظفين الدوله تعطلون مصالح الناس وما تبون احد يعطل مصالحكم .. حنا عندنا قضية مهمه ..
ناظرني القاضي وهو يقول بالله يا ( ابو هديب ) ترى ماركب عليك التأثر طالع وجهك كنه وجه الفنانه صباح قبل ما تسوي عملية شد في وجها .. قلت يا طويل العمر خلني اكمل عشان يمديك تجيب عيالك .. قال كمل ..
قلت وأنا اخذ نفس عميق .. يا حضرات إننا أمام ضياع كبير لقد اشكل علينا الحابل بالنابل عندما نرى كلمة يسلموووو أو توابعها .. فإننها لا نعرف من الذي قرأ الموضوع ومن لم يقرأه
لذلك يا أعضاء لازم نتفاعل مع الموضوع ونقص منه مقتطفات ونعلق عليها عشان نزيد حلاوة الموضوع بتعليقاتنا سواء كانت فكاهيه أو للنقاش أو موضوع عام .. لازم نعلق على كل مقطع مهم عشان لما يجي الضيف يقرى الموضوع نجبره انه يكمل الردود من حلاوتها ومن التعليقات الموجوده فيه .. مهوب الواحد يدخل الموضوع ويطلع كنه داخل غرفة شغاله مافيه االا سرير وطاولة كوي
خلصت كلامي ثمن التفت على القاضي على طول وقلت وهناك معضلة كبيره ايضا الا وهي ..
انه عندما يدخل احد الاعضاء ويجد الموضوع طويل يخرج بسرعه وكأن هناك كلاب تطارده داخل ذلك الموضوع ..قال القاضي وش كلابه تنقى الفاظك منتب جالس مع سلـــق .. قلت وانا منزل راسي عفوا ترى اخذني الحماس وانا اتكلم باللغة العربيه خبرك عارف توني قاري كتاب كامل عن حياة المتنبي وحافظ لي كم جمله وجاي اقولها هنا
خلصت كلامي ثمن ناظرت وجه القاضي وهو معصب :evil_2: وده يرمي علي الحاجب اللي واقف جمبه طالع كنه ابجورة محترقه لمبتها..يوم شفته كذا
جلست اناظر الاوراق وأنا اقول ..يا حضرات نحن بحاجة للتفاعل ويجب أن نقرأ المواضيع ونتفاعل معها وأن نعطيها حقها وألا نهملها ونتركها على ارفف المنتدى ليتكوم الغبار عليها ويبني بيت طين مثل بيوت حي الجراديه وحي الشميسي الذي يقطنها الباكستانيين المخالفين لانظمة الجوازات
قاطعني القاضي وهو معصب وش باكستانينه وجوازات .. على طول يوم شفته عصب قلت معليش يا حضرة القاضي أخذني الحماس وقريت لكم مرافعة قضيه ثانية ..قالي وهو حول ما يصيح بالله عليك خلصنا تكفى تراني مليت من خشتك اللي كنها ركبة تيس فيه جدري
طنشت كلامه ثمن قلت يا حضرت القاضي..انني اناشد المحكمه بأن تضع حدا لما يحدث في هذا المنتدى..وأن تطلب من كل عضوا الانضباط والالتزام وبالتواجد المستمر وتقديم افضل ما عنده حتى نرتقي بهذا المنتدى غلى اسمى الأماكن وأن نجعل منه منتداً نموذجيا يرتاده كل الزوار بفضل اعضاءه المتميزين بردودهم ومواضيعهم النابعه من افكارهم ومن ثقافتهم وتجاربهم في الحياة وبهذا يكون لدينا مواضيع جديده غير متداوله في المنتديات الباقيه
اذا الخص كلماتي الطويله في زبـــــــده أفضل من الزبده الدنمركيه..وأنا اتكلم مرت من جمبي المطرقه من سرعتها الهوى حقها حرك شعري ..شوي رفعت راسي واناظر القاضي وهو يقول زبده..قسم بالله يا أن نزلت عليك أني لقلب راسك ذيل بقره ..قلت وش فيك يا حضر ت القاضي قال اجل زبده ..جالسين في بقاله . .قلت هذي بلاغه ..سكت شوي ثمن قال لو اني جمبك كان بصقت في وجهك..سكت شوي ثمن قلت ليش تبصق في وجهي..قال هذي بعد بلاغه بصقه كلمة باللغة العربيه..كمل المرافعه وبعدها نشوف وش نسوي فيك
هديت الموضوع بصمتي ثمن قلت حلمك يا سعادة القاضي إن لم تسمعني فمن سيسمعني ..
لذلك اتمنى من عدالة المحكمة بأن تجد لنا حلا وأن تحكم بما فيه فائده لهذا المنتدى الجميل وبأعضاءة المميزين حتى يتسنى لنا الاستمرار ورفع شأنه وأن ندخل به مصاف المنتديات الكبيره
هذا والله الموفق .
قلت كلامي هذا ثمن قال القاضي بصوت عالي الحكم بعد عشر دقائق قالها وطلع وانا جالس والقاعة مليانه ازعاج والعالم جالسه تنتظر هالعشر دقيقاق تنتهي
مرت العشر دقايق بصعوبة .. وحنا جالسين دخل القاضي فجأة سكتت القاعه كلها ..ثمن قال الحاجب محكمممه قامو القاعه ثمن جلس القاضي وجلسنا ..وتنحنح وقال
( الحكـــــم )
بعد سماع المرافعه والبحث في جوانب الموضوع حكمنا كالتالي ..
إن المحكمه في صف المحامي ( ابو هديب ) وانها مقتنعه تمام الاقتناع في معطياته ... وعلى ضوء هذه المرافعه تم وضع شروط يجيب التقيد بها من أكبر رتبه في المنتدى إلى اصغر رتبه حتى يعم العدل والفائده ..
والشروط كالتالي
1- يجب على المشرفين متابعة الاعضاء وتقديم النصيحه لهم وتوجيههم ومطالبتهم بالكتابة من وحي خيالهم
2- وكذلك يجيب على المشرفين تقييم المواضيع وتثبيتها على حسب جودتها وارسال رسالة شكر للعضو المتميز حتى يتسنى له المواصله ولكي يعرف انه على طريق صحيح
3- وكذلك نطلب من الويب ماستر والمشرف العام تحفيز كل عضو متميز بمواضيعه وبردوده بأن يضعوا مكافأة رمزيه أو هديه وينشر موضوع يوضع فيه اسماء المتميزين بردودهم المثاليه ومواضيعهم المتميزة
4- يجب على المشرفين توجيه كل عضوا يقص ويلصق وإبلاغه بأن يكتب من وحي خياله حتى يستطيع أن ينمي فكره وثقافته وتوصيل ما يريد ان يقول وما يدور في خلاجات نفسه ..
ونتمنى من كل عضو بأن يكون متميز .. ويسير على طريق النجاح الدائم ..رفعت الجلسة ..
أول ما قال رفعت الجلسه العالم قامت تصفق :ongue: وأنا جالس اقول في نفسي حتى أنا اتمنى أن كل عضو يكتب من وحي خياله ويثري الساحه بثقافته لان كل انسان فينا يملك حس ادبي محتاج انه ينميه ويعطيه حقه..وحنا ناس مطلعين وتمر علينا مشاكل في الحياة محتاجين انجسدها بشكل ادبي وبشكل ثقافي ينم عن اطلاعنا ..
من جد ياليت ان الكل ينضبط بعد هالمرافعه وأن كل شخص يحس أن هالمنتدى محتاج اقلام
متحاج عقول اكثر من انه محتاج ناس تقص وتلصق والا تتوجه لمنتديات الالعاب عشان يكثر مشاركاته ونحاول نبعد عن الردود اللي تقلل من قدر الشخص ما تزيد من قدره ونتفاعل مع المواضيع ونقول رأينا عشان نخلي كل زائر يجي يقرى الموضوع ويقرى الردود
قلت كلامي هذا ثمن طلعت
ادري اني طولت عليكم لكن الموضوع كان محتاج وقفه..وانتم انشاء الله قدها
مع تحيات اخوكم / الهــــــــــديب