صندوق بردقان
07-10-2008, 09:38 PM
السلام عليكم ورحمة الله وبركاته
الموضوع باين من مرصاعه وهو على سياق برامج البثارة اللي يقولون للظيف والله ما تجي حنا اللي بنجيك وزهب القهاوي والشهاوي والغداوي والعشاوي وكان عندنا نية نوم جهز المطارح وافرشها بالسطح ولا تنسى الجحة تشلخها تبرد
ولكن هنا في قسم التراث بسوالف الاولين سنقول لضيفنا عاشق بصمت
احطز تحت الاثلة ولا تروح لبيتكم بنمرك وبنسولف معك وناخذ علومك وبربستك وذكرياتك في رمضان
المخرج يزاعق على كادر التصوير وبقية فريق العمل يالله اخلصوا علينا غابت الشمس وغابت الاشفاق وانتم مغير تجهزون في عربة النقل
عربة النقل فورت سبعة وستين محملين عليه كيمرة تصوير الاولين اللي يدخلون في كيس اسود ومسجل ابو رعاصات اللي الوحدة منها اكبر من طفاي مكيف ومعنا مسجل ريل ابو بكرات
ومعنا عصير قها وخبز شريك وبسكوت ابو ميزان ومن ها النمونة وانت ماشي
فريق العمل مشخصين
الثوب تترو ، كبك ابو سلسلة ، طاقية شالكي ، شماغ ابو هدب ، نعال باتا ، وساعة سيكو فايف
ومعنا اخواننا من الحجاز واحد اسمه سمير نزار شكشوكة ، لابس ثوب القيطان والتاني حامد سعيد دربوكة لابس طقم زراير مع الكبك مع الساعة ومشغل المسجل على توحة تغني ( تدلع يا حلو يا حالي ، واحلى كتير من السكر
وصلنا بحمد الله للاثلة التي سنبحر فيها مع حجتنا عاشق بصمت ادام الله ظله حول ذكرياته في رمضان
نتوقف قليلا قبيل وصلونا لاستاذنا عاشق بصمت وردة فعله عند مشاهدته الفورد مقبل عليه
عاشق بصمت منسدح تحت الاثلة ومركز رجليه وحاط وحدة على الثانية بطريقة الشيبان في يده اليمني عصى يمحط بها على الارض وكل ما شاف بزر مار من عنده استلمه وش مظهرك في ها القايلة ، الله على ايامنا منول =====>>> هذا الشي اللي ما تقدر تقول اها بس يا عاشق بصمت تلقاك منول جايب الصمرقع لابوك
يمحط ثانية ،، وين ابو سعد اليوم ما مر علي تهقاه طرش للرياض تسني سامعه امس يقول ابروح للرياض اشوف ولدي اللي يشتغل كيتب عند المحكمة
عاشق بصمت يقحص من سدحته يوم سمع الموتر ثم يمد الدربيل ( الدربيل هو ان يجمع اصابع ثم يرعصها على عينه ليحصر النظر في طريق واحد ويعرف من القادم )
من ها اللي جاينا ها الحزة ، مهيب العادة يدخل الديرة موتر ها الوقت
ايييييييييييييييييييييه الله يقلع الشيطان لا يكون هذولا حقين الاذاعة اللي بيحتسون معي
ايه بس بس بس الا اكيد هذولاهم ، خلني اتسنع واضف قراشيعي ومعاليقي والبس الصروال المعلق على الاثلة ،
الفورد وصل الاثلة وعاشق بصمت بلش بالصروال المعلق على الاثلة نشب له في عود
وصلنا حيث يحطز حجتنا عاشق بصمت،، وتلهلهنا شوي لين يخلص عاشف بصمت هو وصرواله المعلق ،ن يعني لازم يا استاذنا عاشق بصمت تسبح في البرتسة او تطافش في الساتزي وانت لابس صروال ، كان طبيت من غير هدوم ، من زين ها الجسم وش بيناظرون فيك ، العصاقيل تسنها معصاد جريش والمقفى نباطة والوجه معرفط كنه ردمية الحيسية
المهم حولنا ومشينا الهوينا حتى وصلنا ( الهوينا سارقها من احد شواعير الحداثة لابس خاتم عليه فص كنه استبنة باترول )
السلام عليكم ، عليكم السلام خمس دقائق راحت وهي كلها كيف الحال وشلونكم ( نص فواتير الهواتف لو نحسبها لقيناها قيمة سوالف كيف الحال وشلونكم عساكم طيبين من اللي مر عليكم اليوم )
نبدأ الحديث مع عاشق بصمت عفى الله عنه ، طبعا انحن ما نبي نسأله عن حياته كلها فقط نقتص جزء منها وهو رمضان فقط ولا هوب رمضان كله بعد نبي يوم واحد
والا لو درعمنا معه في كل شيء كان يطلع بلاوي ، كان تطلع روحات الكويت وزرقات الحساء وترجيم الزيود بالبيض ، والتونة اللي يسرقونها من التكان
سؤال واحد سأرصعه على عاشق بصمت
حدثنا عن عاشق بصمت ورمضان من اول يوم نقز فيه بدر كريم في الرادو اللي مشخص مع البرتزات على الكمار ، ثم لعلع بدخول الشهر الكريم
اعتدل عاشق بصمت في جلسته ثم مدد كراعيه واخذ نعليه وادخل كل فردة في يد ثم صفق بالثنتين معا واعادهما الى مكانهما وكانه بهذه الحركة يستحضر زمان يجلب الدمع في انعدام الحضور
وانطلق مغردا
من يعلن بدر كريم ان رمضان باتسر تلقى كل الديرة يتباشرون اللي يروح يعلم المذن وامام المسجد ان باتسر رمضان خبرك عارف الرادو حرام ويجيب شي مهوب زين ، وامي تروح تتفقد المطبخ وش نافصة ، والبزارين يتناتقون ويجتمعون في البرحة وش بيسوون في رمضان
من طرف الصيام والتعب اللي يلحقني منول خبرك عارف لا كرهب ولا كنديشنات ، مهفة خوص والا مقيال في اشراب الزت
ننوم حول الساعة خمس ( احد عشر زوالي ) هذا كان سهرنا واقوم قبل السحور بنص ساعة والقى السحور جاهز من قاسمة الله وعادة سحورنا رصع شاسفة كنها اسطوانات نجدي فون مع غضارة لبن او باقي الفطور كان باقي منه شيء ، طبعا قبل ما امردغ في السحور دلة قهوة مع تمر
نصلي الفجر واعود وارقد لين الساعة وحدة ( سبع الصبح ) ثم اقوم واروح للنخل واشتغل فيه شوي ثم ازرق الزرع كان فيه شرب يبي سقي والا معراض يبي تعديل ، ثم امر على مكينة البلاكستون واشوف كان ناقصها شيء ديزل او صوتها في بحة ، وامر على البرتسة ثم اطفش فيها قبل صلاة الظهر ، واصلي الظهر
خلصت صلاة الظهر اروح لاقرب اثلة وانسدح تحتها لين العصر ، وكان الجو حار مرررة فانا خذت شماغي وربصته في الماء ثم تلحفت به والا خذت معي جلال ورشيته بالماء ثم تلحفت به
طيب يا عاشق بصمت الظاهر انك ما تعرف تفك الخط ما سمعتك انك قريت قران ،
يا عجلك يا صندوق بردقان اركد دايم عجل غرضك من يرنك على راسك بعصاء ها المسحاة لين تضبط السبايك عندك http://vb.eqla3.com/images/smilies/119.gif
اييه منيب اقرا بس ان الامام عندنا كل عقب صلاة العصر يحدث علينا ، واذا خلص من الحديث ورحت للبيت شغلت الرادو وقعدت اسمع عبدالله خياط يقرا قران واذا خلص من القران رحت وطلعت وقعدت مع الجماعة تحت الجدار لين تغيب الشمس سوالف وسعة صدر ولعب ام تسع
اعود للبيت قبل ما تغيب الشمس وقبل الفطور لابد من كم زعقة هاه صلحتوا شوربة الجريش ، والتطلي عساكم بردتوه وعسى مهوب زغاديد ترى مالكم عذر والشربيت سنعتوه زين والا مثل ذيك المرة يا ها المخفوعة حاطتن نص سكرنا في ذاك القدر
اذن المغرب ارتشفنا كم فنجال من القهوة مع حبات تمر ( شرط تقعد يا عاشق بصمت عشر سنين ترش الميدة ما جبت مفردة ارتشفنا ) وشوي ونعدل الخشة على قدر الشربيت اللي حاطين فيه المغراف مغير اغرف واقحن ، نفطر ونتقهوى ونروح نصلي المغرب ونرجع نكمل الفصل الثاني من الفطور
يا الله عجلوا علينا بالعشاء ، وييييييييين الرادو ووجع يوجع العدو ، رح جبه من عند امك في المطبخ ، ابد ما قد جيت من المسجد ولقيت الرادو محله دايم تلقطه ها الكمخة وتاخذها معها للمطبخ
قم رح جبه وراك فاق خشتك انت وراسك ها اللي كنه بستم حراثة ( عاشق بصمت يخاطب ابنه )
يالله عجل خلني ابسمع سعد التمامي وش عنده ها السنة في رمضان ( سعيد في شهر الصوم ) ثم خلنا نسمع يوميات ام حديجان ( عبدالعزيز الهزاع )
منول تنافس بين التمامي والهزاع من اللي يكسب المستمعين اكثر
مايستفاد من الموضوع:
هذا عباره عن حياة الاجداد في الماضي في شهر رمضان
واعتذار خاص اقدمه للمشرف : عاشق بصمت بستخدامي اسمه
في الموضوع <<<اول مره يركب جمله صحيحه خخخخخخ
في حالة اذا صار لي اي اضرار ماديه او معنويه سوف تتحملها
المشرفه احساس ومشاعر لانها هي من اقترحت وضع اسمك
ياعاشق بصمت انا ماكنت ناوي اكتب اسمك بحط اسمي
خايف تزعل لاني انا دابه سلميه تباري الجدار من الله خلقني
بس احساس ومشاعر تقول ماراح تحصل صاحب عصاقيل
غير عاشق بصمتhttp://vb.eqla3.com/images/smilies/119.gif
كان معكم من موقع الحدث صندوق بردقان
الموضوع باين من مرصاعه وهو على سياق برامج البثارة اللي يقولون للظيف والله ما تجي حنا اللي بنجيك وزهب القهاوي والشهاوي والغداوي والعشاوي وكان عندنا نية نوم جهز المطارح وافرشها بالسطح ولا تنسى الجحة تشلخها تبرد
ولكن هنا في قسم التراث بسوالف الاولين سنقول لضيفنا عاشق بصمت
احطز تحت الاثلة ولا تروح لبيتكم بنمرك وبنسولف معك وناخذ علومك وبربستك وذكرياتك في رمضان
المخرج يزاعق على كادر التصوير وبقية فريق العمل يالله اخلصوا علينا غابت الشمس وغابت الاشفاق وانتم مغير تجهزون في عربة النقل
عربة النقل فورت سبعة وستين محملين عليه كيمرة تصوير الاولين اللي يدخلون في كيس اسود ومسجل ابو رعاصات اللي الوحدة منها اكبر من طفاي مكيف ومعنا مسجل ريل ابو بكرات
ومعنا عصير قها وخبز شريك وبسكوت ابو ميزان ومن ها النمونة وانت ماشي
فريق العمل مشخصين
الثوب تترو ، كبك ابو سلسلة ، طاقية شالكي ، شماغ ابو هدب ، نعال باتا ، وساعة سيكو فايف
ومعنا اخواننا من الحجاز واحد اسمه سمير نزار شكشوكة ، لابس ثوب القيطان والتاني حامد سعيد دربوكة لابس طقم زراير مع الكبك مع الساعة ومشغل المسجل على توحة تغني ( تدلع يا حلو يا حالي ، واحلى كتير من السكر
وصلنا بحمد الله للاثلة التي سنبحر فيها مع حجتنا عاشق بصمت ادام الله ظله حول ذكرياته في رمضان
نتوقف قليلا قبيل وصلونا لاستاذنا عاشق بصمت وردة فعله عند مشاهدته الفورد مقبل عليه
عاشق بصمت منسدح تحت الاثلة ومركز رجليه وحاط وحدة على الثانية بطريقة الشيبان في يده اليمني عصى يمحط بها على الارض وكل ما شاف بزر مار من عنده استلمه وش مظهرك في ها القايلة ، الله على ايامنا منول =====>>> هذا الشي اللي ما تقدر تقول اها بس يا عاشق بصمت تلقاك منول جايب الصمرقع لابوك
يمحط ثانية ،، وين ابو سعد اليوم ما مر علي تهقاه طرش للرياض تسني سامعه امس يقول ابروح للرياض اشوف ولدي اللي يشتغل كيتب عند المحكمة
عاشق بصمت يقحص من سدحته يوم سمع الموتر ثم يمد الدربيل ( الدربيل هو ان يجمع اصابع ثم يرعصها على عينه ليحصر النظر في طريق واحد ويعرف من القادم )
من ها اللي جاينا ها الحزة ، مهيب العادة يدخل الديرة موتر ها الوقت
ايييييييييييييييييييييه الله يقلع الشيطان لا يكون هذولا حقين الاذاعة اللي بيحتسون معي
ايه بس بس بس الا اكيد هذولاهم ، خلني اتسنع واضف قراشيعي ومعاليقي والبس الصروال المعلق على الاثلة ،
الفورد وصل الاثلة وعاشق بصمت بلش بالصروال المعلق على الاثلة نشب له في عود
وصلنا حيث يحطز حجتنا عاشق بصمت،، وتلهلهنا شوي لين يخلص عاشف بصمت هو وصرواله المعلق ،ن يعني لازم يا استاذنا عاشق بصمت تسبح في البرتسة او تطافش في الساتزي وانت لابس صروال ، كان طبيت من غير هدوم ، من زين ها الجسم وش بيناظرون فيك ، العصاقيل تسنها معصاد جريش والمقفى نباطة والوجه معرفط كنه ردمية الحيسية
المهم حولنا ومشينا الهوينا حتى وصلنا ( الهوينا سارقها من احد شواعير الحداثة لابس خاتم عليه فص كنه استبنة باترول )
السلام عليكم ، عليكم السلام خمس دقائق راحت وهي كلها كيف الحال وشلونكم ( نص فواتير الهواتف لو نحسبها لقيناها قيمة سوالف كيف الحال وشلونكم عساكم طيبين من اللي مر عليكم اليوم )
نبدأ الحديث مع عاشق بصمت عفى الله عنه ، طبعا انحن ما نبي نسأله عن حياته كلها فقط نقتص جزء منها وهو رمضان فقط ولا هوب رمضان كله بعد نبي يوم واحد
والا لو درعمنا معه في كل شيء كان يطلع بلاوي ، كان تطلع روحات الكويت وزرقات الحساء وترجيم الزيود بالبيض ، والتونة اللي يسرقونها من التكان
سؤال واحد سأرصعه على عاشق بصمت
حدثنا عن عاشق بصمت ورمضان من اول يوم نقز فيه بدر كريم في الرادو اللي مشخص مع البرتزات على الكمار ، ثم لعلع بدخول الشهر الكريم
اعتدل عاشق بصمت في جلسته ثم مدد كراعيه واخذ نعليه وادخل كل فردة في يد ثم صفق بالثنتين معا واعادهما الى مكانهما وكانه بهذه الحركة يستحضر زمان يجلب الدمع في انعدام الحضور
وانطلق مغردا
من يعلن بدر كريم ان رمضان باتسر تلقى كل الديرة يتباشرون اللي يروح يعلم المذن وامام المسجد ان باتسر رمضان خبرك عارف الرادو حرام ويجيب شي مهوب زين ، وامي تروح تتفقد المطبخ وش نافصة ، والبزارين يتناتقون ويجتمعون في البرحة وش بيسوون في رمضان
من طرف الصيام والتعب اللي يلحقني منول خبرك عارف لا كرهب ولا كنديشنات ، مهفة خوص والا مقيال في اشراب الزت
ننوم حول الساعة خمس ( احد عشر زوالي ) هذا كان سهرنا واقوم قبل السحور بنص ساعة والقى السحور جاهز من قاسمة الله وعادة سحورنا رصع شاسفة كنها اسطوانات نجدي فون مع غضارة لبن او باقي الفطور كان باقي منه شيء ، طبعا قبل ما امردغ في السحور دلة قهوة مع تمر
نصلي الفجر واعود وارقد لين الساعة وحدة ( سبع الصبح ) ثم اقوم واروح للنخل واشتغل فيه شوي ثم ازرق الزرع كان فيه شرب يبي سقي والا معراض يبي تعديل ، ثم امر على مكينة البلاكستون واشوف كان ناقصها شيء ديزل او صوتها في بحة ، وامر على البرتسة ثم اطفش فيها قبل صلاة الظهر ، واصلي الظهر
خلصت صلاة الظهر اروح لاقرب اثلة وانسدح تحتها لين العصر ، وكان الجو حار مرررة فانا خذت شماغي وربصته في الماء ثم تلحفت به والا خذت معي جلال ورشيته بالماء ثم تلحفت به
طيب يا عاشق بصمت الظاهر انك ما تعرف تفك الخط ما سمعتك انك قريت قران ،
يا عجلك يا صندوق بردقان اركد دايم عجل غرضك من يرنك على راسك بعصاء ها المسحاة لين تضبط السبايك عندك http://vb.eqla3.com/images/smilies/119.gif
اييه منيب اقرا بس ان الامام عندنا كل عقب صلاة العصر يحدث علينا ، واذا خلص من الحديث ورحت للبيت شغلت الرادو وقعدت اسمع عبدالله خياط يقرا قران واذا خلص من القران رحت وطلعت وقعدت مع الجماعة تحت الجدار لين تغيب الشمس سوالف وسعة صدر ولعب ام تسع
اعود للبيت قبل ما تغيب الشمس وقبل الفطور لابد من كم زعقة هاه صلحتوا شوربة الجريش ، والتطلي عساكم بردتوه وعسى مهوب زغاديد ترى مالكم عذر والشربيت سنعتوه زين والا مثل ذيك المرة يا ها المخفوعة حاطتن نص سكرنا في ذاك القدر
اذن المغرب ارتشفنا كم فنجال من القهوة مع حبات تمر ( شرط تقعد يا عاشق بصمت عشر سنين ترش الميدة ما جبت مفردة ارتشفنا ) وشوي ونعدل الخشة على قدر الشربيت اللي حاطين فيه المغراف مغير اغرف واقحن ، نفطر ونتقهوى ونروح نصلي المغرب ونرجع نكمل الفصل الثاني من الفطور
يا الله عجلوا علينا بالعشاء ، وييييييييين الرادو ووجع يوجع العدو ، رح جبه من عند امك في المطبخ ، ابد ما قد جيت من المسجد ولقيت الرادو محله دايم تلقطه ها الكمخة وتاخذها معها للمطبخ
قم رح جبه وراك فاق خشتك انت وراسك ها اللي كنه بستم حراثة ( عاشق بصمت يخاطب ابنه )
يالله عجل خلني ابسمع سعد التمامي وش عنده ها السنة في رمضان ( سعيد في شهر الصوم ) ثم خلنا نسمع يوميات ام حديجان ( عبدالعزيز الهزاع )
منول تنافس بين التمامي والهزاع من اللي يكسب المستمعين اكثر
مايستفاد من الموضوع:
هذا عباره عن حياة الاجداد في الماضي في شهر رمضان
واعتذار خاص اقدمه للمشرف : عاشق بصمت بستخدامي اسمه
في الموضوع <<<اول مره يركب جمله صحيحه خخخخخخ
في حالة اذا صار لي اي اضرار ماديه او معنويه سوف تتحملها
المشرفه احساس ومشاعر لانها هي من اقترحت وضع اسمك
ياعاشق بصمت انا ماكنت ناوي اكتب اسمك بحط اسمي
خايف تزعل لاني انا دابه سلميه تباري الجدار من الله خلقني
بس احساس ومشاعر تقول ماراح تحصل صاحب عصاقيل
غير عاشق بصمتhttp://vb.eqla3.com/images/smilies/119.gif
كان معكم من موقع الحدث صندوق بردقان