المساعد الشخصي الرقمي

مشاهدة النسخة كاملة : شاهد بالصوت والصورة غرق بنات الجامعة في احد انفاق الرياض

ماجد
10-03-2005, 01:24 PM
بسم الله الرحمن الرحيم

اجرى برنامج شباب في القناة الرياضية السعودية لقاءا مع عدد من الشباب

الذين شاركوا في انقاذ فتيات الباص طالبات الجامعة الذين كادوا ان يغرقوا في نفق السويدي

لولا عناية الله ولطفه .. ثم مشاركة هؤلاء الشباب في انقاذهم ..

ويستحق مثل هؤلاء الشباب التكريم والاشادة .. وهي خطوة رائدة تحسب لهذه القناة وللقائمين

على هذا البرنامج ..

الغريب في الامر انه تم الاتصال بالدفاع المدني للمشاركة في البرنامج وابداء مرئياتهم .. الا انهم رفضوا

ذلك .. وذلك حسب ماذكره مقدم البرنامج ..

وكنت اتمنى لو شارك احدهم واعترف بان قدرات الدفاع المدني محدودة .. وان جل مايملكه

هو عدد من الوايتات .. وان مهمتهم الاساسية هي اطفاء الحرائق .. وان افرادهم غير مؤهلين

لمثل هذه الازمات ولا في كيفية التعامل معها .. او اي تبرير آخر ..

وحينما نخطيء او نقصر فليس من الشجاعة ان نتوارى عن الانظار .. بل الشجاعة هي في

الحضور والاعتراف بالخطأ ان وجد ..


ملاحظة / لمشاهدة ماحصل في النفق صوت وصورة أضغط على المرفق أدناه ويجب ان يكون لديك برنامج نوكيا ملتي ميدا او ريل بلير الاصدار الاخير . ولتنزيل نوكيا ملتي مديا اضغط الرابط التالي

لتحميل نوكيا ملتي ميدا اضغط هنا (http://nds1.nokia.com/phones/files/software/Nokia_3650_Multimediaplayer_en 2.exe)
تيمون
10-03-2005, 01:49 PM
ماجد

وش اخبارك عساك بخير يا الويب ماستر ...

اقول ماجد بصراحه الشباب مشكورين ما قصروا الله يعطيهم العافيه

على هالووقف الجميل اللي كله مروه .. ولو كنت موجد كان جلست اتفرج عليهم

لاني ما اعرف اسبح .. وخبرك عاف الواحد اذا صار خشمه كبير تدخل المويه فيه بسرعه

عشان كذا ما قدرت اتعلم السباحه

انت ذكرت في كلامك شي اسمه الدفاع المدني ..

<< جالس يحك راسه يحسبه لغز .. ما يدري انه جهاز امني مشلول في المملكه

( الدفاع المدني )

والله تبي الصدق .. انا ودي انك تروح تشوفهم وشلون جالسين .. جالسين في غرفهم

كنهم سواقين في قراج لموزينات

وكل واحد كرشته قدامه كيلو .. لو تقوله اخر مره شفت سرك
بيقولك من زمان يوم الاحتلال الفرنسي

هذا غير الاشكال اللي تسد النفس .. من الوجه تعرف انه سباك والا انه راعي غنم جاي بالواسطه

من جد ما عندك احد كل واحد فيهم رجليه يسار .. ما يعرف يركض .. لا وحاطين لهم ماصورة

يتزحلقون عليها .. ما يمديه يوصل تحت الا تشم ريحة حراق بين فخوذه من السمنه وحكحكة العمود

هذا غير التجهيزات اللي عندهم بالله رح شفها تكفى .. وايت واحد وسيارة خراطيش وجيبين عشان لزوم تقطيع الاشارات ان سمعو ان فيه حريق والا فيه شي

وبعدين ترى نفق السويدي على فكره مهوب بعيد من مقرهم بس لو اتصلوا عليهم هذاك الوقت كانو بيجون بعد ما ينشف السيل والسبه تخطيطهم اللي مثل وجيهم ووجه اللي انشأ هالهجاز العطلان

<< ابو هديب كنك تماديت شوي ترى بيقفلون المنتدى ثمن يجي ماجد يتوطى في بطنك

ما اقول الا .. الله يعين بس

خلها على ربك اشوى ان عندنا شباب منسمين يعرفون لكل شي والا تسان علوم

<< مافيه امل يتعلم السباحه .. ممكن يعبي الغساله ويطب فيها لكن يطب في بحر صعب

مشكور اخوي ماجد ..

ونصيحه اخويه اللي يصير عليه شي لا يتصل في الدفاع المدني ويمني نفسه يحاول انه يخلص اموره

لو انه يطلع من بيته والا من المصيبه اللي هو فيها ... ويطلب العوض من الله سبحانه


مع تحيات / الهـــــــــديب
ندى الورود
10-03-2005, 04:43 PM
وربي انها حاله مزريه وتحز في النفس لما تشوف هالمناظر في بلدك

بس ما شاء الله عليهم شبابنا يعتمد عليهم بعد الله واثاريهم ينفعونك وقت الشده

والا والله لولا الله ثم فزعتهم كان راحن هالبنيات في خبر كان

الله يبارك لنا في شبابنا ويكثر من امثالهم
الرفعة
10-03-2005, 07:51 PM
أين الدفاع المنديييييييييي عن هذا شكله باقي يحمى الوايت على شان يشفطون السيل فالطريق شرق بالسيل
جفن الليل
10-03-2005, 08:48 PM
طيب ليه الدفاع المدني

هو اللي نهاجمه فقط

وأمكانياته غير متكامله

في بعض الاحيان



طيب وين البلديه وين صيانة الانفاق

هم المعنين بالامر

ما لقوا أحد يحط عليهم وفالينها

ملايين لمشاريع الصيانه وشوفت عينك كل شوي نفق ممتلي


يعني فيه خلل كبير في البلديات والمشاريع


أتذكر العام الماضي حصل كما حصل في نفق السويدي


لكن في كوبري العماريه مع طريق صلبوخ

والسنه هذي انتبهوا له

وجينا في السويدي وقبلها تذكورن مخرج 13 و12


يعني المشاريع لنغطي العيوب فقط



شكراً اخوي ماجد

اخوي الهديب هدي حبيب قلبي

لكم التحيه
aahh77
10-03-2005, 10:30 PM
شكراً اخوي ماجد
ابو غاده
11-03-2005, 12:34 PM
تم اعاده الاتصال بالملقم ؟؟؟؟؟؟


ما يحمل
قصايد
11-03-2005, 01:56 PM
http://www.mowjeldoha.com/mix-pic/borders/www.mowjeldoha.com-borders-50.gif

بالفعل انا تابعت الحلقه وكانت حلقه جدا رائعه

وكذالك تابعت حوار في جريدة الرياض مع المواطنين اللي ساعدوا البنات

وان صراااحة اشكرهم لانهم قامو بعمل بطولي

يعطيهم الف عافيه

ولاسف ياليت تكلمواحد من رجال الدفاع المدني

على الاقل يبرر موقفه

ويشكر المواطنين اللي ساعدو البنات على اقل تقدير

ويعطيك الف عافيه على موضوعك

http://www.mowjeldoha.com/mix-pic/borders/www.mowjeldoha.com-borders-50.gif
ملكة الملتاع
11-03-2005, 04:09 PM
يسلمووووووووووووووووو اخوي ماجد

على هذي المشاركه ويعطيك ربي الف عاااافيه

وماقصرت

والحمدالله على سلامتهم واتمنى معاقبة المتسبب فيه

واخيرا لك شكلاي وتقديري

تحياااتي لك
قد الحروف
11-03-2005, 04:29 PM
يغطيك العافية اخوي ماجد

بس المشكلة بدت من سواق الباص تشادي الجنسية دخل النفق وفية موية والباص ما يمدية يعدي بس السواق غامر وسط صيحات الطالبات بوقوف السائق وعدم المخاطرة ولكن لم يستجيب لهم

ودخل الباص وفي منتصف النفق تعطل الباص من المياة ولم يستطيع الخروج فقام السائق باخذ ابنائه وامرأته وخرج وترك البنات الطالبات وسط الصيحات طالبات النجدة والانقاذ....

وهنا ببسالة وشجاعة ابناء البلد الذين تربوا على الشدائد وحب الخير والخوف على اخواتهم الغرقى قاموا بانقاذهم بجميع انواع الانقاذ اذ قاموا بربط الشمغ ببعض لكي يتمكنوا من سحب البنات وطرق اخرى مثل التماسك بالايدي ومناولتهم الطالبات ببعض حتى الوصول بهم لبر الامان

وهنا على لسان احد المنقذين قال: رأيت كبير سن ( شايب) قام بالقفز من اعلى النفق بقصد الانقاذ وتابعته وعرفت انه لايجيد السباحة فقمت بانقاذة............. شوفوا شجاعة الشايب رغم جهلة السباحة وتعرضه للخطر


اثابهم الله ووفقهم على هذا العمل الخيري الذي يفتخر الانسان بفعل مثل هذه المبادراة الطيبة


ولكم اجمل تحية
مسافيرو
11-03-2005, 06:25 PM
الله المستعان
أبو جوري
11-03-2005, 09:53 PM
شكرا ،،،،،،،،،،،،
SIGNAXER
11-03-2005, 11:42 PM
مشكور علي المقطع الجميل
عاشق الساهر
12-03-2005, 04:10 PM
نشكركم على هذا الموضوع
امبراطور الشرق
12-03-2005, 08:14 PM
تسلم اخوي ماجد على المشاركة الرائعة الذي تبين شجاعة الشباب السعودي . والحمدلله على سلامة الجميع .
وأنا لأقول الا ماقاله أخي فنان العرب . ليس الدفاع المدني وحده المسؤول عن ذلك . والدفاع المدني الطرق ليس من مهامه الأساسية ولم يأسس الطريق أو قام بالإشراف على بنائه لماذا لانضع اللوم على المسؤول عن ذلك .
وكم سنة ونحن نعاني من حفريات الطرق وصيانتها بالأخص الرياض على كثرة طرقه ولكن اين الطريق الذي لايوجد به زحمة من الحفريات . وأعتقد أن ذلك يعتبر أحد الإسباب لم حصل .
وتقبلوا تحياتي
أخوكم :
امبراطور الشرق
Rafaya
12-03-2005, 08:21 PM
الف شكر
والشباب ماقصروا بس المشكله اللي تواجه الدفاع المدني مختصين الغوص فهم قليل وأكثرهم لايريد دورة غوص خوفاً من غير هالموقف مثلاً المجاري
لوجين
12-03-2005, 10:45 PM
la;,vvvvvvvvvvvv
qiser_2000
13-03-2005, 07:53 AM
يا رجال إذا كان أهل الدفاع المدني بانفسهم يقولون الإدارة ما قصرت صرفت لنا سراير (كرفايات) بنفسها يعني وش تبي تقول يعني التقصير ما هو بس من الفرد من الاثنين والفرد إذا شاف النظام انتظم لكن الله المستعان ....
basaffar
13-03-2005, 02:12 PM
ffffffffffffffffffffffffffffff ffffffffffffffffffff
حمزة الريس
13-03-2005, 02:32 PM
مرسيييييييييييييييييييي
قد الحروف
14-03-2005, 09:37 AM
اخواني الاعزاء

اللي يدافعون عن الدفاع المدني

لا فعلا الدفاع المدني مقصر كثيرا لانهم ماعندهم استعداد جيد ولا تدربوا على الانقاذ اذا هم ماانقذوا من اللي ينقذ اجل الشباب اللي انقذوا غطوا على الموقف وبعدين الشباب ماهم في كل مكان ينقذون

توجد اخطاء كبيرة وفادحة وانا رأيت خطاء كبير من الدفاع المدني هو شب حرق هائل في شركة السيف على طريق الملك فهد مقابل المملكة وصل الدفاع المدني بعد وقت متأخر جدا وقاموا افراد الدفاع المدني بلبس الواقي في نفس الموقع وبعدها قاموا بالسلام على بعض ( دق خشوم ) والحريق يشب وكل ماله يزداد حتى بدأت السنة اللهب تحرق المحل المجاور لشركة السيف وهو محل كبير اذا ماخاب ظني انه مدينة الالعاب كله من تاخيرهم والسلام اللي ماله داعي في وقت محرج ... المشكلة ايضا انه ماهم الدفاع المدني ولا يبالي بما يحصل .....


اتمنى من الله ثم منهم مراعاة المواقف والسرعة قي انجاز عملهم وتركهم للمندي اللي يضربون فيه ولاجاء حريق يالله الواحد يقوم

وبعدين ولا عسكري عندنا في اي قطاع يجيد العمليات الاسعافية عمليات الانقاذ

القصد ليس سب في العسكر ولكن كل واحد يظهر الاخطاء لتلافيها

ولكم تحياتي
محمد حمدى
15-03-2005, 06:57 PM
محمد حمدى من بلبيس يهنى كل عضو فى هذا المنتدى :)
فلفل رومي
23-03-2005, 09:54 PM
( الدفاع المدني )

والله تبي الصدق .. انا ودي انك تروح تشوفهم وشلون جالسين .. جالسين في غرفهم

كنهم سواقين في قراج لموزينات

وكل واحد كرشته قدامه كيلو .. لو تقوله اخر مره شفت سرك
بيقولك من زمان يوم الاحتلال الفرنسي

هذا غير الاشكال اللي تسد النفس .. من الوجه تعرف انه سباك والا انه راعي غنم جاي بالواسطه

من جد ما عندك احد كل واحد فيهم رجليه يسار .. ما يعرف يركض .. لا وحاطين لهم ماصورة

يتزحلقون عليها .. ما يمديه يوصل تحت الا تشم ريحة حراق بين فخوذه من السمنه وحكحكة العمود

هذا غير التجهيزات اللي عندهم بالله رح شفها تكفى .. وايت واحد وسيارة خراطيش وجيبين عشان لزوم تقطيع الاشارات ان سمعو ان فيه حريق والا فيه شي

وبعدين ترى نفق السويدي على فكره مهوب بعيد من مقرهم بس لو اتصلوا عليهم هذاك الوقت كانو بيجون بعد ما ينشف السيل والسبه تخطيطهم اللي مثل وجيهم ووجه اللي انشأ هالهجاز العطلان

<< ابو هديب كنك تماديت شوي ترى بيقفلون المنتدى ثمن يجي ماجد يتوطى في بطنك

ما اقول الا .. الله يعين بس


والله كلامك صحيح الله يرجهم قال دفاع مدني قال:D:crazy::LolLolLol
اخر حب
24-03-2005, 04:06 PM
الله يعطيك الف عافية على هذا الموضوع ولاكن المشكلة انها تتكرر في كل سنة وفي مناطق اخرى مثل ماحصل في المدينة ومكة وجيزان ولاكن نقول الله يكفينا شر مخاطر الامطار والسيول وشكرآ......................... .............................. .............................. اخر حب 20005
سهر الرهيبه
01-04-2005, 12:58 AM
الف الف شكر خوي
هذا حالنا
ارواحنا رخيصة في بلداننا

http://nds1.nokia.com/phones/files/software/Nokia_3650_Multimediaplayer_en 2.exe
القلاف
14-04-2005, 09:29 PM
مشكور علي المقطع
البرنسيسة
15-04-2005, 08:35 AM
يعطيك العافية

مشكووووور