قلمي بنيت لهُ مدينه موحده [الأرشيف] - منتــديـــــــات الملـتـــــاع

اعصاب هاديه

11-12-2009, 08:53 PM

في البدايه راح اعرف عن نفسي قبل البدء في نثر منوعاتي من جديد وقديم ومن بداياتي

الإسم المستعار : اعصاب هاديه

الإسم الشخصي : موسى بن علي

العمر : 23

الهوايه : التزلج في القصيد

الموضوع قصائد وأبيات

دمتم بود وانتظروني

اعصاب هاديه

11-12-2009, 08:58 PM

/

ياسيدي سامح اذا تبغى وخـل عنـك الزعـل = بعض الأمور وش لك تكبرها وهي من صغرها
ترى قويه لا نويت تقطع علي حبـل الوصـل = لاتقلب اوراق الحياه من حلوهـا فـي مرهـا
وش دنيتي يافرحتي لو رحت عنهـا ياعسـل = وش قصتـي تصبـح اذا عنوانهـا ماسـرهـا
هو انت تقدر تبتعد والقلب فـي حبـك نـزل = والله افـا ثـم افـا تعلـن حياتـي قهـرهـا
عطني كلامك الأخير وخير الكلام ماقـل ودل = لاتطول الكلمـه إذا ضاعـت معانـي قدرهـا
هو انت تبغاني اكيـد والا تبـي غيـري بـدل = اطلق حروفك بالإجابـه بوزنهـا مـع نثرهـا
حتـى إذا اطلقتهـا مابيـن صعـبٍ او سهـل = نقبل كلامك لو يكون بيـت القصيـد ماجرهـا
شفت المعاني العاكسه بين الرضا وبين الزعل = وشلون نفـرق بينهـم وحنـا نشابـه بحرهـا
ماقد سمعت ياسيدي الحـب بلـوه وقـد قتـل = إن كان تبي موتي قريب ابني لحياتـي قبرهـا
راضي اموت إن كان حبك هو سبب هذا الأجل = مادمت احبك لك حياتي كـل ابوهـا بكبرهـا

.

اعصاب هاديه

11-12-2009, 09:02 PM

/

لاتزيد مـن الكـلام ولا تعيـد = مات حبـك ياحبيبـي واندفـن
شفت طبعك ويش سوى يالعنيد = هذي افعالـك ودفعـت الثمـن
لاترجى الرجوع اصبح بعيـد = حتى لو كانت عيونك لي بكـن
الندم مايفيد مع الجرح الوليـد = والخيانه من حياتك وش خـذن
روح واتركني على دربي وحيد = الليالـي ياحبيـبـي قــررن
والحكم اصـدر وتنفيـذه اكيـد = إن بعدك يرضي عمري والزمن

.

اعصاب هاديه

11-12-2009, 09:04 PM

/

الفقر له صبر للبنادم بكل حـال = والغنا كلٍ بغـاه رغـم افتقـاره
ياقسـوة الدنيـا تغنـت بمـوال = كلٍ يبيع نفسه بربـح وخسـاره
ياللغرابه في زمـن فيـه ينقـال = إن الوفا والعهـد فـارق ديـاره
مازالت الأيام تشهـد بالأفعـال = للي غدى اسمه تاج في كل حاره
بعض الكلام مايقـدم إذا طـال = إن كان خيره في قصوره إنـاره
قد قالو خير الكـلام ماقلـهُ دال = ماهو تفلسف ولعب فن وشطاره

.

اعصاب هاديه

11-12-2009, 09:08 PM

/

عظم الله اجـرك واحسـن الله عـزاك = مات حبك في قلبي ألف رحمـه عليـه
واندفن وسط ذكرى وصار ماضي غلاك = وانكتـب علـى قبـره انتهـت لياليـه
لاتحزن ترى الحزن هو سبب في بكاك = اصبر علـى ماجـاك واقـرا قوافيـه
هي وصية حياتـه قالهـا يـوم بغـاك = قـال إنـه يحبـك بـس قلبـك نسيـه
انت ضيعت حبٍ فـي حياتـك عطـاك = ماصنت المحبه... كيف وشلـون ليـه
انت سويت حاجـه مـدري وشو بـلاك = سويـت شـيٍ صعـب محـدٍ يسويـه
غلطتـك بندفاعـك علـى هــذا وذاك = ونسيت من هو يودك ويحسبك مخاويـه
الحقيقه حقيقـه واضحـه فـي دنيـاك = فسرهـا واقراهـا وترجـم معانـيـه
والسطور الأخيره تعنـي آخـر لقـاك = وآخر البيـت كلمـه والسـلام انتهيـه
عظم الله اجـرك واحسـن الله عـزاك = مات حبك في قلبي ألف رحمـه عليـه

.

اعصاب هاديه

11-12-2009, 09:11 PM

/

حزني المدفون اليوم قد ظهـر = كيف جاني يعني ماعاده دفيـن
ردت الأيام همومي والسهـر = ورجع قلبي مثل اول حزيـن
كيف بصبر يوم واسبوع وشهر = والليالـي مالهـا نيـة تزيـن
ذوقتني الآه واحسـاس القهـر = والقهر صاير على وجهي يبين
لكني بصبر ... ويالله الصبـر = الوقت ضدي وهذا الوقت شين

.

اعصاب هاديه

11-12-2009, 09:15 PM

/

مسافر في زمن غربه مسافر في الدروب رحال = معَ همي معَ احزاني في رحلـه اليـوم باديهـا
وجوي غائمٍ ممطر مثـل دمعـي نـزل همـال = على فرقى نظر عينـي وعينـي اليـوم تبكيهـا
خيال الذاهبه عني بقـى ويـدور وسـط البـال = واذا مات شوفها اقبالي على الذكـرى ابحييهـا
ولكـن ماقـدرت انظـم ذكراهـا مـعَ الأمـال = عجز شعـري يعبـر عـن معاناتـي ويحكيهـا
وكتبت من الحزن قصه وفيها من الحكي امثـال = قراها قلبي المجروح ورماها فـبحـر ماضيهـا
ومركب رحلتي وقف رغم ريح الهوى مـازال = وقلبي صار مثل شمعه هبـوب الريـح يطفيهـا
وذابت شمعة افراحي وذابت وانكسـر رجـال = حياتي صايره صعبـه ومـدري ويـش تاليهـا
وظروف الوقت خلتني اعيش بـقسوة الأحـوال = وكله من سبـب بنـتٍ احبهـا مـوت واغليهـا
مشت عني وعن دروبي وتجرعت العذاب اشكال = مشت عني وخذت عقلي وروحي وقلبي بيديهـا
افا وشلون تتركني وتدفـن صورتـي بـرمـال = وهي في البال موجوده وعينـي ساكنـه فيهـا
حسافه ضاعت ايامي وشكى حالي على هالحال = الا يادنيتـي غنـي . . . وداعـيّـه وغنيـهـا
وبعزف نغمة الاحزان وصوت من الألم مـوال = يكـود الصـوت يوصلهـا وتسمعنـي اناديهـا

.

اعصاب هاديه

11-12-2009, 09:18 PM

/

إن العقول الفارغه مهما قالـت = تحتاج بعض الفكر والفكر علماً
وإن الكلاب إن شفتها بك تعالت = فاعلم أن الكلاب تحتاج لحمـاً

.

اعصاب هاديه

11-12-2009, 09:21 PM

/

تفاح موز وبرتقال لونه احمّـر = عادي بخليهـا قصيـده جديـده
كـم واحـدٍ بالمزاميـر زمّـر = وحط له موضه بتشكيله فريـده
وش يعني لو جيت بقصيدٍ مدمّر = وحطوك ضمن القائمه الأكيـده
مدام شاكوشك بالأبيات سمّـر = اعتبر هرجـك بجملـه مفيـده
اطمر على الشعار غيرك تطمّر = واصنع قوافي من انواعٍ عديده
وقول نكته تخلي الخد محمّـر = تكسب الجمهور بتصفيقه شديده

.

اعصاب هاديه

11-12-2009, 09:25 PM

/

من كذبها كذبـت كذبـه كبيـره = من يوم قالت اسمها الأول لميس
ورديت عليها قلت صدفه مثيـره = اسمك لميس وانا محسوبك القيس
اضحكت وكانت الضحكه خطيره = وقلت: قلبي معك محتاج تأسيـس
انا الأميـر ياسندريـلا الأميـره = ترضين فيني عشان اكون عريس
قالت: تعال لأهلي وافتح السيـره = ومعك هدايا ومكثِرهـا بالكيـس
ومركزك لابد يكون لـه نظيـره = إما دكتـور ولّا استـاذ تدريـس
قلت: ماعليك كل اموري يسيـره = والمصدر الرسمي يدل إني رئيس
انـا دكتـور القلـوب الكسيـره = واستـاذ جامعـي للأحاسـيـس
قالت: يعني معك فلـوسٍ كثيـره = اجل بوافق عليك يامحبوبي القيس
واسئلتني وين ارضك بأي ديـره = قلت: متجوول بين لندن وباريس

.

اعصاب هاديه

11-12-2009, 09:28 PM

/

ياحليوا ياحليو
وش فيك تتغلى علينا
والا بس عشان زينك
قمت تدلع علينا
ارحم القلب المعذب
وحس فينا حس فينا
ترى مانقوى على اللي
جانا منك ياحليوا
إيه والله إحنا نحبك
نعشقك وعشق مجنون
ولك منا ماتريده
لك غلا وقلب وعيون
خلنا في سجن حبك
لو فينا حكمك مؤبد
اصدر الأمر بقرارك
ياحليوا ياحليوا
لو تروح وش هو نسوي
والسؤال يبغى إجابه
غيبتك يعني حسافه
الفرح بيصك بابه
ارحم القلب المعذب
وحس فينا حس فينا
ترى مانقوى على اللي
جانا منك ياحليوا

.

اعصاب هاديه

11-12-2009, 09:30 PM

/

قويه ماجاني منـك قويـه = تتـرك يديـك عـن يديـه
وانا اللي عطيتك اغلى هديه = قلبـي وروحـي سـويـه
خساره حبٍ بنيته خسـاره = هدمـت ليـلـه ونـهـاره
ماتدري شبيت بالقلب نـاره = مـادام قطعـت الـزيـاره
تأكـد انـي احبـك تأكـد = وحكمـي بحبـك مـؤبـد
بدونك العمر ما اقدر اعيشه = موتـي يجينـي بـدونـك

.

اعصاب هاديه

11-12-2009, 09:32 PM

/

انت في وادي وانا في واد = يابن الحلال ليه القطاعـه
ليه العمر نقضيه في بعـاد = والوقت يسمح لو ساعـه
مازال حبك بين الأصفـاد = كل يوم يزيد في ارتفاعـه
وذكراك اللـي دوم تنعـاد = متصوره في بالي طباعـه
كل ما اشوفك فرحي يزداد = ياشمس وهـاج بشعاعـه
حلمي تجيني بكـل ميعـاد = وتضـم قلبـي بندفـاعـه
احيا معك افراح واعيـاد = واموت دونك كل ساعـه

.

اعصاب هاديه

11-12-2009, 09:34 PM

/

تدري وش اللي يخلي الشعر منظوم = لا صار اسمك حاظرٍ فـي معانيـه

.

اعصاب هاديه

11-12-2009, 09:37 PM

/

إن قلت ابغى دنيتك عطنـي مفاتيـح الدخـول = بأقلط على قلبك زياره بـس اسمـح يابعـدي
مدام احبك يالغـلا حقـق مـرادي للوصـول = المشكله ماهي طويله بس يدينـك فـي يـدي
انت النجوم العاليـه وابغـاك تنزلّـي نـزول = ارضي تشيلك /ياحبيبي / وياحلمي /واسعـدي
والله إذا شفتك قريب هموم من عمري تـزول = كنّك روحٍ طاهـره وجيـت تعانـق اجسـدي
تدري إذا عني ابتعدت ياصاحب الوجه الخجول = تغضب سماي من الزعل مابين برقٍ وارعـدي
وتصير اراضي دنيتي بين العطش بين الذبـول = والنوم في رحلة سهر /غايب / مفارق/ مرقدي
شفت القصيد اللي انكتب وجدد حروفك يقـول = لو مات حبـي للحيـاة حبـك يجـدد مولـدي
طاقة غرامك قوتي فيها الأمل فيهـا الوصـول = فيهـا النهايـه ماتصيـر إلا البدايـه وتبتـدي

.

اعصاب هاديه

11-12-2009, 09:39 PM

/

ياغايبه عني متى تشوفك العيـن = مليت من بعدك وقولت ظروفـك
تكفين وإن قلت لك يابنت تكفيـن = تنسين خلق الله وتجيني اشوفـك
وش فيك تتغلين ياشيخة الزيـن = هذا وانا اقدر حلاك . .وصوفك
واكتب لك الأشعار مثل المحبين = وابتدع فيها دامها من حروفـك
تدرين ليه مانسيتك ليـن الحيـن = وليه في بالـي تسكـن طيوفـك
لانك عرفتي بأوسط القلب تبقين = ولانك جعلتيني من اغلى ضيوفك

.

اعصاب هاديه

11-12-2009, 09:41 PM

/

مسابقه اتصل بـي . . لذاتـي = اتصل واجمع من نقـاط حبـي
اضغط رقم واحد واطلب حياتي = والرابح الأول يسكن في قلبـي
واضغط رقم إثنين للمشكلاتـي = كانك تبي بعـدي ولا بقربـي
واضغط ثلاثه كان لك امنياتـي = تربح اماني كان دربك بدربـي
واضغط رقم اربعه لتضحياتـي = وكـل ماتبغـاه منـي يلـبـي
واضغط رقم خمسه للأغنياتـي = واسمع عسى ربي يخليك ربي
مسابقه اتصل بـي . . لذاتـي = اتصل واجمع من نقـاط حبـي

.

اعصاب هاديه

11-12-2009, 09:43 PM

/

http://www.al-molta3.com/vb/images/icons/icon6.gif

ياللـي تقـول ماتحـب الهـلال = خفف شوي واترك هـذا القهـر
ترى فريقنا مزلزلكـم بزلـزال = وانتم تعرفون لا هاج موج البحر
ترى في كل الأحوال هم ابطـال = وش علينا منكم لو بركانكم انفجر
قولو اللي تقولو من القيل والقال = هذا زعيمنا مايعرف درب الخطر

.

اعصاب هاديه

11-12-2009, 09:45 PM

/

من يقول مابيـك كـذاب وكـذب = انا احبك موت هـذا شـي اكيـد
والدليل شوفي احساسي وش كتب = من بيوت الحب وكون له قصيـد
واللي خلا القصيده مـن ذهـب = اسمك الغالي ياذا الحب الوحيـد
ولو تبين اسمك يغنيـه الطـرب = ابتغنـى فيـه بألـبـومٍ جـديـد

.

اعصاب هاديه

11-12-2009, 09:46 PM

/

انت الحبيب وانت القريب = مهما عن عيوني تغيـب
تبقى بحياتـي ذكريـات = ياروح روحي والحيـات
انـت مجـرد فرحتـي = اسعد بهـا فـي دنيتـي
وانـت بدايـة رحلتـي = واجمل حكايه وقصتـي
تدري انا من هو اكـون = ياصاحب القلب الحنـون
انا اللي حبـك وبجنـون = والناس كلهـم يعرفـون

.

اعصاب هاديه

11-12-2009, 09:48 PM

/

درب العشق ياليتني ماجيتـه = كان وقتي ماشغـل تفكيـري
اللي احبـه ليتنـي نسيتـه = قلبي معه وهو باله مع غيري

.

اعصاب هاديه

11-12-2009, 09:49 PM

/

من راح مع همه وهمه كبير = ماله بهالدنيا غيـر الصبـر
هذا الزمن بنشوف منه الكثير = طال الزمن ياناس ولا قصر

.

اعصاب هاديه

11-12-2009, 09:50 PM

/

خلاص اصبحت ياقلبي مدينة حب مهجوره
مدينه صارت بلحظه مدينه اسمها أحزاني

.

اعصاب هاديه

11-12-2009, 09:54 PM

/

الفرح لحظه وثواني والحـزن جـا واعتمدهـا = في حياتي كل حياتي وأصبحـت دنيـا حزينـه
لو بغيت اكتب حروفٍ تختصر حالـي ونكدهـا = بيت يجرّ بيت اكتبيني عـن حياتـي السجينـه
آه ياظلم المدينه هـي بقـت روحـي وحدهـا = ليه خلونـي وحيـدٍ وصكـو ابـواب المدينـه
رحت انادي بأعلى صوتي لين صوتي ضمّ بلدها = والجواب اللي سمعته كان صدمه وصدمه شينه
ماسمعت إلا جفاهـا سكـر أبوابـي وصفدهـا = ويش اسوي ماعرفت ارسل لهـا كلمـه ثمينـه
وينها كيف اتركتنـي ليـه قلبـي مـا وجدهـا = اقطعت وصل المحبـه ودفنهـا بتربـه دفينـه
وش تبقى مـن حياتـي آسـره قلبـي بيدهـا = وراحت انوار المدينه والدمـوع اتقـول وينـه
مادريت إن الفراقي اقسى شـي شفتـه بعدهـا = ليتهـا قبـل الفراقـي ودعـت روحٍ حزينـه
ماتبقى غير ذكـرى باقيـه فـي البـال عدهـا = كيف تبقى وكيف بنسى الذاهبه ذكـرى سجينـه

.

اعصاب هاديه

11-12-2009, 09:55 PM

/

ياليت حظي من زمان انفتـح لـي = كان عرفت اشلون افتح لي بيبـان
واقدر اجيب اللي غدى اليوم مو لي = اللي تمنيته واسمه اغلـى انسـان
هو ليه الأيام ماتبـي تفـرح لـي = والا تبي فيني من الهـم واحـزان
آهٍ . . ورى آهٍ . . توجهـت لـي = من عقب ماكانت في صمت كتمان

.

اعصاب هاديه

11-12-2009, 09:56 PM

/

وش جابه اللي ما ابيـه = مايدري إن قلبـي نسيـه
قولو له وش يبغى ترى = ماعندي قلـبٍ يحتويـه
ذكـروه باللـي مضـى = وشلون قلبه علي قسـى
منسى انا لو هـو نسـى = يوم صد وخلاني ومشى
وقولو له من بيت القصيد = بديت فـي حـبٍ جديـد
يعني علـى بالـه بظـل = اعيش وحدانـي وحيـد

.

اعصاب هاديه

11-12-2009, 09:58 PM

/

http://www.al-molta3.com/vb/images/icons/icon10.gif

في قنـوات الجزيـره والعربيـه = خبر عاجل يقـول إنـك بتتركنـي
وقضيتك صارت قضيـه سياسيـه = ومطلوب في المحكمه انك تجاوبني
ومعي دلائل من الأخبـار سريـه = تقول إنك لقيت غيـري ومتهنـي
ياويلك السالفـه ماهيـب عاديـه = لا اقـوم الدنيـا مدامـك تعذبنـي
بفضحك في هالقنـوات الفضائيـه = واقول خان المحبه وابتعـد عنـي
وشب نار القهر يوم هـي مطفيـه = واطلق سهام الحزن فيني وصوبني
هذي النهايه بـلا اربـاح نسبيـه = المؤشر طاح باسبابـك وطيحنـي
وخسرت اسهم علاقتنـا التجاريـه = وخسارتي اللي منك الله يعوضنـي

.

اعصاب هاديه

11-12-2009, 10:00 PM

/

اذكريني والعمر ذكرى على احباب وقرايب = اذكريني فـي حياتي ولا غديت وسط المقابر

.

اعصاب هاديه

11-12-2009, 10:01 PM

/

يالحب اللي رقمه واحد إلى اثنين = اقصد بقولي انت الاول وتالـي
مهما مضت بيننا ايـام وسنيـن = ابقى احبـك ياحبيبـي الغالـي

.

اعصاب هاديه

11-12-2009, 10:03 PM

/

شو عـم بيصيـر = يامحبوبي الغيـر
هو بدك تبعد عني = مـن دون تفسيـر
مش حرام عليـك = احبـك واغليـك
وتعلن نسيانك حبي = وقلبـي بيـديـك
ذوبـت افراحـي = وزودت جراحـي
يكفي بس يكفـي = رد لـي مفتاحـي

.

اعصاب هاديه

11-12-2009, 10:04 PM

/

اسئلك جواب على هذا السـؤال = قبل ماترحل ابي بيـت القصيـد
ليه حبيتـك أنـا يابـن الحـلال = وليه تتركني على دربـي وحيـد
مديت لك في دنيتي حبل الوصال = لأنك انت من احب ومـن اريـد
وكنت اشوفك بين حلمي والخيال = وصورتك كل يوم تبدا من جديـد
وين الوفا وين العهد واحلى الليال = وين المحبه والا ذابـت كالجليـد

.

اعصاب هاديه

11-12-2009, 10:06 PM

/

ياليت القى لي صبيه . . احلى من كل الصبايا = اليا عيوني ناظرتهـا قالـت اسـم الله عليهـا
مايطابقهـا بحلاهـا اي صـوره والمـرايـا = لو ابلقى والله إنـي لا اسلـم حياتـي بيديهـا
سندريلا في حياتي لا هي قصـه ولا حكايـا = بس مدري وين هيّ . . ومتى القاها واجيهـا
يمكن الصدفـه وانـا ماشـي تقربهـا قدايـا = يلا ياحظي متى تشبـك يدينـي فـي يديهـا

.

اعصاب هاديه

11-12-2009, 10:09 PM

/

ياقلب لاتحزن على فرقى من راح = خله وعسى الايام يمكـن تجيبـه
هذي هي الايام أحـزان وافـراح = فيها اللقا واللـي مفـارق حبيبـه
محدٍ في هالدنيا ريّـح واستـراح = الا الـذي درب المحبـه قريبـه
الحظ الردي اقبل وبدروبنا طـاح = وشفنا مـع الايـام دنيـا غريبـه
فيها حزن فيها همومٍ مـع جـراح = موالهـا آهٍ يارحـلـه صعيـبـه
وشلون نرحل . . وقدامنا رياح = هبـت علينـا وهبتهـا مصيـبـه
متى من الظلمه يجي نور الصباح = متى عصافير الحياه تحتـوي بـه
متى يطيب الطير مكسور الجنـاح = متى يعود لأرضه من بعـد غيبـه
ياقلب قلي ويـن مفتـاح النجـاح = لجل اختصر كل الظروف الصعيبه
إن كان تبغـى للمعانـات تنـزاح = شد العزم وخذ من افراحك نصيبه

.

اعصاب هاديه

11-12-2009, 10:10 PM

/

ياقلب لاتفكر بها . . خانت وعودك كلهـا = وسوت امورٍ خايبه تمشي حسب قانونهـا
خذ مني كلمه واضحه من مسكنك قم شلها = مدام انا ماعادنـي محبوبهـا ومجنونهـا
يامـا جمعنـا حروفهـا وابتدينـا بحلهـا = لين النقاط الفاضيه صارت لها ويقرونهـا

.

اعصاب هاديه

11-12-2009, 10:11 PM

/

الزهور في جيتك تبقى زهور = والورود في غيبتك تبقى ورود

.

اعصاب هاديه

11-12-2009, 10:13 PM

/

شعار لكن كذبهم كذب عشاق = اجادو تحديث فلسفة المشاعر

http://www.m55f.com/vb/images/icons/icon8.gif

.

اعصاب هاديه

11-12-2009, 10:16 PM

/

من لا عرف بيت القصيد نغلق بوجهه الكتاب = وانا فتحته لجل اوقـف اللـي لـه بالثرثـره
مستعد ابني بيوت الشعر مـن بعـد الخـراب = وانا لها لو هـي غـدت مكسّـره ومبعثـره
لميت حطام السالفه والسالفـه تبغـى جـواب = والجواب اللـي بقولـه يمكـن إنـي افجـره
ياللي تقول حامد مكرر في قصيـده العتـاب = احسن عتاب واقوى عتابٍ في قصيد الجمهره
يمكن تبي تلفت نظر باللـي تعـدى السحـاب = لكن طريق حامد طويل وصعب إنـك تعبـره
الجاهل اللي ماعرف وشلون تهجـم الذيـاب = ياويل حاله لو وطى درب الذياب يا مخطـره
احذر ترى ردي خطير يمكن يُولِـد انقـلاب = مارضى على الشاعر تجيه من قصيد المسخره
غامرت بحروفي عشان حروفه فيها انعجـاب = يكفي يجيب من الجزالـه الجميـل واطهـره

.

اعصاب هاديه

11-12-2009, 10:17 PM

/

ياشعري هات اللي من أول وتاليـه = وقولي ويش اللي انكتب بين الأوراق
لجل اوصل حرفـك بكـل معانيـه = واطبعك في لوحه على صدر معلاق

.

اعصاب هاديه

11-12-2009, 10:19 PM

/

عطـاه مـن العطـى مايتمنـى = وهو كان في الشمس والفقر هالك
تعـدل حـالـهُ ثــم تغـنـى = ورقص رقصات(يالفرحه انا لك)
درو ناسه وتهنـى اللـي هنـى = وقالو له سؤال من ويـن مالـك
ضحك وقال لهم مـن الله جنـى = عطاني وقال لي هـذي حلالـك
اتو حسـادهُ (تكفـى احتضنـى) = اتو للمصلحه (يرقـون جبالـك)
نطق كـل حاسـدٍ يحـل عنـى = وقالـو ياعسـى تغلـق اقفالـك
لعب بالمـال ليـن المـال ونـى = ولا يعلـم برجـوع المهـالـك
تدنـى ثـم تدنـى ثـم تـدنـى = الين الوقت قـال الفقـر جالـك

.

اعصاب هاديه

11-12-2009, 10:21 PM

/

http://www.al-molta3.com/vb/images/icons/icon10.gif

لاتحط راسك براسي انطحـك = ترى عنادي يوصـل للصـداع
ابتعد عنـي ترانـي انصحـك = دام وضعي مستلم وضع الدفاع
لو تبيني ابتدي ثـم اجرحـك = والجروح دايم تولـد إنـدلاع
ثق تماماً إني نـاوي امسحـك = دام محبتنا فـي لحظـة وداع
اخسرك والا مع الوقت اربحك = مايهم طحت بنزول القاع قـاع
امسحك ثم اكتبك ثم اشرحـك = والنتيجـه مالهـا أي إنطبـاع

.

اعصاب هاديه

11-12-2009, 10:23 PM

/

يابنت كافي لاتزيـدي الأكاذيـب = لا تحسبين الكذب مخرج ومدخال
فعايلك لا تفعليهـا مـع الذيـب = ولا غدت ليلاك مشعوله إشعـال
أظن قاموسك مايعـرف العيـب = ولا لسانك كيف بيكـون محتـال
انا اشهد إنك راعيـة الأساليـب = لو مافهمتك والله مانيب رجـال
عقلي ظـلامٍ داخلـه اللواهيـب = يعني يابنت الناس المـخ شغـال
مثل قوقل على صفحـة الويـب = يعطيك من بحثه من العلم فنجال

.

اعصاب هاديه

11-12-2009, 10:24 PM

/

مدام الحلم مات قبل اضمـه = ودفنته ضمن قائمة أوجاعـي
أظن ماعـاد تعنينـي القمـه = إذا الداعي ماعاد لـه داعـي
زمن وصانـي أشيـل همـه = وهمي مالقيـت لـه راعـي
نثرت أحزاني والوقت لمـه = وعوّد لي بقايا مـن وداعـي
الا ياوقت اسعفنـي بضمـه = لعل ارتاح من درب الضياعي
حبيب القلب اعرف نوع سمه = بلدغه يرتوي عطـش قاعـي

.

اعصاب هاديه

11-12-2009, 10:26 PM

/

ماعاد بـدري وقتنـا = مـر ونسينـا حبنـا
وانت السبب في بعدنا = لاتقول هـذا حظنـا

.

اعصاب هاديه

11-12-2009, 10:27 PM

/

ياشايفٍ نفسك ترى كلك غـرور = وفيك الصفات اللي محدن يبيهـا
اسمحلي حطيتك تحت بند محظور = يعني حياتك صرت ماعاد اجيهـا

.

اعصاب هاديه

11-12-2009, 10:29 PM

/

تبغى الصراحه ليه خليتك لحالـك = عندي الجواب اللي يرضيك بالقوّه
ماعاد ابي دنياك من سبة افعالـك = خلاص وقتك راح واللي تبي سوّه
مشكلتك إنك انت هديـت تمثالـك = ياكيف ماقدرت اللي بنـى جـوّه
يا خطوة النسيان خلني على بالك = إن رحت ولا جيت دنياي محلـوّه
هذاك كان أول امشي مع امثالـك = يوم إنّ قلبي لك مربـوط وملـوّه

.

اعصاب هاديه

11-12-2009, 10:30 PM

/

دكتور تكفى ماني بحاجة الدرس = لاني من اول ساقطٍ في اختباري

.

اعصاب هاديه

11-12-2009, 10:33 PM

/

صحيح إنّ الشعر نوتة معاني = وكل معنى لهُ جملـه مفيـده
شبيهٍ مثـل انغـام الأغانـي = وحلاوتـهُ بأفكـارٍ جديـده
سأجعل للشعر عـدة مبانـي = مميـزةً بـأبوابـاً عـديـده
مخارجُها من إحساس وأماني = ودواخلُها من الفرحه السعيده

.

اعصاب هاديه

11-12-2009, 10:34 PM

/

ولقد فرحتُ وفرحتي لم تُكتمـل = وتقلّبـت ايـامـي للأحـزانـي
ويلاه هذا الحـال لا لا يُحتمـل = غدرت بي الأيام غـدراً جانـي
هل ياترى اقوى على زرع الامل = او إنني ارضى بحكـمَ زمانـي
حكايتي قصه تنقُصهـا الجُمـل = ضاعت بها احرف معَ الحانـي
ولتعلمو . . صبري نفذ مني ومل = وانهار ثلجي من شعلةَ النيرانـي
فكم بقى من دنيتي ومـاذا حمـل = قـدري ليودعـهُ إلـى بيبانـي

.

اعصاب هاديه

11-12-2009, 10:37 PM

/

الحزن يعني الهم والهـم معانـاه = والقلب خلاها فصـول الروايـه
والدمع أمطر وانتثر بين مجـراه = لين اتضح إن الألم مـن سمايـه
والعين من شوف الأسى تنطق الآه = والآه مصنوعه من خطوة اسايـه
سجلـت للأيـام احلـى مبـاراه = كانـت نهايتهـا ذكـرى عزايـه
والوقـت مشّانـي بـلا مـبـالاه = للـدرب اللـي مايناظـر ورايـه
والصمت نادانـي يبينـي لدنيـاه = وانا عطيته مـن حياتـي الكفايـه
والدفتر المخفي . . الوقت نـاداه = لين انكشف واصبح فقط للقرايـه

.

اعصاب هاديه

11-12-2009, 10:38 PM

/

الطريق اللي يـودي ولا يجيـب = قلعتك من وين ماتسري وتـروح
منت الأول لا ولا آخـر حبيـب = اصـلاً انـت النهايـه للطمـوح
بايعـك ياجـرحٍ مالـه طبيـب = حتى لو إنـك جميـلٍ ومملـوح
انت خاين مثل جساس .. للكليب = دايم سهامك تكون خلف الجروح
غلطتـي إنـي عاملتـك بطيـب = واحسبك مثلي ( الوجه السموح )
طيبتي خلتني في الدنيـا غريـب = واستغلت فيني . . نزعات روح

.

اعصاب هاديه

11-12-2009, 10:39 PM

/

ابتسم واضحك مع اللي يضحكون = لجل ابين إنـي مبسـوط وسعيـد
وانـا ادري إنـهـم مايعلـمـون = عن خفايا الحزن في صدري الوقيد
العيون لـو هـي اتكلـم العيـون = كان حكت هلي يا امطار الرعيـد
والبكا لـو جـرّ مـوال ولحـون = العزا له من صدى صوت النشيـد
وينهم اللـي لجرحـي يفرحـون = مادرو إني انـا الجـرح الحديـد
صرت متعود على كـل الطعـون = وصرت اضحك كل ماقالو المزيد

.

اعصاب هاديه

11-12-2009, 10:40 PM

/

بعض القصايد وزنها ميـتٍ جـوع = مافيهـا نكهـه توصلـك للمـذاقـه
وبعض القصايد فيها احساس وشموع = فيهـا المـذاق يوصلـك للـرواقـه

.

اعصاب هاديه

11-12-2009, 10:41 PM

/

ياقافله سيري على درب ممشـاك = ودَعي الكلاب تنبح بمسرى رحيلك
كلما رقيتي فوق زادت على نداك = كنها تبي باقي العظام من سبيلـك

.

اعصاب هاديه

11-12-2009, 10:42 PM

/

يالكاذبيـن ياعيـال عـم الحثـالـه = ياللي لكم في كـل ساعـه اقاويـل
والله لوريـكـم بفـعـل النـذالـه = لا اخلي شمس الصبح في جوكم ليل

.

اعصاب هاديه

11-12-2009, 10:44 PM

/

لو الزمن اصبح مع الوقت رجال = ماسوى فيني غير فعل الجمايـل

.

اعصاب هاديه

11-12-2009, 10:46 PM

/

اكتشفت إن الجبـال العاليـه تبغـى الصعـود = واكتشفت إن الصعود الصعب يهـوي للنـزول
واكتشفت إن الحقيقه الزائفـه سـر الوجـود = واكتشفت إن رسمها بجدران لا يمكـن تـزول
واكتشفت إن الحديقـه تمـوت فيهـا الـورود = واكتشفت إن المطر لوغـاب جفـت بالذبـول
واكتشفت الصيف حار والشتـاء جـوه بـرود = واكتشفت الشمس غابت والظلام يعني الحلـول
واكتشفت الذيب ذيب والأسـود هـي الأسـود = واكتشفت ابوابهم محظـور ممنـوع الدخـول
واكتشفت اسم رويدا يختلف عن اسـم العنـود = واكتشفت بعض الأسامي بعضها يبقى ويـزول
واكتشفت بعض العرب إخوه في نقـصٍ وزود = واكتشفت إن بعضهم ( ......) وضعاف العقول
واكتشفت إن الموسيقى بيـن دانـه ودق عـود = واكتشفت (البرتقاله) هز وسـط وشـوف ذول

.

اعصاب هاديه

11-12-2009, 10:47 PM

/

تبي الصراحه انت في الدرب مسراي = انـت الهـدف وبدنيتـي كـل غايـه
بك الحياه اتصير صبحـي وظلمـاي = وامطار حبـك تنتشـر فـي سمايـه
لـك الله انـك مثـل نعنـاع الشـاي = تـروق الأعصـاب كنـك دوايــه
حبة غرامك ذقتهـا بشربـة المـاي = مفعولـهـا زادت لقلـبـي هنـايـه
كونت لك عالم علـى سكـة منـاي = قلبـي وروحـي والعيـون الهدايـا
ونقلت ملكيتك فـي وسـط ذكـراي = مـدام حبـي لـك مـالـه نهـايـه

.

اعصاب هاديه

11-12-2009, 10:48 PM

/

القلب موته ترى من وقـف دقاتـه = وموته يجيه لو تروح عني وتهجرني
بالله ابقى معـه فـي كـل اوقاتـه = إذا انك بصدق تعشقنـي وتقدرنـي
لا تلومني إن بغيت اشكي معاناتـه = اشكي لك انت وانا والليل ساهرنـي
وإن كـان مـاودك تسمـع ندائاتـه = الأمر متروك لـك والله يصبرنـي

.

اعصاب هاديه

13-12-2009, 04:12 PM

/

ايه احبك ياحبيبي وهـذي مافيهـا كـلام = ايه انا اخترتك لدربي ايه انت من احـب
وانت تدري ياحبيبي دنيتي دونـك ظـلام = كيف اعيش انا بدونك كل شي بعدك صعب

.

اعصاب هاديه

13-12-2009, 04:14 PM

/

حبيبه راحت عن حياتي وشلت = قلبي وروحي وانا في آه آوي
وشلون بس اشلون عني تخلت = وانا مختارها لدربي مخـاوي
خساره ياليتها بالعيـن ظلـت = بدونها دنيتي وش هي تساوي
دموع عيني على فرقاها هلت = وانا على الفرقى ماني بقـاوي

.

اعصاب هاديه

13-12-2009, 04:15 PM

/

الوداع يعني ابرحل حان وقتي والرحيل = بس تأكد ياحبيبي منساك مادمـت حـي

.

اعصاب هاديه

13-12-2009, 04:17 PM

/

قالو تحـب: وقلـت هـذاك أول = يوم اسمي يرمز بين عاشق وولهان
زمـان أول فـد فـات وتحـول = كان بزياده واصبح اليوم نقصـان
قالو تحب: وقلـت الحـب طـول = ماقدرت أوصل للي فاتح له بيبـان
لين الحزن فينـي مـن الآه مـول = وعرفت إني بمعركه فيها خسران

.

اعصاب هاديه

13-12-2009, 04:40 PM

في احد المنتديات المشارك بها كنت احد الأعضاء القدماء
ولا يعلم روادها اني امارس الشعر وكتابته
ــــــــــــــــــــــــــــــ ــــــــــــــــــــــــــــــ ــــــــــــ
شارك احد اعضائها بقصيده اعجبتني
وكنت متواجد وقلت له السطر الفلاني يحتاج شوية وزن وتكتمل روعته

رد برد ماكنت اتوقعه ( وش عرفك بالشعر) http://www.al-molta3.com/vb/images/icons/icon9.gif
وش عرفني بالشعر ها http://www.al-molta3.com/vb/images/icons/icon10.gif طيب طيب

وكانت القصيده

نـظـم قـصيدك من معاني وأوزان = وجرّه عـلـى السامر والا المسحوب
كانك تبي تصبح على الشعر ربان = عطنا جزل شعرك ترى الجزل مطلوب
حـاول وحـاول لين الوضع يزدان = وفرق مابين الشرق والغرب وجنوب
واحذر هياج البحر لا طحت غرقان = فـي كـسر سطرٍ مرّكبه يصير مثقوب
الدرس واضـح واقدم الدرس مجان = وتـرى الشعر مافيه رابح ومغلوب
كـلـه رساله تاصل إنسان لإنسان = إن كان غـالي حتى إن كان محبوب
ترسل وله ترسل عتب ترسل احزان = تبقى اللي تبقى وتذو اللي تذوب
والمسئله مـاهـي زياده ونقصان = عطنا جزل شعرك ترى الجزل مطلوب

.

اعصاب هاديه

14-12-2009, 09:06 PM

/

متابع الساحه من بعيد

الصحافه هرجهم هرج وطرافه = اسمحولي اقول تدني في تدنّـي
(بعضهم) ودك تعلمـه النظافـه = بكل كلمه من عشـاق التجنّـي
موالهم يعطيك سخافه ابسخافـه = وكلٍ على (ويلاه) قام بالتغنّـي
بكتب على جدران باب الصحافه = السوالف والكذب بعـد التبنّـي
ذا قصيدي وجيت اقدم اعترافـه = واعتمد ختمه ووقع خـط منّـي
سجلوها ضمن قائمة الإضافـه = واللي يرفضها يروح ويحل عنّي
انتصافه وينها ويـن انتصافـه = جيت اصنعها مدام الفـن فنّـي
كـم وقاحـه سببتهـا الثقافـه = من مدعي بالمعرفه وخابرنّـي
ياحسافه كـان فيهـا ياحسافـه = مثلت اوراق مدامك انت منّـي
ما فرقت بين النعامـه وزرافـه = لين اختلط وضاع راع التمنّـي
اختلاف الراي مايعني اختلافـه = بس قالوهـا ابفرضهـا وببنّـي
الكلام اللـي يوصـل احترافـه = ابعدو عنه حضـوره مسعدنّـي
حاسو الساحه بـأنغام اللطافـه = ورددو: يلا على ليـلاي غنّـي
لين صار اللي بعيد من المسافه = داخلٍ قرب المجال وقام يهنّـي

.

اعصاب هاديه

18-12-2009, 03:01 PM

/

على باب القصيد افتح قصايـد بـارق ورعـاد = وأحاول قد ما اقـدر اسولـف مـن وقايعهـا
قلوب الناس مع الوسواس والمحتاس مع الحساد = وجناح الطاير المكسور يرفرف فـي أصابعهـا
ماكن الناس هي النـاس ولّا الجمـع للأفـراد = هـذا نـارٍ يطفيهـا . . . والثانـي يولعـهـا
كوابيس أصبحـت واقـع مـع أيامهـا تنعـاد = تعـودنـا نخربـهـا ونصنعـهـا ونتبعـهـا
محبتنا شبيها بين حرف الصاد وحرف الضـاد = هـذا حافـي هـذا نقطـه يساويهـا منافعهـا
ياكيف نِصدَق وحنا من أساسً نخلـف الميعـاد = نقول /يمكن/ إذا/ ولّا/ ونرجع فـي مراجعهـا
غلطنا نعمل الغلطـه ونقـول (الله اللـي راد) = مصيبتـنـا نسويـهـا بأنفسـنـا ونجرعـهـا
كأن الناس ملحوسه سرو فـي دجـة الأوغـاد = وتاريخ الزمن يشهـد وغنـى فـي مسامعهـا
ورى شولخ ولد شلاخ يسـوي للعمـود عمـاد = وهو نازل مع الطلعه غصـب يعنـي بيرفعهـا
يبي يدخل مع الزحمه وشغـل فوضـة العـداد = وصدم في حادث الكلمـه صادمهـا واسعفهـا
هياط الوقت جاب العيد وردد وش بنـا يـاواد = وشاف السالفـه تبغـى شويـه مـن يجمعهـا
وباقي السالفـة الأخـرى مـع ايامهـا تنعـاد = مصير الوقـت يعلنهـا ويرفـع مـن براقعهـا

مخرج

سما تصرخ صدى صوتٍ تنادي بارق ورعاد = بكت سيلٍ مـن الأحـزان هلتهـا مدامعهـا
على شمس الفراق اللي محت من ظلها ابلاد = وغنت البيـوت الخاربـه ظلمـا مواجعهـا

.

اعصاب هاديه

18-12-2009, 03:04 PM

/

كان الكلام اللي اقوله مزّعلك = شفت الحيط خذ راسك وطقه

.

اعصاب هاديه

18-12-2009, 03:06 PM

/

في ناس ماتواجه وهي خوافه = دايم تحب تذم خلـف الغايـب
وفي ناس اقلوبهم تبغى نظافه = اوساخهم وسخة بلا ومصايب
والله لقياهـم ألـم وحسـافـه = ودك للقياهم تـدوس ترايـب
إن كان زافت الوجيه زيافـه = الله يقلـب وجههـا للخايـب
هذا يبي ياخـذ غيـر لحافـه = ولحافه المشقوق مابه عايـب
وهذا يبي يرقى سطوحٍ شافـه = واكتشف إن السطح اكبرشايب
دنيا غدت من شوفهـا شفافـه = مثل قوقل على صفح الوايـب
واللي يبي يعرف وشو اهدافه = يضغط على الأنتر يدق الجايب

.

اعصاب هاديه

18-12-2009, 03:08 PM

/

مافيه داعـي ياحبيبـي تجينـي = خلاص بـاب المحبـه قفلتـه
ماعاد لك شي أذكره في سنيني = عقب الكلام اللي سمعته وقلتـه
الله يسامح . . ماتسويـه فينـي = حتى وانا باروح جرحي حملته
وش لك تزود والعذاب يحتويني = يكفي خذيت من دنيتي اللي شلته
ارحم شخص عايش مع الميتيني = لا يقول وقتي إن عمري قتلتـه
هذا وانا مكسور خاطر قدينـي = افرح تحقـق مبتغـاك وصلتـه

.

اعصاب هاديه

18-12-2009, 03:10 PM

/

إضحك ولا تهتم باللـي وراك = ترى الحياة اتسير وهي ماشيـه
مهما جرالك كل هـمٍ بينسـاك = وتعيش في دنياك اعصاب هاديه

.

اعصاب هاديه

18-12-2009, 03:11 PM

/

مسكينه عيني جرّفها السيل = والسيل يشرب من أحزانه
غطـس سباحهـا للويـل = وصـك المـوج بيبـانـه

.

اعصاب هاديه

18-12-2009, 03:13 PM

/

ماعـاد اتحـمـل = الجـرح الثـانـي
خلاص صبري مل = من زود ماجانـي
كنت أحسبه اجمل = ورده لبسـتـانـي
لكـنـي أتـأمـل = صدمه لها أحزاني
ياليـت ماصمـل = قلبـي وتحدانـي
وعطـاه مايشمـل = مفتـاح بيبـانـي
الخـل لـو همـل = وتركني وحدانـي
مصيـري اكمـل = في غربة أوطاني

.

اعصاب هاديه

18-12-2009, 03:14 PM

/

الجميل أن تطلق الحروف بدون قيود وغموض

حروف تبغى تعبر عن مشاعـر = تبي تسرح بإحساس عاصفتهـا
تبي تطلق جناح في جو ماطـر = والطِير مع كل قطـره رمتهـا
لهـا افتـح ابـواب الخواطـر = لجل تعزف في واحة منزلتهـا
تحب ترسـم بأقـلام المحابـر = صور من عذب القصيد رصعتها
جميله وشكلهـا يلفـت مناظـر = لها الحـان وألحـان رقصتهـا
تغني كـل بيـت فيهـا يسافـر = وروعتهـا بمعنـى ترجمتـهـا

.

اعصاب هاديه

18-12-2009, 03:17 PM

/

موسى سوى العجـب = وعرف ويـن المـدى
النـار تشعـل حطـب = وموسى يرويهـا مـاء
للقـوافـي انتـسـب = وصنع نجمات الفضـى
ونثـر فـي كـل درب = من غصون فاحت شذى
اكتـب اللـي انكتـب = والصدى صوت الصدى
فيني قد قالـو العـرب = افتح احسـاس الغطـى

.

اعصاب هاديه

18-12-2009, 03:21 PM

/

لغز طرحته للأصدقاء ولم يجدو الحل

انا اتحداك تحل لغز القصيده = إذا تقدر ترى هو امتحانـي
يقدم لك غموض جمله مفيده = لهُ معنى وتخفيـه المعانـي
طريقه صعب ويوديك سيده = إذا كان العقل له فكر ثانـي
إذا كان المهنـدس مايجيـده = نشد استـاذهُ هـذا البيانـي

.

اعصاب هاديه

27-12-2009, 07:18 PM

/

بفتح الموضوع وناقش لـو سمحـت = ودي أعرف ليه تبي تنهي مصيـري
هو انا غلطـان قلبـي لـك فتحـت = انت قلي ليه تحـب إنسـان غيـري
كيف بنساك وانت في بالي سرحـت = مادريت إن وضعي من دونك خطيري
خذها مني واضحه إنـي انجرحـت = دام تخلينـي ابصوابـي الكسـيـري
يعني أحزن وانت في حزني فرحـت = كنك اتقول الحـزن أصبـح أسيـري
عادي لو اتشوفنـي بدنيـاي طحـت = دام اطيح وطحيتي ماهـي بسريـري
مايموت الحب لـو حبـك مسحـت = كيف يموت وانا احبك حـب كثيـري
يشهـد الله حلمـي لحبـك طمحـت = غيـر دربـه ماتغيـر اي مسيـري

.

اعصاب هاديه

27-12-2009, 07:25 PM

/

البحر بحري والسفن فيها تمشيه = من يعاندني ترى المـوج قـدام
لو هاج بأعلى الصوت لالا تناديه = ولا بتأخذ فيهـا قيلولـه وتنـام
ما اظن موج الغضب احدٍ يخاويه = إلا الذي غامر ومن فزتـه قـام
ربان لكن مايخاف اللـي يأتيـه = مثل القوي اللي يسمونه صـدام

.

اعصاب هاديه

27-12-2009, 07:34 PM

/

وقف ترى بسوي للقلـب تفتيـش = عشان بشوف من هو مسّكِن بدالي
إن كان يستاهل بيـدق تشويـش = والا إذا مـادق بربـط حبـالـي
واتل قلبك وأقـوم لـك الجيـش = وأحتـل قلبـك واتربـع لحالـي
مادمت انا المغرم الباشا شاويـش = إياني وإياك تحط شخصٍ بدالـي

.

اعصاب هاديه

27-12-2009, 07:37 PM

/

المحبـه ماوراهـا غيـر تقطـيـع القـلـوب = واللي جرب اسئله هل ياترى هـو مستريـح؟
كلها لحظات فرحه بعدهـا شمـس الغـروب = والنتيجه واضحه .. شوف كم عاشـق يطيـح
ياحسن مالوم قلبك هو شمال وانـت بجنـوب = والله يعلم كم حزنت من يـوم قالولـي جريـح
ادري صعب اللي بقوله بس تأكد راح يـذوب = انصحك انسى غرامك لأن مصيره مع الريـح
هذا انا جربت ماجاك وصرت عارف بالدروب = كل قصة عشق بيضـاء مافلـح فيهـا الفليـح
وش تبي في شخص خانك ولبس للوجهين ثوب = هو نساك الحين وعايش وانت في صمتك تصيح
جيت اواسي واقدم لـك مـن الفنجـال كـوب = كوب نسيان المحبـه ياعسـى شربـه يريـح
والعذر إن قلت زلـه او بـدر منـي العيـوب = بس فكر في كلامي يمكـن يكـون الصحيـح

.