ياليت تعلموني كيف اطبخ الكبسه [الأرشيف] - منتــديـــــــات الملـتـــــاع

قد الحروف

16-05-2005, 04:59 PM

السلام عليكم

اخواني الاعزاء

تعلمون ان الاجازه الصيفيه قربت وفي الاجازه تكثر سفريات الاهل عند الاهل يبون يصيفون السنه هذي في (تل ابيب) لمده شهرين يقولون جوها رائع

المهم ابي اعرف كيف اطبخ لانني لاعرف كيف ولاعرف حتى اولع النار ... عشان كذا اللي بيشرح لي يفهمني كيف اولع النار ...

لا لا بصراحه ابيكم تعلومني الله لايهينكم...

مع العلم انني اعرف اصلح فشار ... واضبطه على كيفكم.. حتى الاهل اذا اشتهوا فشار قمت اصلح لهم .. وبعدها اوديهم المستشفى >>> الله يستر..

ابي وصف الكبسه الدجاج

وكبسه اللحم

وكبسه التونه

وكبسه السمك

ابي اشكل عشان اعجب اخوياي العزوبيه..

ولكم شكري مقدما

ملكة الملتاع

17-05-2005, 04:14 AM

انا بعطيك طريقه كبسه الدجاج والحم وغيري يعطيك التونه وسمك بس تقريبا تكون نفس الدجاج واللحم
.............................. .............................. ..............................
تقريباً الكبسه طبعاً تختلف من ناس لناس المهم هذي طريقتي لما اسويها

كبسة الدجاج <<<<<<<<<< طريقة ملكه

اولا نقطع البصل و الطماطم صغير و الملح و اذا تبون الثوم ثم نحمر

البصل و نحط عليه البهارات و الزيت و الماجي و نكهة الثوم و غيرها من التوابل

و نضع عليه الطماطم و نصب شوية مويه شويه بس ثم نضع الدجاجه و نصب ماء

الى ثلاث ارباع القدر و نخليها لما تستوى الدجاجه ثم ناخذها و نحمرها بعدما

تبلناها بالبهارات و نكبس الرز على المرقه الى ان ينشف و يستوي
.............................. .............................. .............................. .........
طريقه ثانيه كبسة الدجاج

المقادير:
4 أكواب أرز
1/2 كوب زيت
1 كيلو دجاج، مقطع صغيرة.
2 حبة كبيرة بصل،شرائح
1 ملعقة كبيرة كمون
4 ملعقة صغيرة ملح
1/4 ملعقة صغيرة فلفل أسود
1/2 ملعقة صغيرة هيل مطحون
2 حبة كبيرة جزر،عيدان رفيعة
1/2 كوب زبيب (أو كشمش)
1/2 كوب مكسرات مقلية

الطريقة:
1) إغسلي الأرز جيداً، انقعيه في ماء مملح لمدة 30 دقيقة على الأقل.
2) ضعي الزيت والبصل قي قدر متوسط الحجم، اطبخي على نار متوسطة الى أن يصبح البصل ذهبي اللون.
3) أضيفي قطع الدجاج، اطبخي الى ان يصبح ذهبي اللون، اخرجيه من القدر وضعيه جانباً.
4) أضيفي 5 أكواب من الماء، الكمون، الملح، الفلفل والهيل، دعي الماء يغلي.
5) أضيفي الأرز والجزر،دعيه يغلي واتركيه على نار قوية لبضع دقائق الى أن يجف الماء.
6) ضعي قطع الدجاج فوق الأرز،اضيفي الزبيب.
7) غطي القدر باحكام واتركيه على نار هادئة 40-45 دقيقة الى ان ينضج تماماً ضعيه في طبق التقديم وانثري على سطحه المكسرات
.............................. .............................. ..................
كبسه السمك تقريبا مثل كبسه الدجاج

.............................. .............................. .....................

كبسه بالحم

المقادير
2 كوب أرز
1 جزرة
1 فلفل أخضر
500 جم شرائح لحم
4 ملاعق طعام سمن
بصلة صغيرة
ملح وفلفل
مرقة لحم

الطريقة
يتبل اللحم بالبصل والفلفل والملح.

يحمر الأرز بالسمن ويضاف اليه الجزرة المبشورة والفلفل الاخضر المقطع ويقلب.

تصف شرئح اللحم فى صينية ويوضع فوقها الأرز ويسقى بالمرقة ويترك ليستوي ثم يقلب وبالهناء
.............................. .............................. ..............................
وبالعااااافيه اخوي ان شاء الله مافيه مستشفى

جفن الليل

17-05-2005, 04:57 AM

تهي تهي الولد بيطبخ ~~~~> يعني أجهز الجوال على رقم 998 :)

لازم الدفاع المدني يكون جاهز للطوارئ :shiny:

ابي اشكل عشان اعجب اخوياي العزوبيه..

8

8

8

لا اسمعك تقول تعال للغداء او العشاء

ناوي يسرينا الشميسي هو وطبخه http://www.al-molta3.com/vb/images/smilies/smurf.gif

أقول أبو نوف حدكـ ( كودو ) سوبر سايز ْْْ~~~~>يا الدب

خل الطبخ عنك بتعدم عيال الناس

أنوااااع التحطيم

============================

ملكــه

ألف شكر على إنقاذ العزوبيه في الصيف

والله الكبسه سهله وانا اقول انها صعبه

بس حلوه

1) إغسلي
2) ضعي .
3) أضيفي
4) أضيفي
5) أضيفي
6) ضعي
7) غطي

صااااااااادوه ~~~~> أنواع الاحراج :shiny:

قد الحروف

17-05-2005, 01:28 PM

اختي ملكة الملتاع

يعطيك الف عافيه

على الوصف الدقيق للطبخه

واحتمال كبير اني باطبخ بالطريقه الثانيه لان الطريق الاولى فيها ثوم وانا ماحبه..

وان شا الله تذوقون طبخي قريبا

واذا اعجبكم ابشغل طباخ في مندي

مره اخرى

اشكرك من اعماق قلبي

والله يكتب اجرك

قد الحروف

17-05-2005, 01:43 PM

اخوي فنان العرب

لازم الدفاع المدني يكون جاهز للطوارئ

والاسعاف لاني بصراحه ماقوى اشيلك وانت وزنك تقريبا 98

لا اسمعك تقول تعال للغداء او العشاء
ناوي يسرينا الشميسي هو وطبخه

لا ابو سحر بالعكس راح تجرب وتشوف

بالقاك اليوم الثاني عند الباب تقول اطبخ لي تراني جايع ومشتهي طباخك

أقول أبو نوف حدكـ ( كودو ) سوبر سايز ْْْ~~~~>يا الدب

هي شكلها كذا

بس الله يستر

خل الطبخ عنك بتعدم عيال الناس

أنوااااع التحطيم

لا انا لازم اجرب وربي اتكلم من جد وابي اطبخ لاهلي وباحلف عليهم ماحد يطبخ الا انا

ولكم تحياتي

عاشــقّ الريــمّ

18-05-2005, 05:15 PM

مساء الانوار على

غالينا بونواف

سفره سعيده وممتعه يارب >>>> بتوحشنا ياقدالحروف ياكل حروفنا انت

وتروح وترجع بالسلامه عاد سير علينا اذا سافرت مب تنسانا

المهم ابي اعرف كيف اطبخ لانني لاعرف كيف ولاعرف حتى اولع النار ... عشان كذا اللي بيشرح لي يفهمني كيف اولع النار ...

عز الخوي والله بونواف ياحظهم هالربع اللي بتسافر وياهم

بصراحه يحق لك يابونواف >>> شخصيه لازم ماتعرف تطبخ

واذا تبي رايي لاتطبخ مايسير بونواف يطبخ

يكفي بونواف مسافر وياهم

تراني اعرف اطبخ من روحات البر

بقدم لك طريقتي المتواضعه جدا ولو اني ماايد بونواف يطبخ ويدخل مطبخ

بعد اذنك اختي ملكه بقدم لاخوي قدالحروف طريقه سريعه بريه

ماهب مثلكن يالبنات لازم اتي كيت وتحضيرات ومقادير :shiny:

1 /

اول شي يالغلا

تجهز البصل ودهن شوي

تحركه مع البصل لين يطبخ بحراره

2 /

تحمر الدجاج او اللحم او السمك >>> على كيف ابونا بونواف ايش حاب ياكل

المهم ياالغلا

تحمر الدجاج بالصلصاء والبزار والملح

وتجهز الطماط والفلفل الاخضر واللومي الاسود

وتكبه بالقدر وتخلطه مع البصل والدهن

وبعدها على طووووووول

تكب الماي لين يوصل الماي بالقدر فوق النص

وتخليه على مهل يطبخ

بعد مايسخن بشوي

تتفضل مشكورا سيدي وتذووق يبغا ملح زود ولا زين الملح :flex:

3 /

بعدها يجي دور الرز امممممم

تكب الرز على المرق حسب العدد وانت كلك نظر

وتخليه لما يستوي ويشرب المرق

بعدها تخفف مستوى النار شوي

وجعله مداخيل العافيه

طريقة تم تجربتها على كثير من الناس ههههههه يعني لاتخاف مضمونه

ولو اني اشوف ان بس تتعلم كيف يطبخون بدون ماتدخل المطبخ يابونواف

ودي تيقي ياعم :icon31:

مانوصيك يابونواف تونس وطرب نفسك بالسفره :icon31:

وانتوا راجعين من السفره ارحبوا صوبنا قطر

على الراس والعين

والسموووحه منك يالغالي على لقافتي

اخوك

سالم

البرنسيسة

18-05-2005, 06:42 PM

http://dlal.jeeran.com/heartrosebar.gif

ههههههههههههههههه

ماشاء الله عليك شاعر الريم

أثبتت بجدارة انك غلبت ستات البيوت

اتصدق؟؟؟؟؟؟؟

شكل البنات مابعرفو يطبخو!!!

والدليل ماجاوبت الا وحدة

بنات مرفهات كلهن

معتمدات على الشغالات

والدليل

>>>>>>>>Iam ((بعرف اشوية انجليزي))

هههههههههههههه

بدنا الطبق التاني شاعر الريم

خليه مكرونة بالبشاميل

مشكوور

~*¤ô§ô¤*~princess~*¤ô§ô¤*~

إنت وبس

18-05-2005, 06:47 PM

الحمد لله من ناحية الطبخ انا طباخ ماهر والله

ومن ناحية العطلة للاسف نحن ما نعرف شو هي العطلة في العراق

تحياتي

قد الحروف

18-05-2005, 07:48 PM

هلا وغلا

شاعر الريم

ماشا الله عليك ملم بكل شي حتى الطبخ!!

اخوي الغالي

تسلم حبيب قلبي على الوصف الدقيق للطبخه

وانا اقول ماشا الله طالع حلو بالصوره اثارك انت اللي تتطبخ وتاكل!!؟؟
ههههههههههههه

واوعدك اني راح اجرب الطبخ من وصفك..

وابي اطبخه لابو سحر

يعطيك العافيه حبيب قلبي

قد الحروف

18-05-2005, 07:54 PM

هلا والله

بالغاليه

البرنسيسه

وين وصف الطبخه بتاعتك..؟؟

نبي نجرب طباخك

لا يكون انتي من البنات اللي شاطرات بالسواليف

والا الطبخ ماعندك احد

ههههههههههههههه

البرنسيسة

18-05-2005, 10:20 PM

هلا والله

بالغاليه

البرنسيسه

وين وصف الطبخه بتاعتك..؟؟

نبي نجرب طباخك

لا يكون انتي من البنات اللي شاطرات بالسواليف

والا الطبخ ماعندك احد

ههههههههههههههه

http://dlal.jeeran.com/heartrosebar.gif

قد الحروف

أحرجتني والله

كنت داخلة الموضوع أعلمك الكبسة

لكني القيت الشباب غلبوني

قلت عيب أتعدى عليهم

هههههههههههههههههه

~*¤ô§ô¤*~princess~*¤ô§ô¤*~

جفن الليل

19-05-2005, 11:25 AM

شاعر الريم

ماشاء الله عليك

تعرف تطبخ http://www.al-molta3.com/vb/images/smilies/clap.gif

والله العظيم بيض مقلي يالله أعرف

وما أسوي بيض الا ونص المطبخ منعفس http://www.al-molta3.com/vb/images/smilies/essen.gif

وفي الاخير انسى الملح والا ينحرق البيضhttp://www.al-molta3.com/vb/images/smilies/siren.gif

يعني باختصار ما في راسي

ارجع لهرفي او كودو http://www.al-molta3.com/vb/images/smilies/icon-mos.gif

لازم اتعلم الطبخ ~~~~~> English هو

لازم اعرف اطبخ من جد أحيان تتوهق ~~~ والا لا يا ابو نوف

يسلمووو كل من أضاف ونحتري البشمل حق البرنسيسه http://www.al-molta3.com/vb/images/smilies/icon30.gif

البرنسيسة

19-05-2005, 11:51 AM

http://dlal.jeeran.com/heartrosebar.gif

ههههههههههههههههههههه

فنان العرب

أنا راح اجيبلك مكرونة بالبشاميل

خليك اتكيد العوازل

انتظرني

بس أغش الطبخة

~*¤ô§ô¤*~princess~*¤ô§ô¤*~

سعد البقمي

19-05-2005, 01:44 PM

قد الحرووووف فيه طريقة ابسط وتختصر لك الوقت في التعليم

<<<<<<< اسال مجرب

اول شي تجيب القدر

ثانيا جيب الدجاج

ثالثا تخبط بالدجاج في القدر وتكتم والديه مايتحرك

رابعا تجيب البصل والطماطم والبهارات والزيت والملح

خامسا تخلطها بطريقتك الخاصة مثل ماتجي تجي

سا دسا تحشر خلطتك هذه مع الدجاج

سابعا تصفق بغطاء القدر

ثامنا ترفع في النار لاخر شي

تاسعا بعد نصف ساعة تصفق بالرز فوق الدجاج والخلطة

عاشرا تصفق بغطاء القدر

الحادى عشر تاخذ فره وترجع وتلقى احلى كبسة

نصيحة : لاتطبخ وانت مولع المسجل ترا الدجاج مايتحمل

تلقاه يرقص بالقدر .

اخيرا دعواتك لي بالتوفيق ؟

البرنسيسة

19-05-2005, 03:09 PM

http://dlal.jeeran.com/heartrosebar.gif

هههههههههههههههههههههههههه

ماشاء الله على الشباب

غلبو البنات والله في الطبخ
:bye1: :bye1:
أحلى طريقة وصفة سعد على السريع
:icon31:
بس متل ماحكى لا تشغل نانسي أو أليسا
:flex:
شغلو الشباب فيهم من غير نار

مابدهم يشغلو دجاج على النار؟؟؟؟؟
:w00t2:
قد الحروف

ضايل نطلب أشهر شخصيات المنتدى

يوصفو طريقة عمل الكبسة

>>>>>>>بحرجهم وبجبرهم على الدخول
:blow:
ماجد

المغرور

الامبراطور

بالدور أدخلوا علمونا كيف الكبسة بتنعمل
:love:

ماجد اليوم بطردني

:icon31:

~*¤ô§ô¤*~princess~*¤ô§ô¤*~

قد الحروف

20-05-2005, 05:19 AM

اختي البرنسيسه

اولا : اسمك صعب مره ويعقدني

ثانيا : تقولين اني احرجتك

لا بالعكس مافيها شي فيه بنات مايعرفون المطبخ وينه

وانتي ماظنك منهم>>> مصلحجي

ابيك الله لايهينك تعطينا وصفه طباخك

ابي اتعلم واجرب

لاني انا وفنان العرب متفقين ان نجرب انواع الطبخات اللي توصوفونها لنا

ثالثا : نبي وصف الطبخه من عندك مانبي الغش على ماقلتي

رابعا : حاولي تجيبين الباقين اللي عديتيهم عشان يوصوفن لنا سر طبختهم

وشكرا

قد الحروف

20-05-2005, 05:25 AM

فنان العرب

حبيب قلبي

مادري متى تعتمد على نفسك وتصير مثلي >>> احسن يالذيب

مادري متى تخلي اكل المطاعم وتطبخ لنفسك؟؟

لاتجيني في الصيفيه تقولي ابو نوف اطبخ لي تراني جايع ارجوك لاتزعجني وتغثني

ارجو منك يابو سحر ان تعتمد على نفسك وتحاول ان تطبخ لنفسك

لاني ماراح ادوم لك

هههههههههههههههههه

وشكرا لك

جليس الليل

20-05-2005, 05:27 AM

الكبسة فية انسان مايعرف يسوي الكبسة

افاااااااااااااااااااااااااااا ااااااااااااااااااا

يالة خلك معي

هات البصل والزيت وحطها بالقدر

وقلب وقلب وقلب لين يروح كوسا يعني يحمر

بعدين حط البندورة

بعدين حط اللحمة

وخلها لين تصير عجينة

وبعدين حط الماي

وبهر وملح ولاتخلي شي

وبعدين هات اللي لعب فينا الرز وحطة وخلاص

وعليك بالعافية

كيف بس ماتحس انك تبي المستشفى اقصد لذيذة الطبخة

قد الحروف

20-05-2005, 05:36 AM

اخوي

سعد البقمي

ارحب يالله حيه

تفضل اقلط القهوه

اشكرك اخوي سعد على الوصفه الرائع اللي فيها شويه مشاكل ومضاربات

ماعلينا المهم انك وصفت وصف جميله

واوعدك اني راح اجربها

واطبخها لابو سحر (فنان العرب)

عشان اذا جاه شي اسعفه
ههههههههههه

يعطيك العافيه اخوي سعد

والله لايحرمنا من روعتك

قد الحروف

20-05-2005, 05:43 AM

يعطيك العافيه اخوي

teef- اربعات

على الوصفه اللي احس انها في النهايه افتح القدر يطلع لي بيض مسلوق
هههههههههههههه

تسلم يالغالي

اسهل وصفه شفتها الى الحين

شكلي بجربها في واحد حاقد عليه عشان اذا جاه شي اسلم انا
ههههههههههههههههههه

مشكور يالغالي

خيال

20-05-2005, 07:09 AM

البرنسيسة

20-05-2005, 07:55 AM

http://dlal.jeeran.com/heartrosebar.gif

أهلين قد الحروف

اولا : اسمك صعب مره ويعقدني

:busted_re
حرام عليك
فيك اتناديني عربي أميرة

ثانيا : تقولين اني احرجتك

:cloud9:
يووووه ضربت على الوتر الحساس

لا بالعكس مافيها شي فيه بنات مايعرفون المطبخ وينه

:dunno:
معك حق
خاصة أنا وخلود وحروف
هههههههههههههه

وانتي ماظنك منهم>>> مصلحجي
ابيك الله لايهينك تعطينا وصفه طباخك

:sadwalk:
شكلك بدك تتأكد من مواهبي في الطبخ

ابي اتعلم واجرب

:smoke1:
يوووووووووووووه ما القيت الا انا؟؟؟؟؟؟

لاني انا وفنان العرب متفقين ان نجرب انواع الطبخات اللي توصوفونها لنا

:msn-wink:
صدقني طالما اتفقت انت وفنان خربت الدنيا

ثالثا : نبي وصف الطبخه من عندك مانبي الغش على ماقلتي

:blush-ani
هو مش غش يعني
إشوية مساعدة بس عشان أصول الفن

رابعا : حاولي تجيبين الباقين اللي عديتيهم عشان يوصوفن لنا سر طبختهم

من اعيوني
أحلى عبارة قلتها
مش بكيفهم اسماءهم نزلت
والجمهور طالبهم

~*¤ô§ô¤*~princess~*¤ô§ô¤*~

البرنسيسة

20-05-2005, 08:08 AM

والله انك نكبه يآبرنسيسه...

<-- تورط بيروح يجيب كتآب الشغآله الطبخ بالطريقه الأندونيسية...

انا في جيب انودي بعدين حطي مويه حار في قدر بعدين سوي كت هذ1 اندومي
وحطي في مويه بعدين انتزار عشره دقيقه وطلع وياكل <-- ترى مآهو انا اللي يكتب الشغآله خخخخخخخخخخخخخخخخخخ

انشآء الله اني كفيت ووفيت <هو انت سويت شي هههههههه

تقبل تحــيآتي
المغرور

http://dlal.jeeran.com/heartrosebar.gif

هههههههههههههههههههههه

حرام عليك المغرور
:bye1:
حطمت قد الحروف كدا
:blow:
شو ذنبوا تستعين بالشغالة عشان تكتب وصفة غلط؟؟؟؟
:mad_argue
قد الحروف ما بحب اندومي
:love:
بحب كبسة
:love:
أثبتت انك فاشل في المطبخ
:mad_argue
عشان كدا

ماراح تتزوج الا لما تتعلم الطبخ

:icon31:

~*¤ô§ô¤*~princess~*¤ô§ô¤*~

البرنسيسة

20-05-2005, 08:21 AM

:icon30::harhar1:http://dlal.jeeran.com/heartrosebar.gif

قررت عشان خاطر الحروف وفنان العرب
أكتب طريقة عمل الكبسة
بطريقة سهلة ومفيدة جدااااااااااااااااااا
راح يتعلم منها كل الشباب

:icon30:

وراح يدعولي كمان

:inlove::inlove:

المقادير :

12 كجم لحم ضأن مسلوق
– 3 أكواب حساء لحم
– 2 كوب أرز بسمتي
– 1 ملعقة كبيرة صلصة طماطم
– 12 بصلة صغيرة شرائح –ملح – فلفل – كمون -2 عود قرفة – 5 حبات هيل -5 حبات قرنفل – قطعة كولنجان صغير ( إن وجد ) – 1 حبة فلفل أخضر حار سليمة – 1 ليمون سمراء جافة ( إن وجد ) و إلا فليمونة خضراء سليمة – 2 ملعقة كبيرة سمن – 1 ملعقة زيت – 12 ملعقة صغيرة كركم

الطريقة :

1- يقلى البصل حتى الحصول على اللون الذهبي الفاتح .
2- تضاف جميع البهارات إلى البصل و تقلب .
3- تضاف الصلصة و تقلب .
4- يضاف الليمون و الفلفل الأخضر .
5- تضاف المرقة ( الحساء ) إلى ما سبق .
6- عندما تغلي المرقة يضاف الأرز .
7- بعد أن يتشرب الأرز تهدأ النار و يحكم الغطاء حتى تمام النضج .
8- يرفع الأرز من على النار و يترك محكم الغطاء .
9- يحمر اللحم في السمن و يكمن تحمير المكسرات و إضافة الزبيب إليها حسب الرغبة .
10- توضع اكبسة في طبق التقديم و توضع اللحم فوقها ثم المكسرات إن وجدت . و تقدم ساخنة .

• ملحوظة :
لإعطاء لونين مختلفين للكبسة يمن إرجاء إضافة الكركم في قليل من الماء و يرش في جوانب الإناء .

~*¤ô§ô¤*~princess~*¤ô§ô¤*~

ريمة الرياض

20-05-2005, 08:40 AM

بسم الله الرحمن الرحيـــــــم

أولا. شي كيفكـــــــم جميعااااااا......

بغيت أشاركم في عمل الكبسه بس الاسف مالقيت لحم غنم جبت لكم لحم حاشي

يلاه إليكم الطريقه ..

عزيزتي واختي الزوجه والاخت ربة المنزل
اليك طريقة الكبسه السعوديه المشهوره خذيها من اهلها لذيذه جدا ومريحه لاانك تكبسين الرزعلى اللحم وخلصنا سوف يدوخ زوجك عليها جربيها وادعي لي

اولا الكبسه لا تصلح على لحم غنم لماذا؟ لان له رائحه كريهه اذا طبخ مع الرز

لذالك استخدمي فيها لحم الحاشي .. حتى لا تقولي ريمة وهقتني الحاشي فقط للكبسه.. اوكي
ملاحضه: لحم الحاشي يا خذ وقت اطول على ما ينضج من لحم الغنم

المقادير .............................. .............................. ..(المقادير لشخصين)...................

لحم حاشي طازج ومقطع قطع صغيره كا العاده في اكل الاسره
2 باديه رز ابو كاس
4 حبات طماطم حمراء
1بصل كبير وحبتين ثوم صغيره
زيت وشوية وسمنه ملعقه صغيره
ملح ملقتان كبيرتان .حسب الرغبه
عصر ربع ليمونه صفراء عشان تروح ريحة اللحم
حبه فلفل حار او اكثر
البهارات ..مهمه
شوية دارسين
شوية زنجبيل ربع ملعقه صغيره
هيل
مسمار
وكل بهار تحبينه حطيه نو بربلم

الطريقه:...................... .............................. .............................. .........

اولا نظفي اللحم كويس وخصوصا اذا كان ماخوذ من الفريزر

ضعيه با القدر لوحده فقط وبدون اي شي لا ماء والا زيت لحد ما تحسين انه ابيض اقلبيه وبعدها تخلصي من الماء اللذي خرج من اللحم
اضيفي كل المقادير واحمسيهم مع اللحم لحد ما ينحمسون كويس اضيفي الماء الساخن والكوسه واي خضره لوبيا او باذنجان كيفك

بعد ساعه او ساعه وربع

اشخلي كل البصل والطماطم واخرجي الخضار لا تخلين الا اللحم ومويته
ثم اضيفي الرز وتاكدي من طعم الملح اوكي او زيديه وضعي فلفل حار حبه وهيل حسب الرغبه بس لما يفوح مع الرز يعطي ريحه يشمها الجيران

الحشو:
ربع بصله وشوية زبيب وصنوبر وزيت ضعي عليهم ذرة كركم واحمسيهم لين يروح الصفار القوي بعدين حطي ملعقه ليمون اسود ... وحطيه فوق الرز لما ينشف من الماء

السلطه السعوديه ايضا:

طماطم
خيار
فلفلاخضر بارد
بصل
وخس او ملفوف
يقطعون جميهم تقطيع ناعم ويرشون با الملح والليمون الاصفر وزيت الزيتون

وبا الهناء والعافيه

يلاه صفقو ليه :ongue: :ongue:

البرنسيسة

20-05-2005, 09:06 AM

http://dlal.jeeran.com/heartrosebar.gif

رجعت تاني
:love:
ماهان علي ما اسوي مكرونة بالبشاميل :icon31:

>>>>>>>>>بلا رجيم بلا خربيط
:flex:
عشان خاطر فنان العرب بس
:bye1:
راح أسوي مكرونة
:bye1:
أسهل من الكبسة

مكرونة بالباشميل

المقادير:

*مكرونة
*من كأسان الي ثلاث كاسات حليب
*4 ملاعق سمن
*ملعقتان ونصف دقيق
*ربع ملعقة فلفل ،ملح
*جبن كرافت مبشور
*شرائح خفيفة من الطماطم
*لحم مفروم،بصلة،نصف ملعقة فلفل اسود،ملعقة صلصة

الطـريقــة :

1-اسلقي المكرونة واغسليها بالماء حتي تتخلص من النشاء
2-ضعي اللحم في المقلاة مع البصل المفروم والملخ والفلفل الأسود وارفعية علي النار وقلبي حتي يشرب اللحم الماء الذي نزل منة
3-اضيفي ملعقة صلصة الي الحم وقلبيه جيدا ثم اطفي النار
4-اقدحي السمن وضعي علية الدقيق وقلبي لمدة دقيقة ثم اضيفي الحليب الدافي وقلبي حتي يغلظ قوامة يعني تكون سماكتة وسط
5-ادهني قاع الصينية بزيت وضعي علية قليلا من الباشمل ثم ضعي علية المكرونة ثم ضعي بعد ذلك اللحم المفروم ووزعية بالتساوي
6- ضعي الباشمل علي الوجة وضعي الجبن المشور وصفي شرائح الطماطم فوقهم ثم ادخليها فر ن متوسط الحرارة

>>>>>>صرت ست بيت ممتازة
:shiny: :shiny: :shiny:

~*¤ô§ô¤*~princess~*¤ô§ô¤*~

ماجد

20-05-2005, 08:24 PM

هلا قد الحروف

انت متورط واحنا عندك افاااا بس افاااا
خذ الكبسه الي على كيف كيفك والي راح ترفع راسك فيها قدام العزبة حشاء خيل مو كبسه المهم اليك الطريقه الماجدية في الكبسه البلدية :

بما انك من سكان العزب يعني تذكرني بشبابي اليك الطريقة ..

1- احضر حبه دجاج دو تاريخها قرب ينتهي وهذا هو النوع المتوفر في البقلات الصغيرة الي بالحواري .

2- قم بتقطيع الدجاجه بسكين البصل المتوفر لديك لنه مافيه غيره بالعزبه ( انا عارف انه رح تتمزع الدجاجه بس النار ستغطي الفضايح )

3- احضر القدر المعفط والموشح بالسواد من جميع النواحي وضعه على النار وضع فيه الزيت وضع عليه البصل المقطع .

4- دع البصل يحمر قليلا ثم ضع عليه الدجاج المقطع الى ارباع وعاد لا تخلي شي بالمطبخ عندك الا وحط منه شوي حط ثوم وحط ملح وحط بهارت وحط صلصله وحط قطع صغيرة من الخظار حسب الرغبه .

5 - يغطى الدجاج في القدر المعفط والموشح بالسواد لنه ماعمره شاف الفيري ويترك لمده نص ساعه وفي هذه الاثنا تروح للخشيه حق الرز الي محطوطه فوق اسطوانة الغاز المصدية لنه انا عارف انه مافيه دولاب في المطبخ .. تاخذ منها رز حسب الحاجه والرز الي يطيح من الكيس بالارض خله محله لحد ما يجي الهندي الي ينظف الشقه وهو يتصرف في الموضوع . ضع الارز في اناء ثم ضع عليه الماء الفاتر لمدة عشر دقايق .

6- يرفع الغطاء عن الدجاج بعد نص ساعه زي ما قلنا مو تجيني جوعان وتفتح الغطاء قبلالنص ساعه وباقي خمس دقايق يعني لا تستغفلنا ترا شايفينك مركبين كاشف نص ساعه يعني نص ساعه . قم باضافة الرز للدجاج بعد تصفيته من الماء المنقوع به سابقا ثم حرك الازر مع مرقة الدجاج قليلا بحيث تكون النار مرتفعه نسبيا لمدة خمس دقائق بعد ذلك تخفف النار الى اقل درجه طبعا مع احكام وضع الغطاء على القدر حتى ينشف المرق وينضج الارز .

ملاحظه هامه جدا تفيدك انت والعزوبيه الاخرين وهي :
بعد وضع الرز على الحم او الدجاج يقلب في اول الامر بس يعني اول ما تحط الرز قلبه لحد ما يتوزع في القدر بعد كذا خله لا تجيه قصر النار عليه وخله يستوي براحته تمد يدك اكسرها لك فهمت حبيبي في ذمتك ناس تبي تاكل الموضوع مو لعبه .

بالهنا والعافيه وسفرة عامره باذن الله رغم اني عارف ان السفرة مكونه من الاتي :

صحن الكبسه

شطه كرستال بدون غطاء ( لنه الغطاء انطش مع السفرة حق غداء امس )

ببسي على عدد الاشخاص الموجودين ..

بعدين نصيحة لوجه الله ياقد الحروف لا ترد على البنات الي عطوك وصفات ترا ما عندهم ما عند جدتي والدليل انه حراميه التالي :

ملكه تقولك اغسلي نظفي ( يعني الوصفه ملطوشه )

البرنسيسه تقول لك ( 12 كيلو لحم ) حشاء مو كبسه مسوي سبيل هذا

ودمتم بود وسعادة

ماااجد

البرنسيسة

20-05-2005, 09:00 PM

http://dlal.jeeran.com/heartrosebar.gif

قد الحروف

وفيت بكلامي
:rolleyes:
جبتلك اثنين من أكبر رؤوس المنتدى
:icon31:
ضايل واحد مختفي مدري ليش؟؟؟
:mad_argue
بس ولا يهمك أنا البرنسيسة
:flex:

مـــاجد

فوق ما إني غششتك الكبسة تفضحني
:flex: :flex:
ليش؟؟؟؟؟؟؟
:mad_argue

ملكه تقولك اغسلي نظفي ( يعني الوصفه ملطوشه )

البرنسيسه تقول لك ( 12 كيلو لحم ) حشاء مو كبسه مسوي سبيل هذا

ماجد هي غلطة مطبعية مو ذنبي

:flex:
هههههههههههههههههههههههههههه

~*¤ô§ô¤*~princess~*¤ô§ô¤*~

امبراطور الشرق

21-05-2005, 12:56 AM

أنا بالنسبة لي مادل المطبخ وينه .
كنت عزوبي بالصيفيه ورحت بسوي شاي وفطور وش تتوقعون حطيت مع الشاي
حطيت ملح بدل السكر >>>>>>>>>>>>>>>>> وش تترجون منه .
وتبون أوصف لكم على طبخ الكبسه أبشروا ماطلبتوا شي . بس تحملوا اللي يجيكم .

خيال

21-05-2005, 04:25 PM

طيب طيب انا فآشل يآ الدبه ...

وخرو بطلع برآعتي لكن قبل مآ اطلع لكم برآعتي في المطبخ بقول لكم سآلفه صآرت
معآي...

في يوم من الأيآم وفي احد الليآلي المقمره<-دورو لها معنى ..

المهم تلقفت وقلت علي عشآكم اليوم وانا اللي بيسوي الكبسه وقلت مآبي احد يسآعدني...
واجيب لك هذاك الطمآم والبصل واجلس اقطع فيهم وعيوني تدمع ومتحمس واجيب هذاك
الدجآج واقطعه بسكين الله لا يوريكم مآ تقطع ورق المهم بعد كل هالتعب حمست لكم البصل وحطيت عليه الطمآط وجبت لك الدجآج واعطه عليهم بس المشكله اني لقيت علبة ملح(ساسا)...
وحطيت الملح وعارف الوزنيه يعني مآ يحتآج اتذوق المهم سكرت الغطى حق القدر ورحت اجلس شوي مع الشبآب رجعت تصوروا وش لقيت...؟

القدر صآر كله رغوه استغربت قلت وش طآبخ انا شوي اسأل الشبآب وش سآلفة الملح قآلوا لي هذ1 صآبون مآهو ملح بس حآطينه في علبة الملح...

ومر هذاك اليوم بدون عشآء ورحت اجيب لهم من المطعم خخخخخخخخخخخخخخخخخخخ
لكن والله يوم مآ انسآه صآبون تآيد محل الملح خخخخخخخخخخخخخخخخخخخخخخخ

اعتقد انه يكفي مآ يحتآج اقول لكم طريقة الكبسه اخآف اجيب فيكم العيد :p

الله يعطيك العآفيه اخوي قد الحروف على الموضوع وايضاً اشكر كل من سآهم واخبرنآ
طريقة عمل الكبسه<-- طبعاً كل وآحد وطريقته

تقلبوا تحــيآتي
المغرور

قد الحروف

21-05-2005, 04:40 PM

حبيب قلبي

المغرور >>> على ايش

عيوني

اشكرك على المرور اللي نور الطرح

وبعدين ياخوي

انا ماداني ريحه الاندومي>>> اللهم لك الحمد

وانت تبي تروح تجيب كتاب الشغاله

شوف كتاب الشغاله اذا فيه وصفة الكبسه

الله لايهينك اسرقها

اشكرك

قد الحروف

21-05-2005, 04:46 PM

زهرة النسرين

بالعكس اذا اتفقنا انا وفنان العرب

نسوي الهوايل

وبامكاننا نسوي بوفيه مفتوح بعد

ماهي صعبه علينا

واحسن مافينا اننا ذواقين في الاكل

ودليل ذلك:

اننا نقدر نصلح بيض مقلي بالجبن

وبيض مع الخيار

واحيانا نصلح بيض بالبرتقال

وهناك الكثير من الاكلات اللي اخترعناها انا وابو سحر

قد الحروف

21-05-2005, 04:54 PM

هلا وغلا

باختي الغاليه

ريمه الرياض

الله يعطيك العافيه

على الشرح الوافي>>> وربي مدمن حاشي

مادري وشلون اشكرك واشكر اللي الف الكتاب اللي نقشتيه منه
هههههههههههههههههههههه

اشكرك اختي على مرورك واضافه كبسه جديده

ووصفك الرائع

ولك تحياتي

قد الحروف

21-05-2005, 05:10 PM

وخروا لايدعسكم

هلا والله وغلا

حيا الله اللي لفاني منطلق

وهو يمتطي سيكله

وبيده سكين فواكه

حيا الله اللي لفاني يبي يفزع لي

لن انسى لك هذا الجميل

وسوف افزع لك بأذن الله في زواجك واطبخ للمعازيم

الغالي

مــــــــاجـــــد

اشكرك على الوصف المضحك وفعلا انت وصفت حال العزوبيه

بس انا بتعزب بالصيف يعني ساكن مع اهلي الحين

الله يعين الوالده بترجع وتنزل السوق تقضى لها مواعين

بس انت ياخوي نسيت حاجه مهم في حياة العزبيه

وهي انهم يفرشون السفره وتحتها

بياله شاهي

وقراطيس حقت الغدا

ونص المخده جوا والباقي على جنب

شريط فيديو مفلول

يد بلايستيشن

سلك المكوى والتلفزيون

وبعدين تلقى الشباب جالسين كلهم بجهه وحده!!

لان الجهه الثانيه تحتها كابين بيبسي

واذا قام اول واحد يقول للباقين (اخر واحد يشيل) يلاقيهم يقومون كلهم ويخلون الاكل

تسلم يمينك ياراعي الفزعه

ولك تحياتي