][جيت المكان اللي بوسطه تربيت/بيت قديم مأسسينه من الطين][

[بياع الورود]

:
:


][جيت المكان اللي بوسطه تربيت
بيت قديم مأسسينه من الطين][










جيت المكان اللي بوسطـه تربيـت

بيت قديـم مأسسينـه مـن الطيـن

بأطراف ذاك البيت بالفكر سجيـت

ذكرت وقت ماضي لي من سنيـن

قمت أنثر العبرة من الدمع هليـت

ضيقة بصدري رافقت دمعة العيـن

تبقى بك الذكرى ولو رحت واقفيت

ابكي على الاطلال لو ما بقى شين

باقي بك أشياء ذكرتنـي وحنيـت

الزير وفراشي وبعض المواعيـن

واذكر سراج كان يضوي لنا البيت

على سنـا ضـوه نلـف المياديـن

ياكم ليلـة عشـت فيـك وتهنيـت

ياكم مضى لي بك من العسر واللين

يا بيت ياللي في خفوقـي تعليـت

اليـوم باركانـك تنـام الثعابـيـن

ليتني أعيد اللي مضى واسكنك ليت

لولا الظروف وقسوة الوقت هالحين


ما أنساك مهما غير اليـوم سويـت

مهما ملكت من الفلـل والملاييـن










http://www.youtube.com/watch?v=8T_k9txzNEk

[شقـــى]

صح لسانك ولسان شاعرها....
ياليتها تعووود البساطه...
تقبل مروري...

[سمو الامير]

رائع كم هو جميل القديم ....

صح لسان الشاعر وناقلها ...

عساك على القوة ... وتسلم لنا .,’

[ام نواااف]

صح لسان الشاعر

وسلمت يمناك

[أسير الورد]

يالها من روعة في الزمن الماضي وبساطته
والحياة السعيدة الحلوة ما أجمل الماضي
وما أجمل العيش فيه

أبيات أستلهم معها عبير الماضي وروعته
حين أصبحت الآن ذكريات قديمة نحن إليها
في وقت وحين


عزيزي بياع الورد

صح لسان شاعرها الذي كتبها
وتسلم أيادي الذي نقلها لنا
ودادي واحترامي لشخصك الكريم
ودمت بخير وعافية