أكثر من ستين قصيدة رثاء في الامير طلال الرشيد ( رحمه الله )

[هواي الملتاع]

السلام عليكم ورحمة الله وبركاته

الامير طلال الرشيد ( رحمه الله ) مهما كتبنا فيه من شعر وقصائد ومهما قلنا
فلن نوفيه حقه ابداً , فهو شخصٌ حمل جميع معاني الحب والتقدير والاحترام
شخصٌ لا اعتقد ان هناك من ولدت مثله النساء , فرحمه الله رحمه واسعة
واسكنه فسيح جناته , ولذلك خطرت لي فكرة ان اقوم بجمع اكبر عدد ممكن
مما قيل في الامير طلال الرشيد من قصائد رثاء واقوم بطرحها هنا في موضوع
واحد , لكي يسهل على الجميع قراءتها والاستمتاع بما قيل فيه .

في البداية سأقوم بكتابة القليل عن حياة ابو نواف وسيرته الشخصية ... الخ .

سيرته :

في عام 1382 هجرية 1962 ميلادية ولد طلال في أم الربيع في مدينة الحدباء الموصل إحدى المدن العراقية حيث كان والده يقيم هناك نشأ يتيما توفي والدة وهو في سنواته الأولى من عمرة ثم عادت عائلته إلى المملكة العربية السعودية لتقيم في جدة وفي مدينة جدة بدأ دراسته في مدرسة (ابي بكر الصديق) بحي الرويس مع أخويه زامل وعبدالعزيز وكان رحمة الله متفوقا دراسيا وأنهى المرحلة الثانوية في جدة ثم انتقلت عائلته إلى الرياض فأكمل دراسته بكلية العلوم الإدارية وبعد تخرجة من الجامعة واصل دراسته في الولايات المتحدة الأمريكية , وفي عام 1987 م تزوج ام نواف بنت الشيخ النعيمي ورزق منها بولدين وهما نواف وعبدالعزيز.

في بداية التسعينات أسس الأمسية الأسبوعية في بيته والتي كان يرتادها أبرز الشعراء الموجودين في الساحة الشعرية وفي عام 1994 م أسس حلمة الجميل مجلة فواصل وفي عام 2003 أسس مع سمو الأمير سلطان بن محمد بن سعود مجلة البواسل التي تعني بالتراث عامه والإبل والخيل والطيور والصيد بشكل خاص كما أسس مع الدكتور طارق السويدان مجلة إبداع كما كانت له الكثير من الطموحات الإعلامية فقد فكر في إصدار جريدة رياضيه وقناة تلفزيونية تهتم بالشعر والثراث.

أبنائه :

1.نواف بن طلال الرشيد
2.عبد العزيز بن طلال الرشيد

أمسيـاتة الشعرية :

أحيا العديد من الأمسيات الشعرية منها
1.أمسية الجنادرية
2.أمسية الكويت
3.أمسية دبي
4.أمسية البحرين الأولى
5.أمسية البحرين الثانية
6.أمسية حائل أمسية الطائف
7.أمسية الشارقة
وكتب أوبريت دورة الخليج
كما دعي إلى الكثير من المهرجانات والتظاهرات الثقافية العربية كمهرجان جرش وأمسية قطر.

وفاته :

انتقل إلى رحمة الله تعالى الامير الشاعر طلال العبدالعزيز الرشيد إثر طلق ناري في الجزائر أثناء رحلة صيد كان يقوم بها مع مجموعة من رفاقه وبصحبته ابنه نواف وأصيب في الحادث اثنان من رفاقه بطلق ناري أحدهما إصابته في منطقة الكتف، وذكر سائق السيارة التي كانت تقلهم بعد الإصابة أن الملتاع نطق بالشهادة على كتفه بعدما نهض ثم سقط مرة أخرى وكان ذلك في جبل أبو كحيل الموافق 28 نوفمبر 2003 .



يتبع

[هواي الملتاع]

المرثيات التي كتبت في الامير طلال الرشيد ( رحمه الله ) .




وليد العمودي





جاني خبر موت الشعر بالجزاير=مات الامير اللي له الطيب مرهون

هز الخبر قلبي قصور وعماير=وشلون مات شلون يا ناس وشلون

اكبر خساره فوق كل الخساير=للشعر وجموع العرب والذي دون

شاعر ملك قلوب كل العشاير=بأخلاقه اللي فوق مهما يقولون

راع الايادي البيظ حدد مصاير=عوايلٍ اعطى لها الحق ماعون

اطفى_لهيب الظلم عقب الساعير=واظفى على الساحه كتابات وفنون

يالله يلي بأمرك الكون داير=من رحمتك يا رب مال البشر عون

ارحمه يالله يوم تبلى السراير=والناس قدامك بلا ثوب وردون

وادخله جنه فيها عذب الغداير=رحماك يارحمان يا مسخر الكون



نوارة شمر





بالله ابــدي يـامـن اصـدقـنـا الـوعـايـد=يـاكـريـمٍ وان عـطــى مـابــه ردايــــد
ياغـفـورٍ لــك كـفــوف الـخـلـق كـلّــه=ترتـجـي عـفـوك وتطـلـبـك الـرّشـايـد
احـمـنـا عـــن كـــل غـــدّارٍ وخــايــن=عـبـدك بـمـا فـيـه يـرجـيـك الـوعـايـد
يـاالـهـي مـــن عـلـيــه الظـلـم جـانـي=فــي حـمــاك بـقـبـره اللـبـنـه وسـايــد
عـزوتـي تـاجـي بـغــدرٍ راح عـمــره=راح صـيّـادٍ وجـــاه الـمــوت صـايــد
العـقـيـد الضـيـغـمـي ولــــد الـجـنـايـز=الـعـديـم الصـيـرمـي زيــــن الـعـوايــد
الـكـريـم الـجــزل وان مـــدّت يمـيـنـه=مــايــمـــدّ الا سـمــيــنــاتٍ شــــدايــــد
انـبـذر جـرحـه وســلّ الـحـال مـوتــه=والبسن ثـوب الحـزن وارهـى اللهايـد
حسـبـه الله مــن ذبــح شـيـخ الطـنـايـا=يالله انـــك تـجـعـل احــزانــه عــدايــد
لعـن ابــو حـيّـه ومــن لــه مــن دنـيّـه=ايــتــم لـشـمّــر صـدوقـيــن الــردايـــد
الــكــرم يـبـكـيـه واســلــوم الـنـشـامــا=والـجـبـل والـقــاع واشـيــوخ وبـدايــد
وقصـر ابــوه وجــده بحـايـل ينـوحـه=والسمـر واخشـوم اجــا جـتـه النكـايـد
كلـهـا تنـعـي طــلال الـحــر الاشـقــر=وتطـلـب الغـفـران مــن راع الـمـدايـد
مــن يعوّضـنـا بنـجـمٍ طـــاح هـــاوي=مـاوقــع ماينـهـضـه رفــــع وسـنـايــد
ولـــو يـفـيـد الـدمــع والـعـالـم بـســرّه=لاقضـي ايـامـي ودمــع العـيـن جـايـد
ولـو يعـوّض سقـت روحـي فـدوةٍ لـه=ومـن لـي مـن الحييـن سقناهـم وكايـد
لــكــن الاقـــــدار مـاعـنـهــا تـخــفّــي=مـاكـتــب يـنـفــذ ولا عــنّــه مـحــايــد
العـزا عـبـد العـزيـز العـضـد الايـمـن=ضـيـغــمــيٍ مــاتــعــرّض لـلـنـقــايــد
والــعــزا عـقـبــه بشـبـلـيـنٍ كــواســر=حـدّرو مـن صـلـب عــواق الضـدايـد
من طـلال الصيرمـي عـذب السجايـا=الـعـقـيـد الــجــزل حــــلال الـعـقـايــد
الفـريـد الـلـي ولــو طـاوعــت قـافــي=كــان قلـنـا بــه عظـيـمـات القـصـايـد
يـالـهـي والـرجــى بـــك نلـتـجـي لـــه=ارحـــم الـلــي راح مــاعــاده بـعـايــد



نوف الفهد





صدق لاقالوا إن الرجــال أفعال = وأشهــد إن ابن الرشيــد أمثلهــم

اللي يمينه مثل البـارق الهمــال = يمـين الســيل حتى اليتامى كافلهــم

اللي فوق حمــله شال أحمــال = يحب النـاس وهمــه دوم يسعــدهم

عزيز النفس شامخ شموخ جبــال = شيوخ أهل حايل والــطيب منبعهــم

وفي يوم غـدروا فيــه أنــذال = ناسٍ ماتخــاف الله والـدين ناقصهــم

وصار الفشــق مثل المطر ينهـال = من كل صــوب العــدو يصوبهــم

طلال انولد رجـال ومات رجـال = حتـى في موتــته مــات سيــدهم

المــوت سنـة الله وللــه المآل = وعساك في جنــة الـفردوس أولهــم



سعيد العمودي





مل قلب غدى بين الحنايا يلوج =والله اني ماالومه لويزيد النحيب
صرت من لوجته انوح مثل الخلوج =يوم قفى حواره يسحبونه صويب
جاني العلم ماصدقت كثر الهروج =قلت يمكن اشاعه من ردي النصيب
شلني ماسمعته والقدم ماتدوج= في مكاني ودمعي فوق خدي صبيب
اشهدان المنايا شيدتله بروج= في سمانا وصرنا للمراثي نجيب
التطم بالضماير كل ساحل وموج =كيف جرح الطنايا عقب موته يطيب
مات راع الطويله مستفيض النتوج =مستميل الهمم راع القلم والاديب
راح واقفت ركابه يوم حان الخروج =مات شيخ الطنايا والمنايا تصيب
وهلت دموع حائل بالمحاجر تروج =صار ينعي فراقه الخوي والغريب
وخيم الحزن كله والتصاريف عوج= جعل ربي يعوضه بالجنان الرطيب
والمشاعر عظيمه والمثايل تهوج =والقدر بامر ربه لاامربه يصيب



د . شائم الهمزاني





قلبي على الملتاع بالحيل مليوع= عقب الفرح بالعيد بقعاء تلوعه

من كثر ما هو بالخبر صار مفجوع=رابع ليال العيديطفي شموعه

قالوا طلال أقفى مسافر بلا رجوع= في دربْ من لا ينترجاء رجوعه

حسيت كن القلب يرجف بلا ضلوع = أو إنها بدت تفتَّح ضلوعه

بالغدر أشوفه معنى الإنسان مصروع= من غير ما يوجد بمعناه نوعه

ملعون يا الغدار بالرعب والروع= الله يقْطع كل نفسٍ قطوعـه

واللي على الفقيد ذقنـاه قرطـوع= عسى بلا باطي تجرَّعْ جروعـه

لكنها الأقدار و حـنا لها خضوع= بأيامها مهما تجينا فجوعـــه

لو إنها الأيام تأتي على الطـوع= ما نفقد اللي نادراتٍ طبوعـه

للجود بالمرحوم والمرجلة بوع=ما غير أبو نواف واحدْ يبُوْعـه

فيه التواضع بالوفاء طبعْ مطبـوع=وفيه التصرف بالمهمات روعـه

بالعرف والمعروف مثْني ومرْبوع =والخير والإحسان مدْهل ربوعه

من مثله إنسانٍ مبَجَّلْ ومتْبوع = في غير رضى الله نفسه قنوعـه

يبقى ؛ لنا تاجٍ على الرأس مرفوع= و الشعر في ذكراه يأتي بطوعـه

ولنا الخلف بأشبال طلال مشروع=نواف وأخوانه وكامل فروعه

وعساه في طيبا على أنهار وزْرُوع=بأثمارها الأشجار تأتي خضوعه

و الحور من حوله مراييع ورْتوع=في رحمتك يارب تلفي نْجوعـه



فهد النايف





ياعيد ماشافت لياليك الافراح=يومك لفيت بموجعات الجراحي
ياعيد وش علمك تجينا بالاتراح=والله حطك بهجةً وانشراحي
نجزع على فرقا عزيزٍ اليا راح=وتغادر البسمه جميع النواحي
وحنا ولو طرنا عن الموت بجناح=مايخطي المخلاب عظم الجناحي
قالوا طلال بظاهر الغيب سباح=غادر عن الدنيا بغدر السلاحي
معذور من يرفع لك الصوت بصياح=تحمل صدى صوته هبوب الرياحي
اجا وسلمى والنفايد والابراح=تبكيك يادمعة كريم المشاحي
عين ٍرمت بك يافتى الجود للماح=تاخذ جزاها من دهايا المواحي
ماجور يانواف في فاضلٍ راح= ويجبر عزى حيٍ خنقه الصياحي
يالضيغمي نبكيك مع كل نواح= ونجعل لك الدمع المحرم مباحي



زايد الرويس





الشاعر الشهم الشجاع الفارس ال .. ال .. ما تفي =قدره لأنه فوق مقدار الكتابه والحروف

ماهوب طيّب بس من طيبة خصاله مكتفي =من زود جوده مدّ روحه فالجزاير للحتوف

يا بنت ماهي لحية الدمعات قومي غطرفي =الحاتمي جوه الضيوف وساق روحه للضيوف

كنّي بابو نواف يوم انه لقاهم يحتفي =يا مرحبا يا مرحبا لو هي على طعن السيوف

الشمري عيبٍ عليه يشوف خصم ويختفي =له وقفةٍ لامن وقفها بان من بين الصفوف

لامن وقف يعرف الى من قال هذا موقفي =عمر الشجاعه ما تجي في قلب رجلٍ فيه خوف

يا سيرة التاريخ لامنك ذكرتيه انصفي =رجلٍ رجح عن كفة المليون شامخ ومعروف

طلال بن عبدالعزيز بن رشيد ولا تفي =ثمانيه وعشرين حرف ولو يزيدّن الحروف



متفاءل



العزاء ما يفيدنا في فقدكم = الطنايا مصابهـا بأمـرك شديـد

يالطنايا عظم الله اجركم =با لأميـر الضيغمـي ابـن رشيـد

اشهد انه راح شبل بينكم =كان لـه هيبـه وشوفاتـه بعيـد

راح أمير كان همه عزكم = راح مفراص العداء صلب الحديـد

راح من يزعل ويرضي لأجلكم = راح منكم راعى الراي السديد

يالجزاير جعل يمحل بركم =جعل سود السحب عن ارضه تحيد

دام ما يأمن بوسطه ضيفكم=يغدر القاصر بها باللـي يريـد

وش جاكم منه وشوا ضركم =غير غيث يوم عن يـوم يزيـد

يالطنايا عظم الله اجركم =والعـذر مهمـا كتبنـا مـا يفيـد



راعي الشر4





يالله يا رحمن ارحم حالي وحاله=يا غفار اغفر زلة عبدك طلال
يالله انت خالقه وانت ادرى بحاله=يالله كل عثرةٍ بدربه برحمتك تزال
ليا جا طاري الطيب بعيني يا كثر ازواله=تكل ياربي ماخلقت غيره لطيب رجال
يالله انا عبدك وطالبك يا عزيز الجلاله=تحسن مثوى اميرنا يوم جاك رحال
ترك شمر وهم من عقبه حالتهم حاله=وارض الجزيره من فرقاه حظها مال
وسرحان يبكي على اميرٍ شدت رحاله=وعاف الليل ومساريه واقتنع بالحال
والحر ارجهنبالطمان ولاهو بمنزاله=مار من وقع الخبر عاف منزاله العال
وانا من حر مافيني عن النوم داله=واردد قول عبطا ببوها فرز الابطال
وليا مضالي عشــرةٍ من هــلاله= يا تكل يضربني من الضيم سلال



سـاير الرمـاحي





ماني بباكي ماني معدّد خصال=ولاني بمستنكر وباكي ومهموم
المدح وشلون أمدح المدح بأقوال=مادام هو المدح نفسه ومعلوم
الطيب هو والعز والمجد والعال=وهو الشجاعة والشعر وحرٍ يحوم
والكل عارف من خصايله ماطال =به فوق نجم سهيل والناس في نوم
ومادام أبونواف ملفوف بالشال =هو ليه نبكي ونلعن الحظ ونلوم
بس المهم عندي انا غير ياعيال =صيحة وأبي يرجع صداها مع قروم
قوموا مشينا من أجا غرب ترحال =وأهل الشمال أخواننا موعده يوم
وشمّر بشرقي نجد ثارت على الحال=وأهل الرياض ونجد وحجاز وهجوم
وشمّر بأرض الرافدين ماهم قلال=وأرض الجزيرة مع ضواحيها وتخوم
ثم نتلاقى حول ميقوع برجال =مثل الصوارم ترجف الارض وتزوم
البحر الاحمر نعبره لو هو احتال=لازم نحسره بالعزايم به نعوم
وناطا شواطي مصر والكل يهتال=مثل الدبا مثل الجراد او هي نجوم
جيشٍ عرمرم يشرب النيل بالحال=ويمشي يعبر القاع في خط مرسوم
في حدّ ليبيا أوله يمشي عجال=وآخره في شاطي مصر توّه يقوم
على ثلاثة ألوية جات الافعال=هذي بيارقنا ترفرف على القوم
سنجارة أيمن جيشنا عزّ ياعيال=و عبده يسار الجيش ياعز ياقروم
وأسلم حوالينا من الفعل تختال=وعبدة وسنجارة جناحاه و يحوم
وفيهم من الرمحان من لاصرخ مال=من صرختهصلب الشجر وانحنى دوم
شدّوا من الثورة مسافات وأميال=لعيون أبو نواف نمسحهم اليوم
نحتل دولتهم ولو دونم سال =كبر المحيط الهادي الدمّ عاروم
لازم نهدّ هذي الجزاير والاجبال=ونقص روس القوم في سيف مسموم
نرميهم بسجّيل في ميله عقال=ونوكّل الخوّان اشجار زقوم
نحرق جزايرهم عليهم والاطفال=ونحرق لهمّ قلوبهم جمر محموم
نصرخ كما يصرخ على الغيم ميكال =ولو أبن أمّه يسمعهينقلب بوم
ولانكتفي بمسح المداين والاطلال=لازم نحفر القاع للبحر وتعوم
وان كان في روس العدو وكل الانذال=حَبٍ وتوّه ماانطحن جاهم السوم
نطحنه ونكيله ومكيال مكيال=ونرد صاع الذل مليار وعلوم
واللي رماه الكافر الظالم الضال=نخليه كالجمرات بالدوم مرجوم
ولين القيامة تبتدي وكل الاهوال=غير أرضهمنشعل سماهم على الدوم
ولانسامح او نغفر لهم دوم يارجال=ياكود أبونواف من قبره يقوم
نتركهم العبرة على طول الاجيال=والعمر مرّة وخيرته فزعته يوم



راعي الشر3





يا عين ارجوك كفي عن كثير البكا=يا عين جبتي للقلب تسعين عله
تسعين مع ثلاثين و القلب يشكا= بشوك كما شوك القتات جمع بجله
هودي يا عين امر الله ما منه شكا=ما مون امر الرحمن في كل مله
لو الدموع ترجع الامير مع كثر البكا=اقول اعقدي حجاجك العن ابو اللي يحله
واسيل الدموع من الخفجي اليا راس عكا=ومن صنعاء الين ما ياصل حدود كربله
ومن الشرقيه الى الرياض الين ديار مكا=ومن حايل الى الربع الخالي ونبله
لين الديار ما تروى من الدموع والهم والصكا=وارث لارض الجزيره ستين مليون عله
مار ماهو راجع وكفاك من كثير البكا=ما يرجع للدنيا من كفت ركابه لله



محمد الوبير





وداعة الله يا سلايل كحيلان = ودعتك اللي مايخون الوداعه

اجا ينوح وجاوبه ظل برزان = وسلمى عقب فرقاك زاد انفجاعه

تبكيك شمر والقبايل والاوطان = يا مارثة اهل الكرم والشجاعه

وتبكي على فرقاك حضرٍ وبدوان = وعرار عقبك مابقى به مناعه

من بعدك الدنيا بكت كلمة انسان = لان برحيلك تفقد انبل اطباعه

من بعدك الفروه مع البشت سيان = والمرضعه غص بحشاها رضاعه

ماكنك الا سيف شاهر للعيان = وصرت بجفيرك واستلذوا هجاعه

ياليتنا يالضيغمي اليوم صقهان = او ليت ماجانا مجرد اشاعه

يكفي الجزائر مسرح الغدر حقران = في ذمتي انه حضيض الوضاعه

قل للجزائر تبشر بنار بركان = لو قدمت كل الجزائر شفاعه

نواف شمر قلب ولع بنيران = وانا اول اللي ساق عمره بضاعه

نواف تذكر قول عزي بليهان = دايم اقوله واستلذ ابسماعه

اضرب على الكايد اليا صرت بحلان = عند الولي وصل الرشا وانقطاعه


راعي الشر2





ألفٍ ائلف من الابيات=شعروقصايدومرثيه
ياعين هلي من العبرات=واسكبي دموع الحزن فيه
والباء بثالث ايام العيد=جانا خبر وكدر الصافي
تكدر الخاطر يا فهيد=من قالوا اقفى ابو نوافي
والتاء ترىالحال عليله=والراس شاب وراح شبابه
والعين منكسره وذليله=والخوف شرع لي ابوابه
والثاء ثمان ايام مذهول=لاني مصدق ولا مكذب
ياحول ثم ياحوا ياحول=من بهمومه يتعذب
والجيم جاني خبره يافهيد=لا بارك الله بمن جابه
عساه يعيش بالدنيا وحيد=والحظ بوجهه يسكر بابه
والحاء حلاياه وشكله=ماتلقاه لو تدور دهور
طيبته بالقبايل ما مثله=وكل كايد لاجاه مقدور
والخاء خذته مننا الايام=وشنوح الزمان مبتليني
ياليت كل اللي صار احلام=لاشك اسعد في باقي سنيني
والدال دام اللي صار صار=خلاص وش عاد بيدينا
مافيه غير الدعاء والاذكار=ندعولك مادمنا حيينا
والذال ذاع الخبر والصيت=خبرٍ يهول من سمعه
ياليتني بروحي فديت=ولاتنطفي لشمر شمعه
والراء رمى نفسه بالاخطار=واللي مثل طلال ماهمه
له الشجاعه تنحني وقار=ليامن ابو نواف فار دمه
والزاء زيزوم السناعيس=بالطيب والكرم والشجاعه
حرٍ ولد حر ولنواميس=كسَاب ولها يطول ذراعه
والسين سامح لكل الناس=تنصاه لاضاقت الدنيا
ضحوك سن قوي الباس=ماهمه مادام ربعه طيا
والشين شامخ كما الاجبال=عز الضعيف ان جاه عاني
مايميل لو الزمن به مال=عزة النفس له عنواني
والصاد صقرٍ من الاحرار=نادر هيلعيٍ نداوي
مايهاب دروب الاخطار=وعلى عسف الاخطار قاوي
والضاد ضيغميٍ بفعله=ياسعد من هو انتخابه
يصير عضيده ويصبح ظله=يظل عليه مثل السحابه
والطاء طويل ذراع بالكرم=وبالدين ما يخاف الا ربه
وعشر الاواخر موجود بالحرم=يدعي لنفسه ولمن يحبه
والظاء ظفرٍبكل جوله=قبيله ماله صبر لله
يفخرون به منهم حوله=واليا اقفى تصيبهم ذله
والعين عونٍ لكل انسان=دايم الدوم رافع الرايه
ما يفطن لماله لو هو خسران=ومايسمع لهرج الناس والوشايه
والغين غمر صدره النور=مايعرف الحقد والتزييف
قلبه بدين الله معمور=كما الروض الخضر بالريف
والفاء فارس بكل ميدان=بالسيف والشعر والكتابه
والفخر والجود والاحسان=مبعد هموم الدهر والكأبه
والقاف قوله بكل البحور=هو ملك القيفان وسيدها
من عقبه الشعر ماله شعور=ومن عقبه القيفان من يعايدها
والكاف كبير القدر والشان=معروف قدره بين ربعه
نجمه سطع من بد الملا وبان=ومن شافه غير اللي سمعه
والام لم المراجل بيديه=تقول منتقيهن نقوه
هذا جزاء من ارضى والديه=مابحياته ذكروا له هفوه
والميم مجد يمينه مخلد=مثل تخليد افعال جدانه
لاهو بورق ولا هو بمجلد=يحفظه للضيغمي زمانه
والنون نايف بكل الاحوال=ما يلتفت للعلوم الرديه
عليه لا استثقل زمانه شال=ماكنها الا ليالي عاديه
والهاء هاوي لكل مرقاب=ياما ياطا عليه برجله
هذا فخرنا عند الاجناب=لامر ذكره يوقف له
والواو ويلي عقب فرقاه=انا اشهد اني بروح فيها
من عقب ماني للشرمدعاه=ادور الطوفه وامشي حواليها
والياء ياعالم الغيب يالله=تستر عليه وتغفر له
وبجنة الفردوس تجزاه=وذنبه انا اتكفل له



يتبع

[هواي الملتاع]

حمد عبيد ال عطوني الشمري





علماً لفانا كل حين درابه = علماً تبين للعرب مابه إنكار
بصحراء الجزاير اه يلي جرابه = اطفاء جزاء نوراً تبين من انوار
بالضيغمي فاجت مضارب حرابه= مرحوم ياميراً رحل بعيد الافطار
طلال ابونواف زآل اقترابه =أبن رشيد الضيغمي وآف ألاشبار
نرفع مواجيب العزاء للقرابه =من نجد لحدود الحساء لغرب سنجار
غبت فجو جتـنا ضليلٍ سرابه =بالصحف تنشروالسبب غدرالاشرار
لوهي بهوشٍ نعتزي بالقرابه=انخا سناعيس الجبل تأخذ الثأر
مرحوم يالي حط فوقه ترابه= عسا ثراها له بساتين وازهار
زيزوم شمر بالمخاوف سرابه = ماهاب عن درب الخطر واعطي انذار
يشهد له التاريخ يوم اكتارابه= وسام الشجاعة والزعامه له شعار
اطلب عسا دار رمت به خرابه = يقـلب حصاها والسماء يشتعل نار
اطلب عسى البركان يجدد كرابه= وعسى مطرها نار ملحٍ ٍ ومسمار
يظلم نهاره ويتكدر شرابه = وتذل بها المرضع سريحين الاسرار
دارالغدرمحدٍ يدورْ الذرابه = يالله دخيلــك عـن تـساميـم الافـــكار
الصحف تشهد وانشدو من قرابه= واهـــل القبــور استبـشرو جــالهـم جـار
قالو فراش الزل واترك ترابه = وبعــد الشهادة التحــق مـع ألابـرار
وصلاة ربي عد ذاري ترابه = على النبي الهاشمي سيد الاخيار



راعي الشر





مدري تعزيني يا يبه او انا اعزيك=بوفاة اميرنا طلال ال رشيد
تواسيني يا يمه او انا اواسيك=او اعزي الطنايا بأغلى فقيد
تخليني يا حايل او انا اللي اخليك=يوم خلانا راعي المجد التليد
قال القلب عز السما بفقد مغليك=وقالت انا من يعزيني يا ابو فهيد
والارض توحي ونينها وقلت وش فيك=قالت حضنت داخلي ابن رشيد



الدهور



مسلمين يا حسافة حِطّ بين القوس طين = دين أحمد قد تبرّا من مثلهم و العرب
شُلّت ايد اللي بِغَضْكُمْ وأطلَق بْدَربك كمين = ولْ قتلكُم يا عسى من مثل ما ذقتم شِرب
يا طلال بن الرشيد اللي سكن روحٍ و عين = رحمة المولى عليك بْرحمةٍ ترقى لِرَبْ
لو درت هذي الرصاصة وين صَوّبها اللعين = لَ وْقِفَتْ لِك نصّ ساعة و اسمحتلك بالهرب
بس طبع الحِرّ في وقت الشدايد ما يلين = ما تهزّه النوايب و لا تزعزعه الكِرَب
سَلّم الروح الطهور لْرَبّها الراعي الأمين = صانها له في حياته في بِعاده و القرِبْ
يا شهيد الشّّعْر يا نهره اللي يجري و المَعين = ما بكتك المملكة بلْ لك بكى كلّ العرب
هذي أوراقك على المكتب تناجي من يعين = يا قصيدة إبْتِدَتْ لمّا انكسر وزن الطرَب
يا حزن قلبٍ سكن في جوف قلبك من سنين = ضيّ نجمِك لو رحَلتْ تراه ساطع ما غِرَب
ما وصَف كِلْ حرف منّا حتى وَنّة مِ الأنين = بافتقادِك يا نسِلْ لاحرار يا ولد العرب



نواف نهير العلوي الشمري





مرحوم يا أمير الطنايا والأجناب = يا عل روحك عند رضوان فازه
ياللِّي تعرفك كل عصمان الأشناب = جنازةٍ يا وي والله جنازه
تنعاك شمَّر والعداء هم والأصحاب = أهتز من موتك رواسي عزازه
لا والله ألاَّ نجمنا يابشر غاب = راح الأمل كنه تحطم قزازه
مصاب والله يا عرب حزن ومصاب = مصيبةٍ لو كل شمر تعازه
قلبي كما شمعٍ على صاليٍ ذاب = يا محرَّم العبره ترى اليوم جازه
مرحوم بالرحمن يا زكي الأنساب = يا ضد ضدك يا كعامه نحازه
يا ماجد المخلف تعدتك الأسباب = وش هالخبر ياليت ما أطروا نشازه
الموت حق ولا لنا عنه مهراب = لكن يابو مخلف يا شين إبتزازه
ليته خذا عن شيخنا جمع وأسراب = من اللِّي تعبد المال همه كنازه
ليته خذا شيبان وأنصاف وأشباب = ياخذ ياما يقول ما فيه عازه
ياليل حايل والجبل ليل ما طاب = الليل والأحزان والهم رازه
الضيغمي قفت رحاله بضبضاب = اللِّي يهوز الناس اليوم هازه
الموت يا مشكاي عضه بالأنياب = جابو رفاته بس ويَّا جوازه



قديم الشوق





احسن الله عـزا الشعر وعــذ ب الكلام=واحـســن الله عــزانا فـي طــلال الـرشـيد

واحسن الله عزا اهل الجاه ويـّـا العوام= واهـل الخــير واهـل الخـيل واهــل النشيد

راح شيـخ الشيـوخ وراح وافي الذ مام=فـي مســـا يـوم جمعة يـوم خـــير ٍ مـديد

كم فـقــد نا رجــال وكم فـقــد نا عـظام =واشـهـــد انك يا ابـو نـواف اغـلى فـقـــيد

رحمة الله على السيف الصقـيل الحسام=عــد دمع العــيون وعــد نـزف الــوريد

ورحـمــة الله على الحــّر الأبي الهـمام=ورحـمــة الله عـلى روحــه تعــم ّ وتزيد

رحمــة الله على قــبر ٍ كــسـاه الغـمــام=كــثر ماناح ورق ٍ فـوق غـصن وجـريد

شيـخ طال المعالي ونال عــز ّ ومـقــام= مــن رجـال ٍ لهـم فـي العـّــز مجـد ٍ تلـيد

اهـل السيف الاملـح وقــت شـد ّ الحزام= أهـل عـزم ٍ قــوي ٍ واهــل باس ٍ شــديد

جعل قــبرك يا ابـو نـواف برد وســلام= وجعـل لك فـي جـنان الخلد قـصر ٍ مشيد

حسبي الله على اهل البغي واهل الحرام=كــثر مـامــات بيـــد يهم بـري وشــهـــيد

كيف ياهـل الخطية عـقـب شهر الصيام= تـقــتـلــون العــبـاد العـّـزل بـيــوم عـــيد

تقـتلون الكـريم بـدون حــرب وخصــام= دون جــرم ٍ جـــناه ودون ذ نـب ٍ أكــــيد

أشــتـكـيـكـم عــلى الله رب كــل الانــام= يــوم بعــث الخـلايق فـوق ذاك الصعـيد

الله ارحــم بك مْـن اللي سـقــوك السـقام= ومــن جـمــيع الأنام ومــن جمــيع العبيد

ليت بارض الجـزاير مـا نصـبت الخيام=ولـيت مـارام قـلـبـك حـب قـنص ٍ وصيد

ليت ناخـت ذ لـولك في رياض الغـــرام= ومـانـويت الــد يـار الـلـي مـداهــا بعــيد

عـنك مــامـثل ابـو نواف قــد ر ومـقــام=الا يـاكــــود مـاغــيره طــلال الـرشـــيد

الأد يب العــريب الشـهـم نســل الكــرام=الصخيف الرهـيف الذ رب شيخ القـصيد

ويـش ياعــيـد جــابك واللـيــالي ظــلام=والقـد ر شـرّع ابـواب الحزن من جـديد

البــسـي ياليالي العـــيد طــــرق ولـثــام=عـنك ماعــقـب رجــال الصعـيبات عــيد

ربي يارب تخــتــم له بحـــســن الخــتام= وتســكـنه جــنة الفــردوس وانت المجـيد

واحسن الله عـزا الشعر وعـذب الكلام= واحـسـن الله عــزانا في طـلال الرشـــيد



فايز الثويني





ألا ياللّه ياربي رجيتك يارفيع الشان=إلهٍ كلنا نخطي لياضاقت لجينا له

سألتك يالولي يامكوّن الدنيا بدون أعوان=إلهٍ كوّن الأرض وعليها ثبّت جباله

إلهٍ كلنا تحته سواءٍ إنس وإلاّ جان=ولا قِد خاب من يطلب رضاه ويرجي ظلاله

طلبتك ترحم العبد الضعيف مكرّم الضيفان=طلال الضيغمي يارب وإنت أدرى عن أفعاله

كريمٍ وإنت ياربي تحب اللّي يَهِب بإحسان=صدوقٍ وإنت ياربي تحب الصدق بأشكاله

رحمك الله ياذيبٍ وقع من رمية الخوان=رحمك الله ياشيخٍ فقدناه وبكينا له

رحلت وباقيٍ فينا شموخٍ يرثي القيفان=رحلت ولابقى شيٍ من الدنيا على حاله



ميزر زياد الطواله





ياشين علمٍ بالصحافه قريناه=ياليت ماجابوا عليه الدلايل
وياليت ماوسط المجالس سمعناه=ولالفوبه ناقلين الرسايل
لكن قدر والوقت ياكبر بلواه=والوقت فيه من البلا والهوايل
غاب القمر عنا ونوره فقدناه=وماباليدين حلول والوقت مايل
راح الامير اللي ينومس بطرياه=طلال راع المرجله والجمايل
نسل الحرار اللي لهم يالعرب جاه=ال الرشيد منزحت كل عايل
اهل الفعايل والسيوف المحناه=تشهد لهم بالفعل كل القبايل
تاريخهم مااظن الايام تمحاه=والوقت يحفظ ذكرهم والفعايل
وطلال ماننلام يامن بكيناه=نبكي فراقه وزرق الدمع سايل
تبكيه شمر والمناعير تنعاه=وسلمى وجا تبكي وضلعان حايل
وقول يستاهل ليامن رثيناه=طلال شوق اللي تكد الجدايل
مرحوم ياحرٍ بعيدٍ معشاه=يدمي مخاليبه نهار الصمايل
وادعي عساها جنة الخلد ملفاه=في جاه رب البيت منشي المخايل
وصلو عدد برقٍ سرى وانتثر ماه=على الرسول اللي دعا للفضايل



خالد السعد الشمري





ياالله يامنشي على الناس همال=يالواحد المعبود جيتك بعازه
راجيك يالمعبود يامزّين الحال=تقبل عزانا في حفيد الجنازه
جانا الخبر في رابع العيد منهال=انا فقدنا شيخنا ومتيازه
شيخٍ لشمر يوم صكات الاهوال=حلال صعبات العقد بنعجازه
طلال لاعدو زحازيح الابطال= ليثٍ ولد ليثٍ ثقيلٍ مرازه
طلال ياحرٍ على الصيد جوال=صيده سمين ومخلبه في خرازه
طلال حطولك على الطيب تمثال=والطيب قال الضيغمي لي ركازه
لك بالكرم يالضيغمي فن وشكال=جود وكرم والطيب فيك انحيازه
لكن خذاك الوقت ياطيب الفال=والموت حق وكل نفسٍ تهازه
مرحوم ياشيخٍ فقدناك بالجال=يارب تجعل منزله بارتكازه
يارب تجعل جنة الخلد منزال=لطلال ابونواف بالخلد جازه
انت الكريم وطالبك ياذا الاجلال=يحشر مع الابرار يوم انحجازه
وجعل الجزاير ..................=اللي بها شيخ الطنايا جنازه
وتعمي عيون اللي غدر وسط الاجبال=اللي غدر بالشيخ يوم انتهازه
ياجعل يضربه الشلل فيه منزال=ويوجد معه نقص المناعه مخازه
وياجعل يضربه البرص يوم يحتال=يارب تجعل دعوتي في انجازه
وقال المثل مامات من خلّف اجيال=خلف لنا نواف ورث الجنازه
ابوك يانواف حيٍ بالامثــال=الصيت باقي لوفقدنا عزازه
تبكيه حايل والجبل ظل وظلال=وتبكيه نجد وكل ساكن حجازه
وصلاة ربي عد ماهل همال=على الرسول اللي للاسلام جازه



الريم



أأرثيك أم أرثي رثائي إذ بدا = هزيل المعاني قد تهادى إلى القبر
ذوت أحرفي لمّا تراءت أمامَها = حروفُك في عِزٍ تقول بلا فخر
أيا أحرفَ الريم استفيقي فإنما = رثاؤكِ لايشفي مريضَكِ أو يبري
فكيف بمن قد صار في اللحد جسمُهُ = وقد كان عن يوم المنيَّة لايدري
أتى الصيدَ صيَّاداً فصادته أسهُمٌ = من الحقد تتلوها سهامٌ من الغدر
وقد كان للمسكين عوناً وناصراً = سيبكيك مسكينٌ يئنُّ من الفقر
ويبكيك قافٌ للقصيد ومنبرٌ = وأبياتُ شعرٍ من مدادِكُمٌ تجري
أيا فارساً قد كان يعلو جوادَهُ = ترجَّلتَ عن ظهر الجواد بلا عذر
ويا أربعيناً قد مضت من حياتِه = سراعاً فإني لم أراكِ من العمر
فياليت أياماً خلَت قد تطاولَت = وزادَ مداها واستزادت من الدهر
سأرثيكَ حتى لو رثوا لقصيدتي = وأرثيك حتى لو سقَت دمعتي حبري
فخُرتَ بأصغرنا وأنت أميرنا = فأنت الذي يروي القبيلةَ بالفخر
فشمَّرُ يكفيها اعتزازاً إذا انتمى = طلالٌ لها ابناً كريماً وذا بِرِّ
فعذراً أبا نواف عذراً لأنني = رثيتُك شعراً لا أراهُ من الشعر
فياربِّ أسكنه الجنانَ برحمةٍ = تمُنُّ بها إني عجزت عن الشكر



عبد الله بن نايف بن عون العتيبي





وا عبني اللي ماتهنت بهمــــــــلاج = عن نومه أزعجها البيان المفاجي
امسيت في صدري من الوجد وهاج = ومما دها عزمي تكدر مزاجـــي
لا وا طــــلال اللي عليه القضى راج = واقفى عن الدنيا طليق الحجاجي
فيه الحسايف عقبت فيّ سوهــــاج = والا القضى مالي عليه احتجاجي
مرحوم ياللي لك بالأمجاد منهــــــاح = يالصافي الشهم السماح الهجاجي
عسى مقرك يا سند كل محتــــــاج = في جيرة اللي من هل النار نـــاجي
الصبر يا شمّر مفاتيح الأفــــــــــراج = عند الفراق اللي شرابه همــــاجي
الله يجبر كسركم عقب هــــــــــداج = ريف الضعيف اللي يجيه متـــــلاجي
والكسر مايجبر اليا جاء بالأمهــــــاج = وجرح المنية مــا لقي له عــــــلاجي
يا ضلع اجا تدعيك ابانات وســــــواج = وسلمى تحثك يمنهن بالــــــرواجي
تبي تواسي بالعزى ذيك الأبــــــراج = وتزعج عبايرها بذيك الهبــــــــاجي
ولو سيلت بدموعــــــها ازراج الأزراج = تعذر اليا نــاحت سراج الـــــــدياجي
ياليت لأخذ الثار بالشيخ مـــــــــدراج = كان أنتخي وأنخى فهــــود الزراجي
ويفاجي أهل الجلف والنور مانباج = جمع يفرقهم وهم بالمحـــــــــاجي
حمعٍ يجي له فوقهم عرك وعــــــلاج = لين تغدي ذيك الصحاري عجــــاجي
تاخذ سنه والذيب فيها اليـــــــــا داج = زاده رخى ما يلتفت للنعـــــــــاجي
يالحايلي كانك على الشيخ مخـــلاج = خذني معك يسند خلاجك خلاجي
لو البكاء نوع من أنواع الإزعــــــــــاج = ويزيد من نبش الجروح اللـــــــواجي
قدامنا سعدون للدمــــع زعـــــــــاج = ولا ردت الدمعة عقاب العــــــــواجي



نايف عنيزان الرمالي الشمري





أصعب خبر خلى البشر ترجف إرجاف = بكّى قبل يبكي صديقه عدوَّه
هز المشاعر هز وإسترسل القاف = العاصفه يسبق عجاجه هدوَّه
ما جور يا جمع الطنايا ونواف = بالضيغمي طلال زبن الجلوَّه
يالله عسى حد الجزاير للإتلاف = ياعل عنها ياقف الغيث نوَّه
اللِّي غدت في حر نجدٍ والأطراف = يا ليت تنفع لو لأقول لوَّه
طلال إبن عبدالعزيز إبن الأشراف = نطَّاح عسرات الليالي بقوَّه
عليه حايل دمعها ديم هتَّاف = وجه الجبل بعد الفرح شان جوَّه
مرحوم يا شيخٍ ورث مجد الأسلاف = من وقتنا هذا لوقت النبوَّه
يا عز نوره يا تحت سترها الضاف = يا نجم شمَّر في سماه وعلوَّه
شيخٍ بوجهه تجتمع كل الأوصاف = تعطي ولا تاخذ آيادي سموه
ليثٍ يروم النايفات من الأهداف = رجله على دوس الخطر به جروَّه
على السلوم الطيبه عقل وإنصاف = ما هزه الفكر الحديث وغلوَّه
له بالولع والبر والشعر ميقاف = والطير حبه حُبْ شمَّر لضوَّه
شمَّر بموته جرحها شلِف ورهاف = طول الزمن ما ظن يرجى بروَّه
يالموت بعده ما بقى شي ينعاف = بالله سو اللِّي تبي اليوم سوَّه



عقيل سعود المنيس الشمري





جــانا الخبــر بالنشــــره العالميه=قلت اصـبروا قالوا ترى العلم صايب
ياهــل القـلوب اللـي بكم غايريه=أحسـن عـزاكم في جليـل المصـــايب
طـلال اخـو نـــوره وفتــه المنـيه=بأرض الجزايــر لا سـقتها السحايب
غصــبٍ عيونـــي هلت الهاشميه=وينعــاه مثلـي كل طفـــــلٍ وشــــايب
وتنــعاه كل العــــزوه الشـــمريه=ننعــــي مــوارث متعبــين الركـــايب
وارث فخــر هل العــزوم القـويه=نفخر بهم من خلف عـوج النصـايب
اللــي لهم بالوقــت روحـه وجيه=من دور عبدالله عطيـــب الضــرايب
هـم عـــزنا بعصــــورنا الاولــيه=وهـــم منبــع التاريخ حاضر وغايب
الابجــدي وحــروفـه الأبجــــديه=مـاحصــت تــواريـخٍ كبار و عجايب
وأهل الصدور الصـادقة والوفـيه=تحفــظ ســجلاتٍ طوتـــها الهبـــايب
وبعيونــهم نقــرا كلام ووصـــيه=تكاتــفوا ياجـــــا نهـــــار النـــوايـب
وقلـوبهم تحمــل لــكم عاطـــفيه=يأهـل الوفـــا يا مخلصين النشـــايب
وبأذانـهم نســـمع صـهيل العبيه=وكــروش في وقـت التحــام الكتايب
ولســانهم قال القضــا والقضـيه=حـلــت لــو إنــا ما عـرفنا السـبايب
وعقولهم قالت تـرى النـار حيـه=الاصــل واحـــد والنجـــايب نجايب
طــلال راح وباقـــيٍ شــيخ زيـه=عبدالعزيــز اليـا كبـــرن المصــايب
عبدالعزيز ابن الشجاع وسـميه=وســمي أخــو رثعه زعيم الحرايب
هو العوض للعصبه الضـيغميه=فروخ الحرار اللي بروس الجذايب
وختــامها باللهجـــه الحايــــليه=اقــول لك يا عـزوتــي جيـــت نايب
عن شمراهل التضحيه والحميه=واهـل هلا يــوم المراجـــــل نهايب
جيتــك من بـــلاد الكويت العذيه=أحمــل مشـــاعر لابتــي والقرايب
شمر تشـاركك الاسى والسميه=وجميع منهم يلبســــون العصايب
جينــا بــدارأهل النفوس الابيه=ال الســـعود مزبنـــــة كل هــايب
وبالختــم في جــاه الاله ونبيه=إدعــوا معي ياهل القلوب اللبايب
عســى الفقيد لرحمتك يا وليه=أمين يا معطـــي جــزال الوهـايب



أسير الحزن





تدورُ بنا الحياةُ بكل حدبِ =وتنثرنا على أمل التلاقي

وتذرونا الرياحُ بكل صوبِ =فيبقى الحبُ في زمن التجافي

تُفرقنا صروفُ الدهرِ سلب =ومايبقى سوى رمزُ الأسامي

نَدبتُكَ يا أميرُ فخارَ ندبِ =على القرطاسِ بالحبر الأناني

نعيتُك والشجونُ تزيدُ لهبِ =فتُضْرِمُ نار حزني وامتعاضي

فلكِ العزاءُ يادنيا ونحبِ =على من كان فخراً أن يطأكي

ولكِ العزاءُ يا كلماتُ حُبِّ =على من كان يُلْبِسُكِ الأماني

ويبعثُ في دروبِ اليأسِ دأبٌ =لإشعالِ الشموعِ وأملٍ ينادي

خبى وهجُ الحروفِ إلى المغيبِ =ولاحتْ شمسه خَلْفَ الأعالي

وناحَ الحرفُ في حُزْنٍ وشَغْبِ =أغابَ طلالُ من صَنَعَ إتْحَادِي

قريبٌ وإِنْ رَحَلْتَ بِأَرْضِ غُرْبِ =ستبقى رمزَ فاصلةٍ تُبَاهِي

وتَفْصِلُ بين مُعتركٍ وَعَطْبِ =وترنو لحنَ صدقٍ لن يُبَالي

وداعاً يا أميرُ الحرفِ رُبِّ =رثَيْتُكَ بالحروفِ وبالقوافي

وَسُكْنَاكَ الفسيحُ وكُلَّ خَصَبِ =ومرسى ليس يعقبه تنائي



يتبع

[هواي الملتاع]

سميحان السويدي





يالله ياللي رحمتك تدفع الشر=وأمرك يدير أحكام كونك بالاقدار

والخلق كله زايل ٍ لو يعمر=يبقى جلالك وأنت للذنب غفار

تجبر عزاء من ينتمي لسم شمر=بالمملكه وايضا ً بعيدات الاقطار

يارب يا جبار للكسر تجبر =بوفات شيخاً من سلاطين وأمار

حراً ولد حراً من الحر الاشقر=من ماكراً كله صواريم وأحرار

تاريخهم معروف بالمجد يذكر=يوم الزمان اللي به الهجن ومهار

جمع الضياغم حمعه الجمع الأجدر=ان جاء نهاراً فيه توزيع الاشرار

في عون رب الكون لابد ينصر=منهم طلال اللي غدر فيه غدار

ثالث شهر شوال بالي تكدر =كله سبب علماً سمعته بالاخبار

عز الله اني دالهن قبل ينشر=وحزة سمعته هلت العين الاعبار



نواف السويدي





علم ً لفانا يــــذهل العقل اذهال=علم ً لفانا في مسا رابع العيد


قالوا توفى الضيغمي نسل الابطال=قالوا توفى واكدوا العلم توكيد


خانت به الايام والوقت ميّال=راح يتصيّد والبلا روحة الصيد


جاه القضا والعمر محدود الآجال=جاه القضا والامـــر ما به تراديد


عز ّوا آجا وسلمى وعز ّوا به ارجال=كــل الطنايا بعد فقــده ملاهيـد


شمـّر بكته وكل من هو وطا الجاال=كلن يهل الدمع من دون تحديد


تبكي طلال الجود باقوال وافعال=نسل الرشيد اللي لها الطيب توريد


يروح من هو راح والطيب ما زال=بعروقهــم والنعم بذيك الاواليد


ويبقى طلال ً حي ّما هو ترى اطلال=يبقــى لنا حيّ وشمعــاته اتقـيد


يالله عسى الجنه له اليوم منزال=يسكن جناان الخلد مع حورها الغيد



حلا شمر



بسم الله الرحمن رب البريّه = يبدا العزا والحرف منّي تذمّر

قالوا طلال وقلت يا رب حيّه = قالوا توفّى قلت حالي تدمّر

طاح الجمر من عين نار ٍ لضيّه = والقلب من علم ٍ لفى اليوم جمّر

تبكي السما والأرض حاله شقيّه = غصن الألم في شجْرة الهم ثمّر

تكفون يهْل الخير ردّو عليّه = ملعون ابو منهو علينا تأمّر

يا عزوتي يهْل الطنا الشمريّه = هو مات والا ماتت اقلوب شمّر

مرحوم ياللي ما مشيت الخطيّه = إن مت حبك بالمعاليق عمّر

تبقى طلال الحب ما دمت حيّه = إن مات حرف الشعْر والا تذمّر



زيد الجذيلي





تزلزل ياجبل شمر ترا ما عقب ذيبك ذيب =لك الله راح فزعتنا وعزوتنا وغالينا
اميرك يالجبل سافر وخلانا بعلم الغيب = غدينا ايتام من عقبه عسى الله لا يخلينا
طلال الضيغمي من هو بداله ياعلوم الطيب = عقب رب البشر منهو بداله صار يغنينا
امير صادق وافي بعيد عن علوم العيب =ملايين الجنايز فيه؟ لالا ما تكفينا
امير صادق وافي بعيد عن علوم العيب = ملايين الجزاير فيه؟؟ لالا ما تواسينا
تذكر ياجبل شمر كلام الزير عقب كليب =الا واشيب عيني كان ما نفزع لوالينا
اميري يابعد حيي لو امدح فيك شاب الشيب = كفاك انك ملكت امجاد حاضرناوما ضينا
بكاك اللي سكن حايل وسلمى لك تشق الجيب = بكاك الطفل وام الطفل واولنا وتالينا
بكاك الشعر واهل الشعر واوزانه بلا ترتيب = بكاك اللي يبي يخطي عليك وانت حامينا
رحلت ولا بقى غيرك اميري في وطنا ذيب = عسى الفردوس لك جنه وجارك صار بارينا



خلف بشيِّر العجلان





لا سقى الله ورق من مرهشات الخيال = وإن نقع ماء غديره ما نبت به نفل
يالله إن الشجر سمٍ يسم الحلال = ديرة الغدر راحت بالشجاع البطل
رحمة الله على شيخ الطنايا طلال = أخو نوره عن الدنيا وعنّا رحل
شبل عبدالعزيز اللي وصوفه قلال = من يشوف الجنايز من مكانه جفل
يفقدونه رجال يميلون العقال = فيهم الجرح يبقى جرح ما يندمل
تبكي الشيخ حايل والجبل والرمال = والسيوف البواتر ما تبي به بدل
البقاء فيك يا نواف عمر الليال = راح جدك وعمّك يالبناخي حمل
من سمعت الخبر عبر الوسائل يقال = أتسائل وأقول الشيخ ليه أنقتل
دامه أكبر عدوٍ للذهب والريال = فيه رحمه وجزمه فيه عطف وخجل
يا بنات الجزيره يا مقر الجمال = الهدب يالعذارى لا يمره كحل
من تعذّر تعذّر يا بنات الشمال = الرجاء عام كامل لا تمرٍّ حفل
وألاّ أنا يا بلتني بالزمان الثقال = أتحلى بصبر الأرض هي والجمل
فاجعه هزت الدنيا وسمر الجبال = الله أكبر بكى المريخ وأبكى زحل



راعي الصهوه





جتني قصيده تجرح القلب بالحيل=من شاعرٍ قصده ترى خابرينه
يقول شمر كيف تشرب فناجيل =وابن رشيد الشمري ذابحينه
من قال شمر سامره بالتعاليل =ومن قال فنجال الخنا شاربينه
عدونا نرميه بأحجار سجيل=ومن خاننا ياعل تبتر يمينه
وأميرنا ماراح دونه رجاجيل=يبشر بثاره لو تطاول سنينه
مالك فخر ياللي ذبحته وتبجيل=في ليلةٍ ظلمى ترى غادرينه
ومن خاننا نسقيه ويلن بعد ويل=نسقيه كاس الذل من صنع يدينه
اجا وسلمى تزعج الصوت بالليل=تكفون ياشمر تراها غبينه
اميركم يذبح بغفله وتضليل=شيخ الطنايا كلكم عارفينه
شيخٍ قضى عمره بزين الأقاويل=الين مات ومابقلبه ضغينه
تتعبر القمرا ويبكي له سهيل =حتى نجوم الليل باتت حزينه
على فراق الشيخ زين التماثيل اللي حباه الرب نفسٍ رزينه
وين الطناياوين شرابة الهيل=من موقفٍ كل القبايل تدينه



مبروك بن ماضي





جـريـمـه يالجـــزاير كان من جـاء زايـرٍ لـك مات = بسهم الغـدر والخـسـه خبيثٍ ضال يغـتاله
رحــل عـنـا الأمــير الــشـمـــري الـشــامـخ الـقـامات = قـليلْ إمن الرجال إبهالزمن شـرواه وامثاله
طـلال إبـن الـرشــــيـد اش لـون تـوفي حـقـه الكلمات = وتوصـف فاجعـتـنا في فـقـيـدٍ أمـه بْحـاله
جـمـع كل الخصـال الـطيـبـه حـتى غـــدت بصــمات = لـه. يـفـخـر بها كل شــمّـريٍ مـيـّل عـقـاله
ولــلطــيـّب ولازكِّي عــــلى الله أحـــــدٍ عْــــلامات= محبة واحـترام الناس طول الوقـت تبقي له
أعــزيــكم جـمـيـعـا يـالـطـــنـايـا رافــعـي الـهـامـات = وأخص بالـتعزيه في شـيخنا أخـوه وعـيالـه
إذا غــاب الجــســد عــنـا فـابــو نـواف حي مـامـات = مخـلّـد في قـلـوب الكل دوم بْـطـيـبة أفـعاله
فـقـد فــيه الـشـعـر أبـرز رمــوزه واحــد الاهــرامات = واصبح عقـب أبو نواف حاير يشـتكي حاله
رحـيـلـه ماهـــو بـصـدمـه لمن حــبـوه بـل صــدمات = أصابت كل من يعرف طلال وذيك الإطلاله
كــريـمٍ شــهـم لـه في درب فـعـل الخــــير إسـهـامات = كـثـيـره كـم وياكـم ٍ ضـعـيف ٍحـقق آمـاله
إلاهــي ثــبـتـه وتـغــــــمّــــده بـْواســـــع الـرحـمات =وفي الجـنه سالـتك تجعـل الفـردوس منزاله



محمد الربع





نحمـد اللــه مالـك الملـك حــق بـكــل حــــال =نحمـد الله خــالــق الكــون حــي ٍ نـرتـجـيـــه
مـا يــدوم الحــال هـذي أكيــد مـن الـمـحـــال = مـــا تـــدوم ألا لــواحــــد إلـــه ٍ عـــابـــديــــه
اشهد أن المـوت طـيــر ٍ يـصيـد أعظم ارجـال = ما يــصـيـد ألا السميـن ويجـنـب عـن سفـيـه
يـــا إلــهـي وأنـــت ربــي ويــا رب الــجـــــلال = تـغـفـر لـشـيـــخ ٍ تـركـنـا وقـبــره يــحــتـويـــه
جيت ابـرثـي غيبـة الشيــخ فـي كـــل المقال = كيف ابــرثـي غـيـبـتـه ما لها نـد وشــبـيــه
كيف ابـرثي غيبة الهيـل في صفر الدلال =وكيف ابــرثي غيبة الطيـب في بيض الوجيه
وكيف ابرثي غيبة البـدر في سود الليال =وكيف ابـرثي غيـبـة الجـدي كل ٍ يهتديه
وكيف ابـرثي غيبة الحـر في روس الجبال = وكيف ابرثي غيبـة المـجــد كل ٍ يشتريـه
وكيف ابرثي غيبة الخير في غيبة طلال = وكيـف ابرثي غيبتـه في قـلوب ٍ تـرتـجـيـــه
وآه يــا صـعـب الإجـابــة ! ويــا مــر الـســؤال = من يـجــاوب كـل شـي ٍ غـدى يبكي عليـه
جـيـت اعــزي فـيـه نــواف وزحـول الـرجال=جـيـت اعـزي فيـه عبد العزيز ابنه وأخـيــه
جـيـت اعـزي أخـوان نـوره عمامه والخوال= الـجــنــايـــز يـعـرفـه كــل رجــالٍ نــبــيـــه
جيت اعزي فيه شمّـر ونـفسـي والخيـال = جيت اعزي صهوة الخـيـل والشعر النـزيـه
جيت اعزي قبضة السيـف في سيـف القتــال =جـيـت اعـزي من يــعــزه كـثـيـر ٍ عــاشـقـيـه
بـس عـزاي أن الـمـخـالـيـــق كــلــه لـلـــزوال = بـس عــزاي انـه طــريــق ٍ وحـنـا سـالـكـيـــه
يا لله انـك تـعـطي الـشيــخ مـن ظـلّـك ظـلال = يـا لله انــك تــرزقــه لـحــم طـير ٍ يشتهيه
يا لله انـك تـسـقي الشيـخ من حـوض الــزلال = يـا لله انـك تـزرع الـصـبــر فـي خـافــق ذويـــه
ينتـخـي في طفـل شـمّـر وحنـا لـه عـيـال= مـا بـقـى غيـر الكـرامـة سـؤالٍ مـت فـيـه
اشهـد أن الـخـيـر غايـب مع غـيـابك طلال=واشـهـد أن الحـزن سـاكـن قـلـوبٍ تـرتـجـيــه



مظهور فايد المفضلي





المقادير مامنها محال ومحيد = قدرة الله على الانسان مابه محال

الله اللي خلقنا وكلنا له عبيد = وكل نفسٍ على الدنيا وراها الزوال

كل نفسٍ تذوق الموت معلوم أكيد = لاكن الكارثه موتهزحول الرجال

آه ياعبرةٍ فيني تعيد وتزيد = كل ماقلت ابسلا عودة بحتمال

لاتذكرت في ذهني طلال الرشيد = عفت دناياي كله دقها والجلال

رحمة الله على أمير الطنايا الفقيد = شيخ شمر الياركب الرشاء بالمحال

الخبر يوم جاني في طلال الرشيد = كيف ضاقت علي دنياي شرق وشمال

ليتنا فدوتلك وانت حيٍ شديد = يافخر كل شمر ياكريم السبال

والله اني لخلد لك بيوت القصيد = وأطلبلك اليا صليت بالابتهال

يالله اني طلبتك ياحميدٍ مجيد = لا تخيب رجايه ياعزيز الجلال

جعل شيخ الطنايا ابونواف عنك شهيد = سائلينك بعفوك يامجيب السؤال

وتجعل اللي غدربه في جهنم خليد = قولو آمين ياللي تسمعون المقال



سويلم الشمري





مرحوم ياشيخ بكتك الرجاجيل=بكوة واللة لابسين العصايب
فقيدة"واللة وريث الحلاحيل=فرقاة واللة من كبار المصايب
طلال يبكونة هل الضمر الحيل=ويبكية من جار ت علية النوايب
ويبكية من صارت حياتة بهاذيل=عقبة غدت مابين مخطي وصايب
وتبكية شمر والرجال المشاكيل=والقاصية والدانية والقرايب
ويبكية من لة بالمراجل مداهيل=ويبكية واللة ناقضات الذوايب
طلال واللة ما فقدنا بها الجيل=اعز واطيب منة جزل الوهايب
يمناة تندا بالعطا كنها السيل=ومزن"حدتها مجهمات السحايب
وسوالفة مع ازرق العود والهيل=يطول ليلة ما لقولة سبايب
العز في راسة كما نايف سهيل=طايب خذاة او هو على غير طايب
بينة وبين الجود همس وتعاليل=وسكر غلاهم بابيض العشق ذايب
حفيد منهو يتعب الجيش والخيل=فرز الوغى يومنها بالحرايب
شيخ"خذا من راس جدة محاصيل=قفى وهو بعيوننا بالف شايب
ياموت واللة لو عن الموت تبديل=حرام ماتبنى علية النصايب
نواف ياذخر الليال المقابيل=بك عوض اللة عن زبون الصعايب
فرخ الهداد اللي علية المعاويل=طلال صلبة والكرامة ترايب
مامات منلة ورثة" يامهابيل=واللة يبقى حي لو قيل غايب
ياللة ترحم من بكتة الرجاجيل=وتجعل لة الفردوس نزل ووهايب



فياض التومي





بسم اللـه ابـدا وابـتـدي نـظـم الـمـثـايـل والـقصـيـد=وشـلـون لاصـار الـقـصــيــد الـيـوم عـنـوانــه طـلال

مـــرثـيــــه ارثــي بـها شـمـر ونـــفسـي يـــوم عــيـــد=عـيــد الـفـطـر واللـه ارثـي حـايـل واهـل الـشمـال

رابــع ايــام الـعـيـد واللـه راح مــن شـمـــر فــــقـيــــد=مــن مــارثــة رجـل مــع الــتاريــخ يــعــر ف بـالـرجـال

طـلال واللـه طـايــل فـعلــه عـلا ابـن الــرشــيـــــــــد=أرض الـجزيــرة تــعـرفـه رجـل جــمـع زيـن الـخـصـال

طــيـــب وكــرم ورايــــات بــيـــضـا لــه تــشــيــــــد=مـرضـى ويــتـامـى وكـل من له حـاجـة طـول الـلـيــال

طـلال واللـه فـاقـديـنـه وفـاقـــده ذاك الـنـشــيـــــد=حـتـى الـقـوافــي فــاقــدة روح الـمـعـانـي والـجـمـال

الــصـيـد واللـه فـاقـده لا عـادهـا واللــه صــيــــــد=حـتـى الـطـيـور الـحايـمــة عـافت بـعد روس الـجـبـال

طـلال طـل بـنـظرتــك حـالاتـنـاحــالــه زهــيــــــد=الـحزن فـيـنـا أستـقـر يـــامــيــرنـا والــحـــال حـــال

الـكـبــد مـنـي ذايـبـه يـامـيـرنـا ذوبــه جـلـيـــــد=الـقـلـب مـنـي يـنـصلـي مـثـل صلـي صـفـر الـدلال

لاواللـه الاعـانـدن الـنـوم واصـبــح لـي عـنـيـــد=الـنـوم مـن عـيـنـي جـزا يــاسـامـعـي مـابـه سـؤال

طـلال لو بـس يـنـتـخـي فـي طـفل جـيـنـاله هـديــد=شـمـر كـمـا سـيـل تـحـدر وانـحـدر مــن كـل جـــال

يــارب يـارحـمـن يـامـنـزل بـعـد سـورة حـديــــد=انـك تــعـيـن أمــــه وتــجـبــر خـاطـرة يــاذا الــجــلال

تـجـبـر عـزا كل مـتـحـطـم يـاكـريـم بـيـوم عـيــد=تـجـبـر عـزا نـواف مـع عـبـد الـعـزيـز نـعـم الـرجــال

يـاللـه عبــدك طـالـبـك يـارب بـالـعـمـر الـمـزيــد=يـــارب مــد بــعـمـرهـم رجــال وابـوهــم طـــــلال



حمد عبيد ال عطوني الشمري





علماً لفانا كل حين درابه = علماً تبين للعرب مابه إنكار
بصحراء الجزاير اه يلي جرابه = اطفاء جزاء نوراً تبين من انوار
بالضيغمي فاجت مضارب حرابه= مرحوم ياميراً رحل بعيد الافطار
طلال ابونواف زآل اقترابه =أبن رشيد الضيغمي وآف ألاشبار
نرفع مواجيب العزاء للقرابه =من نجد لحدود الحساء لغرب سنجار
غبت فجو جتـنا ضليلٍ سرابه =بالصحف تنشروالسبب غدرالاشرار
لوهي بهوشٍ نعتزي بالقرابه=انخا سناعيس الجبل تأخذ الثأر
مرحوم يالي حط فوقه ترابه= عسا ثراها له بساتين وازهار
زيزوم شمر بالمخاوف سرابه = ماهاب عن درب الخطر واعطي انذار
يشهد له التاريخ يوم اكتارابه= وسام الشجاعة والزعامه له شعار
اطلب عسا دار رمت به خرابه = يقـلب حصاها والسماء يشتعل نار
اطلب عسى البركان يجدد كرابه= وعسى مطرها نار ملحٍ ٍ ومسمار
يظلم نهاره ويتكدر شرابه = وتذل بها المرضع سريحين الاسرار
دارالغدرمحدٍ يدورْ الذرابه = يالله دخيلــك عـن تـساميـم الافـــكار
الصحف تشهد وانشدو من قرابه= واهـــل القبــور استبـشرو جــالهـم جـار
قالو فراش الزل واترك ترابه = وبعــد الشهادة التحــق مـع ألابـرار
وصلاة ربي عد ذاري ترابه = على النبي الهاشمي سيد الاخيار



يتبع

[هواي الملتاع]

جوفان بن زيدان الجنيدي





خذا الولي ياحيف عَقب الجنازه=الحرّ الأشقر راح بأرض الجزاير
ديرة غدر بأم الجرايم مفازه=الضيف مايامن إليا جاه زاير
الله يواصل زلزله وإهتزازه=الديرة اللي فعل أهلها بهاير
اللي فَعل جعله سبايب نقازه=للموت ياغدّار يابا الغراير
خبر شعر قلبي شعار القزازه=وإليا إنكسر ماينجبر بالجباير
أضيف لبعض البلاوي لهازه=الستر ياعلاّم خافي السراير
اليوم مالي بالوناسات عازه=من عقب أخو رثعه نسيت البشاير
الفكر شوّش وإختلف في جهازه=أمشي ولاني داريٍ وين صاير
الموت سنّه وميقنين جوازه=على البشر لازم تدور الدواير
مرحوم ياللي ماسعا بإنحيازه=أنا أشهد إنك صافيٍ للضماير
وانا أشهد إنك خير فيك إمتيازه=معرَّب الجدّين ساس الحراير
طلال روحك عند الإله فازه=عساه للفردوس تحسب ذخاير
وعساك مع محمدٍ وإعتزازه=في جاه غفار الذنوب الكباير



خليف الجهيلي





علمٍ لفا هز المشاعر وصلنا = وهز النباء جميع بيض النوايا

مرحوم يا اميرٍ وفاته ذهلنا = كل الطنايا من وفاته طنايا

أنا وربعي وكل شمر وأهلنا = فقيدةٍ ماهي أعلوم وحكايا

فقيدةٍ ياكبرها ماجهلنا = ماتنوزن يا اهل المدن والقرايا

فقيدةٍ من روس شمر بطلنا = ابن رشيد الضيغمي يالبرايا

طلال ابو نواف علمه شغلنا = موتة طلال الضيغمي ياشقايا

يالله يالمعبود حقق آملنا = تجبر عزاء شمر وتجبر عزايا

الموت حق ولاكن اللي عملنا = طلقة غدر من دون ذنب وخطايا

أما نشوف الحق ولا زملنا = أعمارنا لثار الفقيده هدايا

حنا تحت حكم الشريعة صملنا = نبي أجتهاد بجد لاأم القضايا

يالعنبو من لامنا لازعلنا = أيه الطنايا من وفاته طنايا



أخو سعدى / فايد الجبهان



عزو سماء شمر وعزو جبلنا= وعزو الطنايا يوم قفى سندنا

وعزو كل السناعيس وعزو وطنا= وعزو الظياغم طلال الرشيد فقدنا

طلال تنعيك قولة هلا ويامرحبا باللي وصلنا= وتنعيك فزعه المضيوم لامن زبنا

وتنعيك كل الكواكب يوم اظلم نجمنا= وينعيك رجمن براس الطويلات بطيبك ذكرنا

طلال لا تحسب انك مت ونواف ظهرنا= نواف شبل الاسد بظله رقدنا

حكم القدر لوهي على الكيف طمرنا= عساك بجنة الفردوس تفرش فراشك وتهنأ



ضحوي الاسلمي





يا أمير ليت الموت جاني ولاجاك=ولادريت بموتك اليوم يا أمير
ياأمير تبكي طنوة العز فرقاك=وتبكي بعد شمر دموع ٍ بتكرير
ويبكي جبل حايل رحيلك وممشاك=وتصفق أجا سلمى بحزن وتحاسير
وتصرخ بحور الشعر وينك فقدناك=وين إنت يالملتاع وين إنت ياطير
ياطير عز ٍ ماخسر من تنصاك=بكفوفك النوماس وبصدرك الخير
يا أمير رحت ولابقى غير ذكراك=ذكراك تبقى لو خذتْك المقادير
إسمك هنا محفوروشلون ننساك=وطيبك وفعلك نفتخر به على الغير
يا أمير جعل الرب يغفر خطاياك=ويقبل عْملك وينْور القبر تنوير
ويارب يامعبود يالله طلبناك=تسْكنه بالجنه بليا تعاسير
والله يصبر شمر اليوم فرقاك=الله يصبرها بفراقاك يا امير



فايز الابراهيم





رحل شيخنا الغالي رحل فزعة المظيوم= رحل طيب السيره ألايالعيون ابكيه

رحل وأرتحل عنا وانا ادري هو المقسوم= طريقٍ جميع الناس لابد ماتاتيه

رحل من كسب كل المفاخر رحل ياقوم= رحل من بكاه الشعر واللي بعد يبديه

رحل وارتحل عنا طلال الرشيد اليوم= ألا يالله اجبر عقب موته حزن مغليه

انا اكتب وانا دمعي على الخد مابه لوم= وانا لابكيت ابكي عزيزٍ وجب نوفيه



لاتعزون شمر والرشيد= عزو الكون كله في طلال

عزو العز وحروف القصيد= وعزو الهيل مع صفر الدلال

عزواللي لفزعاته يريد= وعزو اللي شكاء ظيم الليال

عزو الخيل والحلم البعيد= وعزو الغيم عزو هالخيال

عزو الليل وسهيل البعيد= وعزو ألارض كلها والجبال

عزو الصدق واخلاق الشهيد= وعزوالدمع يوم الدمع سال

لاتعزون شمر والرشيد= عزو اللي عرف منهو طلال

وارث اللي لهم مجدٍ تليد= معتلين المفاخر والفعال

الجنايز هل الراي السديد= مايهابون موت ولا قتال

آه وان قلتها مابه نقيد= آه ويلاه من فرقى طلال

أبو نواف مفراص الحديد= كلنا من رحيله في هيال

أبو نواف مزبان الزهيد= من رحيله صرخ كل الشمال

أبو نواف وان قلنا فقيد= اشهد انه فقيده يارجال

لاتعزون شمر والرشيد= عزو الكون كله في طلال



محمد العجمي





هبيت ياعلمن يوم السبت به بشعون=علمن سمعته هز قلبي وراعه

امسيت به قلبي من الاحزان مشجون=ولاعاد لي بالصبر قد استطاعه

كف العذل ياللي لمثلي تعذلون=خلوني ازعج عبرتي كل ساعه

ابكي مدامي حي والناس يسلون=انوح وانعى اللي طويلن ذراعه

ابكي على اللي كلكم له تعرفون=ابو نواف عزوتي بالجماعه

صاحبي يوم الناس عني يصدون=قال ابشر بعزك قالها بندفاعه

بابه مشرع والمسايير يلفون=وقولت هلا من عاداته وانطباعه

افخر ليا جاءاسمه مع اللي يهرجون=واعتز في ذكر الفخر والشجاعه

ابو نواف خلاني وانا منه مطعون=من اللي مثله سريع اندفاعه

كني وحيد والمخاليق يمشون=لوبه اخوان وبه ربوع وجماعه

ماحدن يسد لفرجته لوتقولون=العز راح اللي رفيعن شراعه

عزاة يابو نواف بالقبر مدفون=ولاعاد لي في شوفه طماعه

ياليتني عن دفنته كنت مدفون=وياليتني ماذقت حر اليتياعه

يالله ياللي لك عبادك يلبون=اللي عن الدنيا على ارتفاعه

طيب ثراة وعف ياولي الكون=واجعل ظلام القبر يضوي شعاعه

واجعل نزوله في نعيم له غصون=وسع لمنزلته وجسر مراعه



فهد العواد





رحمك الله يا نجمً عن عيون الملا ما غاب = ولو هالوا عليك تراب فأنت بوجدهم باقي
خلقنا من تراب وكلنا نرجع نعود تراب = وهذا مرجع المخلوق حتى وان شقا الشاقي
ولكن موت مثلك يا رفيع الجاه والأنساب = فجيعة لطنايا مثل ما هي لأعت أعماقي
إذا جف النهر والله على الضفة تموت هضاب = كثير أحيا على الضفة تموت إليا اختفى الساقي
الا يا الله يا رب السماء يا الغافر التواب = تصبرنا على فقدا عزيز القوم يا باقي
رحل من لابتي حراً قليل من لمثله جـاب = طلال اللي على كل المراجل فوقها راقي
ولو يرضى ملاك الموت دونه كان جته ارقاب = ولكن حكمت المولا على المخلوق تنساقي
رحمك الله يا شيخاً على العليا خذيت كتاب = عسى منزلك بالفردوس عند الحافظ الواقي
يقولون العرب من جاب تبقى سيرته ماخاب = انااطلب من رفيع الشان يحسن فيه الوفاقي
اعزي كل شمر فيك مع نواف والاقراب = وحفظك سيرة عطره هي أفضل عندي أوراقي



نواف حمود الشمري





اذرفي ياعين وادمع ياوريد =واحزني ياارض واركع ياحزن
يوم مات الحاتمي ابن الرشيد = مالنا كود التوجد يازمن
والله انك ياطلال اغلى فقيد= والله انك للوطن كنت الوطن
والله ان بموتتك مات القصيد= كلنا في موتتك صرنا كفن
والله ان بموتتك صرنا نجيد = الدموع اللي تثاقلها البدن
والله ان بموتتك قامت تزيد = من بكاها نجد تسمعها عدن
والله ان الخير عقبك مو سعيد = يذكر ايديك الكريمه لاعطن
والله انك كنت سيد ودمت سيد= ولايزال الخير يذكرك بحسن
يالشديد ابن الشديد ابن الشديد = يانصير ٍ للعباد بلا ثمن
صادك الموت الغبن وانته تصيد = والغبن انّا نموت من الغبن
لعنبو وقت ٍ ذبحنا من جديد = في زمان من التخلف والفتن
رحمة الله ياطلال ابن الرشيد = كلنا لك ياولد حاتم كفن



راعي الهوى





مرحوم ياشخصّ عزيزّ فقدنــاه = مرحوم ياشيخ الشعر والرجــوله

مرحوم ياحاتم زمانه عرفــناه=مرحوم ياللي كلّ شـــــــــيّ يــطـوله

والله لــو يـفدا بــه العـمــرلفداه=لاكّـن مـوت وياخذ اللــــــي ينولــه

يم الجزاير شاله الموت وأخفــاه=حسبي على اللي بالقنص يوم جوله

يالله ياللي تسجد الناس لرضــــاه=يامنزلّ حقّــك ومرسل رسولـــــه

عسى طلال بجنّة الخلد مثـــواه=وعسى مقره مع نبيـّك وحـولـــــه

يالله يالمعـــــبوديـــالله يالـّـلـــه=.يالله تقبل دعوة اللي دعـــــولـــــه

وياعين لو تبكين منساه منساه=في ذاكرة راعي الهوى دوم زولــه



خلود البراري





انطفيـت ورحت ياريــح الشمـــال =وانطفـت شمـس الشعر بارض القصيـد

الرجـال بتفقــد الصيـت الرجــال =والحريـم تنـوح موتـك يا العضيــد

ضيغميـّي ٍ يالسناعيسـي طـلال =غبت عنـّا وانـت منـّا يالرشيــد

القلم صدقك شعورك الخيال =الألم نبضك حديثك الجديـد

كـل ذكـرى تكتبـك عـزّة رجال =سيرتك عنوان للصدق الفريد

قلت شمر من على رووس الجبال =للشمـوخ ابطـال للهـِمـّه حديــد

الصغيـر صغير والطيبه كمال =مايكبّـرنا لقـب بيــن العبيـد

والغـدر شيطـان أحمـق ياطلال =مابهـا دنياك ذمـه يالفقيــد

ربي يارحمن عفوك لايزال =اغفر لعبدك طلال ابن الرشيد



فهيد العديم





تفتّق الشعر تالي ليل عن عبره=واكتظّ حزني وضجّ الدمع باهدابي
وجيت اتهادى بقلبٍ خاصمه صبره=وجرحٍ نزفني يشابه طعنة أصحابي
طلال مامات دام صدورنا قبره=.بين المحاني يعيش وفزّ ياترابي
بغيت أصيحه وخانت هقوتي نبره=بغيت أعزّي وعانق صوتي حرابي
يالموت واستغفر الله آه ياكبره =لوّك تريثت فادوا دونه أحبـــــابي
عذراً يانواف لاتنشد وش الدبره=.يممت وجهي دعاء وأسهرت محرابي
كسر الطنايا تمادى ياصعب جبره=وكلٍ يتمتم أكيد غيابه غيابي
من عقب يمناه كلٍ يحتقر شبره=من أكبر القوم لين توصّل أترابي
الكون عقبه تقمّص دور هالأبره=.وحاولت أشيل القصيد وخانن نصابي
طلال..لو مات يبقى قلبنا قبره=أقول مـآت وتلعثم غيمة أسرابي



محمد هنيدي





قال القنياوى أبيوتٍ أجدادي=الجاش طبعه للحزن صار معتاد
يالله ياللى لك أعبادك تنادي=بأسمك بديت القاف وأسمك هو الباد
من بعد بدع القاف صغت أجتهادي=ماهوطرب لاشك من زودالأنكاد
عم الحزن شمّروكل البلادي=وحايل حزينه دمعها صاريزداد
تقول أنا مجبوره أعلن أحدادي=ماهمنى لوقالو الناس بأعياد
وأجاءحزين وزاد حزنه سوادي=مبكيه موت الضيغمي قرم الأولاد
وسلمى تهل أدموعها بأزديادي=صارت حزينه تخفى الدمع مافاد
شفت الرعيله قالت الحزن عادي=تبكى طلال وعافت أفراح الأعياد
وعزى لجلديه بها الهم زادي=تقول عزيلي من الحزن لاعاد
وصيحات برزان أعتلت له ينادي=يقول قفى عزنا نسل الأجواد
وأصبح سهير ولايعرف الرقادي=ماهو مصدق دايم الدوم نشّاد
أقفى طلال العزسقم المعادي=مرحوم ياللى بالوفاءدوم معتاد
موارث أشيوخٍ أعلومه وكادي=اللى بنوفي نجد تاريخ وأمجاد
موته قهرحتى أدياره أبعادي=بأرض الجزايروالسبب ناسٍ أوغاد
ليتى بقربه كان بروحي أفادي=أموت وهو يبقى لنادرع وأسناد
ياقبر أنا بأوصيك وقت العيادي=ضيفك ترى شيخٍ له الطيب ينقاد
خلك وسيع أبطان حاديه حادي=موته دنى حطوه في وسط الألحاد
أحسن أحسابه ياألاه العبادي=وأجعله في جنات خلدٍ للأسعاد
ماجور يانواف عش في جلادي=أنته شبل مامات والدك بك عاد
وعبالعزيز أصبر ترى الصبرزادي=ماجورياشبلٍ به العز يزداد
الصبردام الوقت كله أجهادي=لاشك هذي قسمة الله وماراد
لوالبكى يرِجع طليق الأيادي=بكيت طول الدهر لاشك ماعاد
حايل وشمر كلها لك تنادي=وأنا بعد هليت دمعى ولافاد



زيد



مرّ الخبر كنّي من النوم صاحي =مدري أصدق موتته من عدمها
ياعلّ من جاب الخبر للمماحي =أفراح عيدي بالخبر من هدمها
حايل وأهلها والجبل والبطاحي =والمملكة تبكي مصيبة ألمها
يوم أنثلم ركن الكرم ثم طاحي =ركن الشجاعة والرجوله ثلمها
يا بُعد ليلي عن مضاهر صباحي =يا قرب صبحي من سوادة عتمها
يا حظ من هو بالجنون استراحي =يوم المصيبة أقبلت مع خدمها
ملتاع موتك شعرنا منه ناحي =ناح وتألم بالمعاني كدمها
من مات ينسى قبل عيد الأضاحي =بس أنت جسمي قطعت من لحمها
تبقى سروري ضحكتي وانشراحي =تبقى شموخٍ للشجاعة سهمها
تبقى مثالٍ للشيم والفلاحي =لو مت تبقى للشعر يا قلمها



يتبع

[هواي الملتاع]

بشير اللويش





انا اشهد انه يالطنايا فقيده = موتة طلال الضيغمي عرب الانساب

ولاينفقد بالوقت كود الوليده = والا الردي ماينفقد بين الاقراب

عزوا بعضكم بالليال الشديده = وعزوا الشعر والجود واللي بالاصلاب

وعزوا المراجل والخصال الحميده = وعزوا الصقر والصيد واقلام كتّاب

وعزوا الوفا واهل الدروب السديده = وعزوا النوايا البيض بقلوب الاحباب

يكفي جنابه بالنفوس الزهيده = مالك غلاها عند فتلات الاشناب

قرمٍ تربى والطنا في وريده = من روس قومٍ ماطلع فيهم غراب

حرٍ جرودي والمزايا عديده = صيته علم مابين ربعه والاجناب

يالله عسى مثواه جنه فريده = مع النبي الهاشمي هو والاصحاب

وانا اشهد انه يالطنايا فقيده = جته المنايا وانقفل دونه الباب



عقاب الربع





الـعـيد لــو مـاهـو عـلى الـطيب جـاير=مـاكـان بـكّى فـالليال الـــــــمناعير

قـالـوا ش صـايـر قــــلت وش مـاهوصـاير=عساه خيـــر وقلـــــــت لا ماهو ب خير

طــلال مـات وكـان مـوته مـغاير=مـوته كـــما موت الـــــــجدودالمغاوير

اقــســم قــسـم بالله والــــدم فــايـر=يـبكي عـليه الهيل والجود والطـــــــير

ويـتـيم مـيّـت جــوع ضـــــايـع وحـايـر=والشعر والجنسين رجال وغــــــنادير

الــلـي يـقّـظـن بـالـعـــروس الـظـفاير=كاحن على الـــشعر المخضّب زوابـــــــير

والـمـرجله والـــطـيب وبـيـض الـسـراير=والـطـايله والارمـــــــــله والـبواكير

انــتـه فـقـيدة مـجـتمع كـــان طـايـر=فرحه ب عيد وصــــار صبـــــــحه اعاصير

مــو بــس شـمـر تـبكي بـصـــــوت ثـاير=قـبـايلٍ تـبكيك يـابوَ الـمعاســــــــير

يـلـعن ابــو جــد الـقَـنَص والـجـــزاير=عـلى ابـو جد الهَدَد واشقر الطــــــــير

يـاعـيد مـاانـت ب عـيـد مـابـك بــشاير=انـته وعـيد وشــين ومهين وصْغْيــــــــر

مـوتـك خـسـاره مـوتك اكـبر خـساير=ولـولا السخط ل اقــول والله مايصيـــــــر

واقــول مـوتـك مــن كـبـار الـكــباير=لـكن مـاهي باليد لـــــــــفو المقادير

بـ جنان عدن تشــــــــــوف فيها البشاير=تـلقى اثـر يـدينك الـبــــــــيض يامير



فيصل اللويش





ماكل من روّح يسمى فقيده = ولا كل من يبست عروقه بقى فيّ

ولا كل لحظاتٍ تسمى شديده = ولا كل طائي ينحسب قرم من طيّ

قالو طلال يموت والله بعيده = يمكن يموت شلون لا يابعد حيّ

لا يا ذرى من فرعت يوم عيده = صاح الصياح وشقت الثوب من غيّ

الشعر عزانا وعزى بسيده = من عقبه الوديان مابلها ميّ

لا والذي يخلق ويرحم عبيده = ماهي بسيطه موتته ماهي شوي

مد العزى يدّه ورديت أيده = دام البقى في راس كل عتمه وضيّ

تدري عزانا بموتتك يا الوليده = مامت وسط قلوبنا باقيٍ حيّ

نقراك ثم نقراك في كل قصيده = ونحس بك والله ووالله بكل شيّ

ماكل من روّح يسمى فقيده = الا طلال وباقيٍ باقيٍ فيّر



أم نـــــواف





ابو نواف راح ووش بقالي=من رموز الشجاعة والرجوله

ابو نواف تفداه العيالي=لو بكيفي ماداج الموت حوله

ابو نواف يانجم يلالي=يارمز للبساله والبطوله

ابو نواف يارمزٍ غدالي=وغدالي هرج كنت انوي اقوله

لاقال بقولته درب العدالي=كريم مفرّغ لضيفه عدوله

وسيع الصدر نفسه بالعلالي=تعشق الطيب وللعليا تخوله

ابو نواف حلاّل الحبالي=مشاكل ماتجي غير بحلوله

يفزّ بساع لاشاف الخمالي=يسامح مخمل مثَـقِّل حموله

ابو نواف اشباهه قلالي=عديم الندّ شدّ الموت زوله

فواصل نجم فوق الراس عالي=بناها وباينات به عموله

صبرللصبر دروب طوالي=قليلٍ من صبر صبره بطوله

بياض نفتتح به كالزلالي=مقال الفاصله يزهى بقوله

كم حقوقٍ كتب لأجله مقالي=ومقالاتٍ كتبها مانقوله

جِري بالحق حلاّل المحالي=حلاحيلٍ يحلّه مانحوله

ياليتي متّ قبل اسمع مقالي=مقالٍ قِيل جرّحني بمقوله

جرالي شي ماعمره جرالي=لو الرجلين دلّنه جروله

وطرالي شي ليته ماطرالي=طرالي شيخٍ اجداده طروله

عسى دار الجزاير للخَلاَلي=وعسى الجلفه لدمار يطوله

عسى مابأرض جلفتهم عدالي=وعسى من راح يمّه ماينوله

عسى من ياردونه للخبالي=وعسى تعدم إذا السبّه خبوله

عسى طينٍ شرب دمٍ لغالي=يتصلّب لين ماناسي لجوله

وعسى نفسٍ رمت زين الفعالي=لسهام الغدر تنشبّ به وتغوله

ابو نواف مايعوّض بمالي=ولافات الفوت ماتفيد المقوله

الا يالله يامحصي الليالي=يامحصي النجم ثباته وافوله

تبرِّد قبر وهّاب الجزالي=وتثيبه قد وقفاته وفعوله

عيونٍ ترتجي شبل الرجالي=وِلِده نواف غذّاه الرجوله

أيا نواف خَلف من غدالي=طلالك راح إغد لمن غدوله

أصيح أنخاك نواف الطلالي=أبوك اليوم ممدودٍ بطوله

خِذ الرايه عليك الحمل تالي=عليك العينإزم لما زموله

بكوه عيال عمّه والخوالي=صفقو الكفّين شباب وكهوله

صفقت الكف يوم العلم جالي=وقفت بتوهتي كنّي مهبوله

أعزّي شمّر شيوخ ومعالي=شباب وشيب نسوان وبعوله

أعزّي كل ورعٍ بالزمالي=وبنات الغيد وارباب الطفوله

أعزّي كل من شبّ الدلالي=طنايا وكل ركّابة خيوله

أعزّي كل حيّـينـه وحالي=تعزّي ميِّتيـنه والحَموله

جبال تصيح وصياحه خيالي=وقصر برزان يبكي من بكوله



طلال العبدالله الرشيد ( العطيـب )





يعني ما كفوك مليون شهـــيد = تأخذين أغلا الحبايب يالـــجزاير

ما لقيتي غير أطيب الرشيــد = لو ماأخاف الله لاقول الحكم جاير

الله اللي كاتب وحنا عبــيد = ذا قضا رب المساجد والمنــــايـــــــر

الزمن لو طال مثله ما يجـيد = فقد أبو نواف هي أم الخــــسايــــر

مدرستنا في المراجل والقصيد = طيب الموقف إلى دارت دوايـــــر

لابكا ينفع ولا شكوى تفــــيد = ما بيدنا شي لو الدم فايـــــــــــــــر

ما بيدنا غير نصفق إيد بـيد = ومن تكلم عنه تخنقنا العبـــايـــــــر

ما بقى فينا على الشدة شديد = اللهب بين الضلوع وفي الضمــاير

كيف نفرح عقبه بعام جديـــد = لا هلا ولا مسهلا بواحد ينايــــــــر

يالله إنك تحسبه عندك شهيـد = من توفى غدر في بر الجزايـــــــــــر



رحمك الله يا ابو نواف واسكنك فسيح جناته
وجزاء الله الشعراء خير الجزاء .

[بسمه طلال]

.
.

أخوي هواي الملتاع

تسلم يمينك على القصائد الرثائيه في ابو نواف

الله يعطيك العافيه

ورحم الله اميرنا وشاعرنا
.

.

[هواي الملتاع]

بسمه طلال

الله يعافيك ويسلمك
اشكرك على تواجدك
دمتِ بخير

[ضوى الليل]

الله يرحم أميرنا وشاعرنا وماقصرت هواى

كفييت ووفيت قصائد رثاء تستحق الثناء

والله لايحرمنا عطاءك المميز


الف شكر لك


//

[هواي الملتاع]

ضوى الليل

الله يسمع منك
اشكرك على تواجدك
دمتِ بخير