لنكن اصدقاء

[جوهرة القحطاني]

هاي قايز وقايزات



تخيلو تخيلو تخيلو


انكم راح تكونون


اصحاب التجربه الاولى لتجربتنا انا وفوزية الانترنتيه في مجال المنتديات



<<<<<<<جديديات على النت ياحرام


االمهم والله النت طلع فله


مدري شلون ماكنا ندري عنه



صدق انه في شغلات صعبه مثل اللي اسمه الماسنجر ماعرفت اشتغل عليه

بس انا ناوية اتعلم هكر وفتشوب مدري وش اسمه


0 يقولون سهلات

[فوزية القحطاني]

مرحبا بي انا وجوهرة
والله ماادري وشلون يكتب الرد بس بحاول
ايه ياليت تفيدونا انا وجوهره
حنا تونا جديدات بعالم النت وودنا نتعلم كيف نحط تواقيع وفلاش وماادري وشو ايه كيف نصمم مواقع وكيف ننزل صوره موجوده عندنا بالجهاز
ووشو احس برنامج للتواقيع
وكيف نحط صوره بالمنتدى

[جوهرة القحطاني]

الحين فيه كلمة دايما يحطونها بالشات ومستحيه اسال وشي


وش معناة برب و تيت ؟؟؟؟؟

[فوزية القحطاني]

ايه بعد فيه كلمه ثانيه يقولونها
لووووووووووووووووووووووووووووو ل

[جوهرة القحطاني]

ايه هاذي لول مجننتني يالله مافهمتها


اقول الحين شلون اعطي احد رابط؟

[جوهرة القحطاني]

وينكم محد رحب ياربي


شكلهم مايبوننا ؟؟؟؟؟؟؟



يافشله سجلنا وهم مايبونا

[فوزية القحطاني]

ايوا الله محد رد شكل المنتدى فاضي مافيه احد

[عاشق طرب]

هلا والله انا عندي شك انكم تماسيح بس ياهلا باغلى تماسيح تدرون لا تزعلون انتم سحالي

اتغشمر لا تصدقون يالله هذا انا رحبت فيكم :D :D :D :p :p

[جوهرة القحطاني]

او نايمين


الحين المنتدى زي الشات ولا فيه فرق


اخاف اطلع يجي احد يسرق نكي ويدخل فيه زي الشات السروقين

[فوزية القحطاني]

والله ماادري اخاف موب كذا يسون اللي يسجلون يمكن يروحون يستأذنون من المدير
اقول جوهره شكلنا اخطأنا
لازم نستأذن من مديرهم

[جوهرة القحطاني]

ايه صح لازم نستأذن


عشان يحجز لنا اسمائنا ومحد يسرقها


بس وش اسم المنتدى ماستر هينا

[فوزية القحطاني]

ماادري يمكن
اقول [جوهرة لازم ندفع فلووووووس علشان نكتب ردود والا لا؟؟

[جوهرة القحطاني]

لا اتوقع


لاني قريت يوم جيت اسجل

ان التسجيل مجاني يعني اكيد الرد بعد مجاني

يوه تخيلي بفلوس من وين اجيب انا ؟؟؟؟؟؟؟؟؟؟؟؟؟؟؟؟؟


بس الحمدالله ماحطيت رقمي

[فوزية القحطاني]

ايه زين اخاف يجي مع فاتوره التلفون >>>>>>>فاتوره التسجيل بالمنتدى
ثمن اتوهق مع ابوي

[جوهرة القحطاني]

ايه والله وش الدبره



رايس ندحل من مقهى عشان نكتب ومايدرون ويصير على حسابهم


بس ماعرف مقهى حريم

[فوزية القحطاني]

الا عندنا بالنادي مقهى تعالي نشارك من عندهم
اقول والله المنتدى مافيه احد شكله فاضي
تعالي نروح لواحد ثاني بس كيف ووين نلقى المنتديات قولي لصديقتك تعطيك واحد ثاني

[جوهرة القحطاني]

اييييييييي والله انك ذكيه


صدق خل نروح منتدى ثاني يرحبون بنا ويقدرونا


ولا نخسر فلوس ومحد مقدرنا

[فوزية القحطاني]

يالله اجل مشينا بس اخاف يجي احد يرحب بنا ولا يلقوننا
وشلون نعطيهم خبر اننا بنرجع لهم بكرى

[جوهرة القحطاني]

مدري الحين ااخاف اطلع ويختفي الموضوع



اقول يااهل المنتدى ترانا بنرجع بعدين زين

[فوزية القحطاني]

اقول وشلون نحفظ المنتدى اذا طلعت اقطع الاتصال واخلي الصفحه موجوده ولا جاء بكري اسوي تحديث والا وشو

[جوهرة القحطاني]

حطيه بالمفضله زييي


وانتبهي تذكري الاسم زين

[فوزية القحطاني]

وينها المفضله وين القاها

[جوهرة القحطاني]

شي فوق على شكل نجمه

[فوزية القحطاني]

يوه جوهره مرت ساعه وماحد رد
قسم بالله شئ غريب اقول وش رايك بس نروح لمنتدى ثاني

[جوهرة القحطاني]

يووووووووووووووووه الحقي الحقي فوزيه شكله به هكر بجهازي شسوي



يطلع صوت موسيقى من غير ماسوي يارررررربي

[جوهرة القحطاني]

ماعرفت القا منتدى ثاني


بس لقيت واحد وش اسمه ياربي



ايه منتديات الزعيم


بس كله عن الكورة


مافيه منتدى هكر او فتشوب ابي اتعلللللللللم

[فوزية القحطاني]

الزعيم لايكون الهلال بس
اقول جوهره وش رايك نبحث في دهاليز النت>>>>>>>اخس يادهاليز انا اسمع البنات يقولون فيه موقع اسمه قوقل حلو كل شئ تلقينه عندهم >>>تعالي ندور عنه

[جوهرة القحطاني]

اخاف بفلووووووووووووووووس



ياختي اليوم يوم قلت لبوي ان المنتدى يمكن ياخذ فلوس بغى يذبحني


بس اشوه اخوي قال انه ببلاش يوه ربي فكني


ياختي المواقع اللي تاخذ فلوس فكيني منها


اقول الحين شلون اروح للياهو شات كثير يحكون عنه

[فوزية القحطاني]

>>>>>>>>>>>>>>اقول جوهرة
انا مليت هذا اول منتدى نسجل فيه وماحد رحب فينا اقول حدنا نناظر كرتون بالقناه الثانيه وتخب بعد

[جوهرة القحطاني]

عاشق


شو يعني تماسيح وسحالي



احنا سعوديات بنات !!!!!!!!!!!!!!!!!!!!!!!


بسم الله عيب عليك تشبهنا بحيوانات


ايش مو محترمنا ولا شايفنا مو قد المقام

[خيال]

حياااكم حياااكم بس ارفقوا علينا ,,

انشاله الجميع بيرحبون فيكم وانا ثاني من يرحب فيكم

حياااكم في بيتكم الثاني منتدى الملتاع,,

وانشاله انكم تفيدون وتستفيدون,,






تحـــياتي لكم
المغرور

[امبراطور الشرق]

مرحبا بضيفنا عدد ما خطته الأقلام من حروف
وبعدد ما أزهر بالأرض زهور
مرحبا ممزوجة .. بعطر الورود .. ورائحة البخور
مرحبا فيك بين إخوانك وأخواتك .. بمنتدى الورود ( ملتاع)
فعندما يصمت اللسان .. ويطلق للقلم العنان
ليُعبّر عن خفايا النفس ومكنوناتها .. نرى إبداع الخالق فينا
وعندما ينساب القلم ويريح في مرفأه
نرى قطرات الشهد تتساقط من بين الأنامل
عندما تكتبون .. نرى الإبداع الحق والمواهب المصقولة
نرى الفنون .. والجمال الذي تخطه أياديكم
هنا في مرفأ القلم نرى كل ذلك
كلنا أمل أن تجد واالفائدة والمعرفة ... وأن نرتشف من ينابيعكم .. قطرات تروي عطشانا للمعرفة
فمرحبا مليون .. وبكل لون
حللت أهلاً ... ونزلت سهلاً

بقلم أختكم

مشاعر حالمة



ترحيب :
اخوكم امبراطور الشرق

[أحبـــــــــــك]

هلا وغلا فيكم ياااجوهره انت يوفوزيه

حياكم الله معانا

[جمس مليان شباب]

بدري توكم تردون على ام السانين فوزيه وجوهره يخوي ردو من اول خلهم يسكتووون ديديديديديديديد وش ذا بالعه مسجل ولا تزعلين ولكمووو نورتي المنتدى اختي انتي ويها قصوها بالنص لوووووووووووووووووووول

[فوزية القحطاني]

:D

[جمس مليان شباب]

يحليلك تضحكييييييييييييين عساها دووووم انشاء الله

[مرزوقه & صالحه]

اقول فوزيه وقحطانيه:D

امزح فوزيه وجوهره متأكدين انكم مو وحده:rolleyes:

كلامكم يشبه بعض

وترى كل شىء ينكشف بالاي بي:D <<< تقول للمشرفين يطالعون لااي بي

:rolleyes:

على العموم شكلتس تعرفين كل شىء بس تبين تتتوسعين

<<ماودتتس تضفين
>>>> طيب عمتي

[ابن الرياض]

ياهلا باغلى الحبايب ياهلا بريحة هلي
دام قدرك عني غايب مايكفي طلتك لي

أسعد الله مساء من أمسى
وأسعد الله صباح من أصبح

أسفر المنتدى بمقدكم ،، وأشعلت شمعات الحب ،، وابتدأت أقلام المحبين بالترحيب فيكم ،، ليس إلا ابتهاجاً بقدوم توأم ينبض بالنشاط

أتمنى أن تشعل القحطاني أخوات هذا المنتدى مع بقية الأعضاء المميزين بالمشاركات الفعالة

مرةً أخرى .... هلا جوهرة ... هلا فوزية
شرفتونا وآنستونا ويا مرحباً فيكم

تحياتي

ابن الرياض