أدعو أعضاء المنتدى لتقييم أول قصيدة لي في المنتدى

[عزيزالنفس]

هذي أول قصيدة وأول مشاركة لي في هذا المنتدى
وهذي القصيدة كتبتها من شيء في صدري
وكل انسان لابد انه يشوف شيء من الدنيا يكدر باله ويضيق صدره
عاد أنا كتبت هالقصيدة بعدما تراكمت في صدري أحزان وهموم
وماأقدرت أنفس عنها الافي الورق
والقصيدة هذي تحتوي أيضا على هموم اجتماعية بالأضافة لهمومي الفردية
واليكم القصيدة وأتمنى أن أسمع ارائكم حولها...

في الصدر ضيقة والفكر به هوجاس=هموم ثقيلة تعجز عن حملها قبيلة
كلما سليت عن همي وجلست مع الناس=جتني همومي وكني لحالي بلاحيله
تعبت أكتب همي قصيد على كل قرطاس=اللي بصدري حمل كبير ماحدن يشيله
لكن رغم كل الألـــم والضيـــم والبأس=بأظل شامخ وقدري ماحدن يقوى يزيله
واثق الخطوة بين العرب رافع الرأس=وسمعتي ماتكدرها أهل النفوس العليله
في سلمي ماأعرف درب للقنوط واليأس=بأصمد في وجه المصايب دقها والجليله
أنااللي أخفيت سري وماأبديته في كل مجلاس=خوف عيال اللاش دوارة الغلط والرذيله
رخوم مالهم عند الرجال قدر وقياس=نقالة الهرج والنمايم أهل النفوس الذليه
أهل الغيبة والحسد الأنذال الأنجاس= مايبخصون علم الطيب ولايدلون سبيله
وين هم ووين من هو للعرب نوماس=راعي السلوم والقيم الطيبة النبيله
مدهل للطيب والجود له لباس=وقت احتكام المصايب كلن يرتكيله
لكن من كان في صغره ضعيف الساس=والله ماهو حايش للمرجلة لو حياته طويله
وهذي الدنيا الناس فيها أصناف وأجناس=واختلاف الأصابع في اليدين أكبر دليله
وسلامتكم

[المقهور]

السلام عليكم
بصراحة انا عضو جديد

بس تبي الصراحة ... حلو ان الانسان لما يكتب قصيدة يكتبها من قلب صادق

وانشالله تنفرج همومنا جميعا


أخوكم :
المقهور

[@الصــــــاعقـــة@]

السلام عليكم ,,,,,,,


كلمات حلوه


بس لوتكبرين الخط وتغيرين لون الخط تراه فيه ناس عميى ماتشوف وصح لسانك

[&&فواصل&&]

قصيده رائعه اخوي .....

وهذي الدنيا الناس فيها أصنـاف وأجنـاسو اختلاف الأصابع في اليديـن أكبـر دليلـه


صح لسانك وصدقت......


كلمات جدا معبره والى الامام.......